10/19/2021
Today from Hiiraan Online:  _
Wararka Maanta- Axad, Aug 15, 2021
Cabdirashiid Janan oo beeniyay inuu burburay heshiiskii uu dowladda la galay
 

Axad, Agoosto, 15, 2021 (HOL) - Wasiirkii hore ee amniga Jubbaland, Cabdirashiid Janan oo maanta Muqdisho shir jaraa’id ku qabtay isagoo musharrax xildhibaan ah, ayaa beeniyay warar 24-saac ee lasoo dhaafay saxaafadda lagu faafiyay oo sheegayay inuu burburay heshiiskii uu dowladda la galay.

Cabdirashiid Janan ayaa sheegay marnaba in aysan ka suurtoobin inuu dib u furo colaadii uu sheegay inuu damiyay. Wuxuu kaloo been abuur ku tilmaamay inuu ku biiray mucaaradka dowladda.

“Caqligeeda ma lihi, aragtideeda ma lihi, shacabkii aan shalay u naxay, colaadii aan damiyay, dib aan u furo ma dhacayso. Nin dagaalamaya, mucaarad ah, raba inuu qori qaato, ma ahi,” ayuu yiri Cabdirashiid Janan.

Janan waxa uu sheegay in si qaldan loo turjumay kaddib markii uu kasoo guuray hoygiisa oo ku dhawaa xarunta nabad sugida, taasoo uu sheegay in loo fasiray inuu dhinaca mucaaradka usoo guuray.

Wasiirkii hore amniga Jubbaland ayaa sidoo kale mar uu ka hadlayay arrimaha Gedo, wuxuu sheegay  in uusan waxba kala socon wararka sheegaya in ciidamadii uu dowladda ku wareejiyay ay gadood sameeyeen.

Wuxuu sheegay ciiddamadaasi in ay yihiin ciidamo dowladdeed oo uu masuuliyadooda horay ugu wareejiyay xukuumada Soomaaliya, wuxuuna sheegay ciidamadaas in aysan hadda ku shaqeyn fikirkiisa.



Abdiweli M. Sheikh, Hiiraan Online












Click here
8/15/2021 4:41 PM EST
Axad, Agoosto, 15, 2021 (HOL) - Ra’iisul Wasaaraha Soomaaliya Maxamed Xuseen Rooble ayaa caawa kulan habka fogaan aragga kula qaatay madaxda dowlad Goboleedyada iyo guddoomiyaha gobolka Banaadir.

8/15/2021 12:08 PM EST
Axad, Agoosto, 15, 2021 (HOL) - Dowladda Soomaaliya ayaa dowladda Turkiga kala wareegtay gaadiid gaashaaman oo loogu talo galay ciidamada xoogga dalka Soomaaliyeed ee Gorgor, kuwaas oo ka caawinaya howlgallada ka dhanka ah kooxda Alshabab.

8/15/2021 11:15 AM EST
Axad, Agoosto, 15, 2021 (HOL) - Afhayeenka xisbiga Kulmiye Cabdinaasir Muxumed Xasan Buuni, ayaa sheegay in doorashada madaxtooyada Somaliland anay qabsoomaynin sanadka danbe madaama oo 10 kii sano ee sharcigu siinayay in ay shaqeeyaan xisbiyada hada jooga ay dhaamaanayso.

8/15/2021 7:26 AM EST
Axad, Agoosto, 15, 2021 (HOL) - Waxaa goordhaw lagu soo gabagabeeyay magaalada Baydhabo doorashada sadax kursi oo ka mid aheyd kuraasta Aqalka sare ee ka harsaneyd 8-da kursi ee Xildhibaanada Koonfur Galbeed ku matalaya Baarlamaanka Soomaaliya

8/15/2021 2:31 AM EST
Axad, Agoosto, 15, 2021 (HOL) - Waxaa maanta lagu wadaa iney ka dhacdo magaalada Baydhabo ee xarunta gobolka Baay doorashada qeybtii u dambeysay ee tirsan Senatarada Aqalka sare ee Baarlamaanka Fedaraalka Soomaaliya.

8/15/2021 2:27 AM EST
Axad, Agoosto, 15, 2021 (HOL) - Guddoomiyaha guddiga hirgalinta doorashada heer federal Maxamed Xasan Cirro, ayaa sheegay in ay hab-raac cusub ee loo sameynayo dooorashada aqalka hoose si aanay saamayn ku yeelan doonin dowlad goboleedyada sida dhacday aqalka sare.

8/15/2021 2:14 AM EST
Axad, Agoosto, 15, 2021 (HOL) - Wararka ka imaanaya deegaanka Laankadawo oo ka mid ah deegaanada hoos yimaada magaalada Gaalkacyo ee xarunta gobolka Mudug ayaa sheegaya in halkaasi shalay galinkii dambe lagu dilay Macalin Dugsi Quraan.