10/19/2021
Today from Hiiraan Online:  _
Wararka Maanta- Axad, Aug 15, 2021
Afhayeenka Kulmiye "Doorashada madaxtooyadu ma qabsoomayso 2022"
 

Axad, Agoosto, 15, 2021 (HOL) - Afhayeenka xisbiga Kulmiye Cabdinaasir Muxumed Xasan Buuni, ayaa sheegay in doorashada madaxtooyada Somaliland anay qabsoomaynin sanadka danbe madaama oo 10 kii sano ee sharcigu siinayay in ay shaqeeyaan xisbiyada hada jooga ay dhaamaanayso.

Buuni ayaa sheegay in doorashada furista ururada siyaasada Somaliland ay kasoo horayn doonto doorashada madaxtooyada Somaliland oo la rajaynayay in loo dareero 13 November ee 2022, wuxuuna ku sababeeyey in xisbiyada hada jooga ee Kulmiye, UCID iyo Waddani uu liisankoodu dhacayo isla sanadka danbe.

"2022 liisankii axsaabta ayaa dhacaya markaa doorasho madaxtooyo lama gali karo, xisbiyo liisankoodii dhacay doorasho magalayaan taana saddexda xisbiba haku baraarug sanaadaan, doorashadii guurtidana waynu qabanaynaa, ta madaxtooyaduna wayku xigaysa" ayuu yidhi.

Qorshaha xisbiga Kulmiye ee ah in doorashooyinka guurtida iyo ururada siyaasada laga soo horaysiiyo doorashada madaxtooyada, ayaa haday suuro gasho madaxweyne Biixi u sahli doonto in uu xukunka baaqi kusii ahaado mudo dheeraad ah oo aan sharci ahayn.

Abdilahi Abdi Rahman, Hiiraan Online
[email protected]












Click here
8/15/2021 4:41 PM EST
Axad, Agoosto, 15, 2021 (HOL) - Ra’iisul Wasaaraha Soomaaliya Maxamed Xuseen Rooble ayaa caawa kulan habka fogaan aragga kula qaatay madaxda dowlad Goboleedyada iyo guddoomiyaha gobolka Banaadir.

8/15/2021 12:08 PM EST
Axad, Agoosto, 15, 2021 (HOL) - Dowladda Soomaaliya ayaa dowladda Turkiga kala wareegtay gaadiid gaashaaman oo loogu talo galay ciidamada xoogga dalka Soomaaliyeed ee Gorgor, kuwaas oo ka caawinaya howlgallada ka dhanka ah kooxda Alshabab.

8/15/2021 8:49 AM EST
Axad, Agoosto, 15, 2021 (HOL) - Wasiirkii hore ee amniga Jubbaland, Cabdirashiid Janan oo maanta Muqdisho shir jaraa’id ku qabtay isagoo musharrax xildhibaan ah, ayaa beeniyay warar 24-saac ee lasoo dhaafay saxaafadda lagu faafiyay oo sheegayay inuu burburay heshiiskii uu dowladda la galay.

8/15/2021 7:26 AM EST
Axad, Agoosto, 15, 2021 (HOL) - Waxaa goordhaw lagu soo gabagabeeyay magaalada Baydhabo doorashada sadax kursi oo ka mid aheyd kuraasta Aqalka sare ee ka harsaneyd 8-da kursi ee Xildhibaanada Koonfur Galbeed ku matalaya Baarlamaanka Soomaaliya

8/15/2021 2:31 AM EST
Axad, Agoosto, 15, 2021 (HOL) - Waxaa maanta lagu wadaa iney ka dhacdo magaalada Baydhabo ee xarunta gobolka Baay doorashada qeybtii u dambeysay ee tirsan Senatarada Aqalka sare ee Baarlamaanka Fedaraalka Soomaaliya.

8/15/2021 2:27 AM EST
Axad, Agoosto, 15, 2021 (HOL) - Guddoomiyaha guddiga hirgalinta doorashada heer federal Maxamed Xasan Cirro, ayaa sheegay in ay hab-raac cusub ee loo sameynayo dooorashada aqalka hoose si aanay saamayn ku yeelan doonin dowlad goboleedyada sida dhacday aqalka sare.

8/15/2021 2:14 AM EST
Axad, Agoosto, 15, 2021 (HOL) - Wararka ka imaanaya deegaanka Laankadawo oo ka mid ah deegaanada hoos yimaada magaalada Gaalkacyo ee xarunta gobolka Mudug ayaa sheegaya in halkaasi shalay galinkii dambe lagu dilay Macalin Dugsi Quraan.