10/19/2021
Today from Hiiraan Online:  _
Wararka Maanta- Axad, Aug 15, 2021
Guddiga doorashada: Hab'raaca doorashada aqalka hoose wax awood ah kuma lahaan doonaan dowlad goboleedyada
 

Axad, Agoosto, 15, 2021 (HOL) - Guddoomiyaha guddiga hirgalinta doorashada heer federal Maxamed Xasan Cirro, ayaa sheegay in ay hab-raac cusub ee loo sameynayo dooorashada aqalka hoose si aanay saamayn ku yeelan doonin dowlad goboleedyada sida dhacday aqalka sare.

Gudoomiyuhu wuxuu sheegay in hab-raaca cusub uu xoojindoono in si furan loogu tartamo dooraahada aqalka hoose oo aysan dhicin in cid gaar ah u afduubnaato ama tartamayaal laga reebo doorashada sida dhacday doorashadii 2016.

Guddoomiye Cirro wuxuu iska fogeeyay in guddigooda lagu eedeeyo habka ay u dhacday doorashada aqalka sare oo ah in madaxweynayaasha dowlad goboleedyada ay lasoo baxeen musharraxiin ku yimid rabitaankooda.

Wuxuu tilmaamay in hab-raaca doorashada aqalka sare uu awoodda siinayo madaxweynayaasha dowlad goboleedyada, taasoo keento in ay saamayn ku yeeshaan habka ay doorashada u dhacday.

Wuxuu sheegay guddiga doorashadu in ay awoodda ugu badan ku leeyihiin doorashada aqalka hoose islamarkaana wixii eed ah oo ka dhasha ay masuuliyaddeeda qaadan doonaan.



Abdiweli M. Sheikh, Hiiraan Online












Click here
8/15/2021 4:41 PM EST
Axad, Agoosto, 15, 2021 (HOL) - Ra’iisul Wasaaraha Soomaaliya Maxamed Xuseen Rooble ayaa caawa kulan habka fogaan aragga kula qaatay madaxda dowlad Goboleedyada iyo guddoomiyaha gobolka Banaadir.

8/15/2021 12:08 PM EST
Axad, Agoosto, 15, 2021 (HOL) - Dowladda Soomaaliya ayaa dowladda Turkiga kala wareegtay gaadiid gaashaaman oo loogu talo galay ciidamada xoogga dalka Soomaaliyeed ee Gorgor, kuwaas oo ka caawinaya howlgallada ka dhanka ah kooxda Alshabab.

8/15/2021 11:15 AM EST
Axad, Agoosto, 15, 2021 (HOL) - Afhayeenka xisbiga Kulmiye Cabdinaasir Muxumed Xasan Buuni, ayaa sheegay in doorashada madaxtooyada Somaliland anay qabsoomaynin sanadka danbe madaama oo 10 kii sano ee sharcigu siinayay in ay shaqeeyaan xisbiyada hada jooga ay dhaamaanayso.

8/15/2021 8:49 AM EST
Axad, Agoosto, 15, 2021 (HOL) - Wasiirkii hore ee amniga Jubbaland, Cabdirashiid Janan oo maanta Muqdisho shir jaraa’id ku qabtay isagoo musharrax xildhibaan ah, ayaa beeniyay warar 24-saac ee lasoo dhaafay saxaafadda lagu faafiyay oo sheegayay inuu burburay heshiiskii uu dowladda la galay.

8/15/2021 7:26 AM EST
Axad, Agoosto, 15, 2021 (HOL) - Waxaa goordhaw lagu soo gabagabeeyay magaalada Baydhabo doorashada sadax kursi oo ka mid aheyd kuraasta Aqalka sare ee ka harsaneyd 8-da kursi ee Xildhibaanada Koonfur Galbeed ku matalaya Baarlamaanka Soomaaliya

8/15/2021 2:31 AM EST
Axad, Agoosto, 15, 2021 (HOL) - Waxaa maanta lagu wadaa iney ka dhacdo magaalada Baydhabo ee xarunta gobolka Baay doorashada qeybtii u dambeysay ee tirsan Senatarada Aqalka sare ee Baarlamaanka Fedaraalka Soomaaliya.

8/15/2021 2:14 AM EST
Axad, Agoosto, 15, 2021 (HOL) - Wararka ka imaanaya deegaanka Laankadawo oo ka mid ah deegaanada hoos yimaada magaalada Gaalkacyo ee xarunta gobolka Mudug ayaa sheegaya in halkaasi shalay galinkii dambe lagu dilay Macalin Dugsi Quraan.