10/23/2021
Today from Hiiraan Online:  _
Wararka Maanta- Talaado, Aug 24, 2021
Xukuumadda Soomaaliya oo ku dhawaaqday iney wax ka qabaneyso tabashada reer Hiiraan
 

Talaado, Agoosto, 24, 2021 (HOL) - Raysal wasaaraha Xukuumada Feradaalka Soomaaliya Maxamed Xuseen Rooble ayaa markii ugu horeysay si cad u sheegay inuu xalin doono tabashada shacabka reer Hiiraan ka qabaan maamulka Hirshabeelle.

Afhayeenka Xukuumadda Maxamed Ibraahin Macalimuu oo la hadlay warbaahinta ayaa sheegay in Raysal wasaare Rooble uu diyaar u yahay xalinta tabashada shacabka reer Hiiraan kala dhaxeyso maamulka Hirshabeelle.

Warkan kasoo baxay Xukuumadda Soomaaliya ee ah iney xalineyso cabshada reer Hiiraan ee Hirshabeelle ayaa imaanaya xili xaalada Baledweyne ay is badashay oo halkaasi muddo laba maalmood ah ay xarumahii Hirshabeelle gacanta ku hayeen ciidamo la baxay Badbaado Hiiraan.

Dhinaca kale Ugaas Yuusuf Ugaas Xasan ayaa iyo xubno ka tirsan Odayaasha dhaqanka ayaa galinkii dambe ee maanta kulan kula qaatay magaalada Baledweyne ee xarunta gobolka Hiiraan Saraakiisha ciidanka la baxay Badbaado Hiiraan.

Kulanka uu Ugaaska la qaatay saraakiisha Badbaado Hiiraan ee kala ah Nuur Dheere iyo Cabdullaahi Barre ayaa la xariiray sidii ay u dajin lahayeen xaalada magaalada Baledweyne, waxaana la sheegay in saraakiisha ay aqbaleen hadalka Ugaas Yuusuf Ugaas Xasan.

Dhinaca kale nabadoon Cilmi Hagar Guure oo ka mid ah waxgaradka gobolka Hiiraan ayaa sheegay in ciidamada Badbaado Hiiraan ay dib ugu celiyeen xeryahoodi si xaalada loo dajiyo.

Xaalada magaalada Baledweyne ayaa labadii maalin ee lasoo dhaafay aheyd mid kacsan kadib markii ciidamo kasoo horjeeda Hirshabeelle ay la wareegeen inta badan gacan ku heynta Baledweyne.

Jamaal Cali Cabdi, Hiiraan Online
[email protected]












Click here
8/24/2021 5:57 PM EST
Talaado, Agoosto, 24, 2021 (HOL) - Kulan uu hoggaaminayay Madaxwayne Mustafe cagjar islamarkaana ay kasoo qayb galeen laamaha amniga ee degaanka ayaa waxaa uu ka qabsoomay magaalada Jigjiga.

8/24/2021 8:38 AM EST
Talaado, Agoosto, 24, 2021 (HOL) - Ra’iisul Wasaaraha Soomaaliya Maxamed Xuseen Rooble oo guddoomiyey kulan u dhexeeyey Golaha Wadatashiga Qaran ee Doorashooyinka iyo wakiilada Beesha Caalamka u jooga Soomaaliya ayaa looga hadlay dar-dargelinta geeddi-socodka doorashooyinka iyo dadajinta dhaqaalaha farsamo ee saaxiibada caalamka kaga aadan Hannaanka doorashooyinka.

8/24/2021 7:18 AM EST
Talaado, Agoosto, 24, 2021 (HOL) - Guddoomiyaha aqalka sare, Cabdi Xaashi Cabdullaahi iyo garabkiisa siyaasadeed ayaa kasoo horjeestay qaabka golaha wdatashiga Qaran u wajaheen doorashada Kuraasta labada Aqal ee Somaliland.

8/24/2021 4:55 AM EST
Talaado, Agoosto, 24, 2021 (HOL) - Ururada bulshada rayidka Soomaaliyeed ayaa walaac xoogan ka muujiyay habraacii dooraashada golaha shacabka ee dhawaan ay soo saareen golaha wadatashiga qaran.

8/24/2021 3:55 AM EST
Talaado, Agoosto, 24, 2021 (HOL) - Madaxweynayaasha dowlad Goboleedyada ayaa oggolaaday in laga wada hadlo qodobbada ay cabshada iyo diidmada ay Midowga Musharrixiinta ka keeneen habraacii doorashada Golaha Shacabka.

8/24/2021 2:41 AM EST
Talaado, Agoosto, 24, 2021 (HOL) - Wararka ka imaanaya deegaanka Camaara ee gobolka Mudug ayaa sheegaya in waabarigii hore ee saakay weerar qarax ku bilaawday ay ku qaadeen dagaalamayaasha Al-shabaab Saldhiga ciidamada dowladda iyo kuwa Galmudug.

8/24/2021 1:13 AM EST
Talaado, Agoosto, 24, 2021 (HOL) - Wasiirka waxbarashada Somaliland Axmed Maxammed Diiriye (Toorno), ayaa waxba kama jiraan ku tilmamay eedaha loo jeedinayo, macalimiinta Shabakada Abaarso, waxaanu sheegay in caddayn laga rabo cidii tidhi diin kale ayaa lagu dhigaa dugsiyada Abaarso.