10/21/2021
Today from Hiiraan Online:  _
Wararka Maanta- Axad, Aug 15, 2021
Laba arday ah oo Macalinkoodii Dugsi Quraanka ku dilay gobolka Mudug
 

Axad, Agoosto, 15, 2021 (HOL) - Wararka ka imaanaya deegaanka Laankadawo oo ka mid ah deegaanada hoos yimaada magaalada Gaalkacyo ee xarunta gobolka Mudug ayaa sheegaya in halkaasi shalay galinkii dambe lagu dilay Macalin Dugsi Quraan.

Macalinka la dilay ayaa caan ka ahaa deegaanka Laankadawo iyo tuulooyinka ku dhawdhaw ayaa lagu magacaabi jiray Macalin Cabdisalaan Maxamuud ilkaweyne, kaaso la dilay xili uu ku sugnaa hoygiisa sida ay xaqiijiyeen dadka deegaankaasi.

Dilka Macalinka ayaa la sheegay iney geysteen laba wiil oo ka mid aheyd ardaydii uu baraayay dugsi Quraanka, kuwaas oo dilka Macalinkooda u adeegsaday Faash iyo Maqar oo ay kala dhaceen qeybaha sare ee jirkiisa, isagoona markiiba goobta ku geeriyooday.

Lama oga sababta rasmiga ah ee ka dambeysa dilka  macalinka oo ay dileen laba ka mid aheyd ardaydiisa, waxaana la sheegay in dhalinyaro deegaanka ah ay gacanta ku dhigeen labada wiil ee geystay dilka macalinkoodi Dugsiga, islmarkaana lagu wareejiyay gacanta ciidanka Galmudug.

Si kastaba ha ahaate dilka loogu geystay deegaanka Laankadawo ee gobolka Mudug macalinka Dugsi Quraan ayaa Xalay iyo Saakay si weyn looga hadal haya deegaanka iyo nawaaxigiiisa, waxaana falkaasi aad uga wada naxay Waalidiinta deegaankaasi gaar ahaan kuwa Caruurtooda dhiganayeen Dugsiga Macalinka la dilay.



Jamaal Cali Cabdi, Hiiraan Online
[email protected]













Click here
8/15/2021 4:41 PM EST
Axad, Agoosto, 15, 2021 (HOL) - Ra’iisul Wasaaraha Soomaaliya Maxamed Xuseen Rooble ayaa caawa kulan habka fogaan aragga kula qaatay madaxda dowlad Goboleedyada iyo guddoomiyaha gobolka Banaadir.

8/15/2021 12:08 PM EST
Axad, Agoosto, 15, 2021 (HOL) - Dowladda Soomaaliya ayaa dowladda Turkiga kala wareegtay gaadiid gaashaaman oo loogu talo galay ciidamada xoogga dalka Soomaaliyeed ee Gorgor, kuwaas oo ka caawinaya howlgallada ka dhanka ah kooxda Alshabab.

8/15/2021 11:15 AM EST
Axad, Agoosto, 15, 2021 (HOL) - Afhayeenka xisbiga Kulmiye Cabdinaasir Muxumed Xasan Buuni, ayaa sheegay in doorashada madaxtooyada Somaliland anay qabsoomaynin sanadka danbe madaama oo 10 kii sano ee sharcigu siinayay in ay shaqeeyaan xisbiyada hada jooga ay dhaamaanayso.

8/15/2021 8:49 AM EST
Axad, Agoosto, 15, 2021 (HOL) - Wasiirkii hore ee amniga Jubbaland, Cabdirashiid Janan oo maanta Muqdisho shir jaraa’id ku qabtay isagoo musharrax xildhibaan ah, ayaa beeniyay warar 24-saac ee lasoo dhaafay saxaafadda lagu faafiyay oo sheegayay inuu burburay heshiiskii uu dowladda la galay.

8/15/2021 7:26 AM EST
Axad, Agoosto, 15, 2021 (HOL) - Waxaa goordhaw lagu soo gabagabeeyay magaalada Baydhabo doorashada sadax kursi oo ka mid aheyd kuraasta Aqalka sare ee ka harsaneyd 8-da kursi ee Xildhibaanada Koonfur Galbeed ku matalaya Baarlamaanka Soomaaliya

8/15/2021 2:31 AM EST
Axad, Agoosto, 15, 2021 (HOL) - Waxaa maanta lagu wadaa iney ka dhacdo magaalada Baydhabo ee xarunta gobolka Baay doorashada qeybtii u dambeysay ee tirsan Senatarada Aqalka sare ee Baarlamaanka Fedaraalka Soomaaliya.

8/15/2021 2:27 AM EST
Axad, Agoosto, 15, 2021 (HOL) - Guddoomiyaha guddiga hirgalinta doorashada heer federal Maxamed Xasan Cirro, ayaa sheegay in ay hab-raac cusub ee loo sameynayo dooorashada aqalka hoose si aanay saamayn ku yeelan doonin dowlad goboleedyada sida dhacday aqalka sare.