10/23/2021
Today from Hiiraan Online:  _
Wararka Maanta- Talaado, Aug 24, 2021
Golaha wadatashiga qaran oo oggolaaday in laga wada hadlo cabashada musharraxiinta ka muujiyeen hab-raaca doorashada aqalka hoose
 

Talaado, Agoosto, 24, 2021 (HOL) - Madaxweynayaasha dowlad Goboleedyada ayaa oggolaaday in laga wada hadlo qodobbada ay cabshada iyo diidmada ay Midowga Musharrixiinta ka keeneen habraacii doorashada Golaha Shacabka.

Oggolaanshan ayaa ka dambeeyay kaddib markii ay xalay kulan Muqdisho kuwada qaateen madaxweynayaasha dowlad goboleedyada iyo musharraxiinta, iyadoo markii dambena uu kusoo biiray raysal wasaaraha.

Hoggaamiyaha xisbiga Wadajir, Cabdiraxmaan Cabdishakuur Warsame oo wareysi siiyay laanta afka Soomaaliga ee  BBC-da, ayaa sheegay in guddi gaar ah oo labada dhinac ah loo saaray sidii turxaan bixin loogu sameyn lahaa walaaca musharraxiintu ka muujiyeen habraaca doorashada.

Cabdiraxmaan Cabdishakuur wuxuu sheegay in ay ka cabanayaan culaysyo badan oo la dulsaaray ergooyinka, sida qarashka isdiiwaan galinta ergooyinka iyo hubinta xagga amniga oo uu sheegay in ay shaki abuurayso.

“Filasho fiican ayaan ka qabnaa sidii aanu kuwada hadalnay dowlad goboleedyada iyo markii dambe oo raysal wasaaruhu nagusoo biiray. Runtii dadkoo dhan waxaa ka go’nayd in la xalliyo waxa jira. Niyad wanaag ayayna dooddu ku socotay. Iima muuqan cid wax gooniya jiidanaysay,” ayuu yiri Cabdiraxmaan Cabdishakuur.

Waa kulankii ugu horreeyay oo arrimaha doorashada ku saabsan oo si toos ah u dhexmara golaha wadatashiga qaran iyo midowga musharraxiinta madaxweynaha Soomaaliya.

Abdiweli M. Sheikh, Hiiraan Online












Click here
8/24/2021 5:57 PM EST
Talaado, Agoosto, 24, 2021 (HOL) - Kulan uu hoggaaminayay Madaxwayne Mustafe cagjar islamarkaana ay kasoo qayb galeen laamaha amniga ee degaanka ayaa waxaa uu ka qabsoomay magaalada Jigjiga.

8/24/2021 1:05 PM EST
Talaado, Agoosto, 24, 2021 (HOL) - Raysal wasaaraha Xukuumada Feradaalka Soomaaliya Maxamed Xuseen Rooble ayaa markii ugu horeysay si cad u sheegay inuu xalin doono tabashada shacabka reer Hiiraan ka qabaan maamulka Hirshabeelle.

8/24/2021 8:38 AM EST
Talaado, Agoosto, 24, 2021 (HOL) - Ra’iisul Wasaaraha Soomaaliya Maxamed Xuseen Rooble oo guddoomiyey kulan u dhexeeyey Golaha Wadatashiga Qaran ee Doorashooyinka iyo wakiilada Beesha Caalamka u jooga Soomaaliya ayaa looga hadlay dar-dargelinta geeddi-socodka doorashooyinka iyo dadajinta dhaqaalaha farsamo ee saaxiibada caalamka kaga aadan Hannaanka doorashooyinka.

8/24/2021 7:18 AM EST
Talaado, Agoosto, 24, 2021 (HOL) - Guddoomiyaha aqalka sare, Cabdi Xaashi Cabdullaahi iyo garabkiisa siyaasadeed ayaa kasoo horjeestay qaabka golaha wdatashiga Qaran u wajaheen doorashada Kuraasta labada Aqal ee Somaliland.

8/24/2021 4:55 AM EST
Talaado, Agoosto, 24, 2021 (HOL) - Ururada bulshada rayidka Soomaaliyeed ayaa walaac xoogan ka muujiyay habraacii dooraashada golaha shacabka ee dhawaan ay soo saareen golaha wadatashiga qaran.

8/24/2021 2:41 AM EST
Talaado, Agoosto, 24, 2021 (HOL) - Wararka ka imaanaya deegaanka Camaara ee gobolka Mudug ayaa sheegaya in waabarigii hore ee saakay weerar qarax ku bilaawday ay ku qaadeen dagaalamayaasha Al-shabaab Saldhiga ciidamada dowladda iyo kuwa Galmudug.

8/24/2021 1:13 AM EST
Talaado, Agoosto, 24, 2021 (HOL) - Wasiirka waxbarashada Somaliland Axmed Maxammed Diiriye (Toorno), ayaa waxba kama jiraan ku tilmamay eedaha loo jeedinayo, macalimiinta Shabakada Abaarso, waxaanu sheegay in caddayn laga rabo cidii tidhi diin kale ayaa lagu dhigaa dugsiyada Abaarso.