10/21/2021
Today from Hiiraan Online:  _
Wararka Maanta- Sabti, Aug 14, 2021
Banaanbaxyo lagaga soo horjeedo TPLF oo maanta ka dhacay guud ahaan degaanka Soomaalida


Sabti, Agoosto, 14, 2021 (HOL) - Waxa maanta oo Sabti ah guud ahaan degaanka Soomaalida ka dhacay banaanbaxyo waawayn oo lagaga soo horjeedo kooxda TPLF, Isla markaana lagu taageerayo Ciidamada Difaaca Qaranka Itoobiya.

Meelaha sida wayn looga banaanbaxay ayaa waxaa kamid ah magaalada Jigjiga oo saaka subaxdii hore shacabka magaaladu isugu soo baxeen waddooyinka magaalada iyagoo markii dambe isugu tagay garoonka kubadda cagta ee Jigjiga, halkaas oo madaxda degaanka u saraysa ay hadallo ku saabsan Banaanbaxan shacabkii halkaa ugasoo jeediyay.

Madaxwaynaha Degaanka Soomaalida Mustafe cagjar iyo masuuliyiin kale ayaa goobtaas dadkii isugu soo baxay kala hadlay, Madaxwaynaha oo ka sheekeynayay dhibaatooyinkii ay TPLF shacabka degaanka Soomaalida ugaysatay ayaa ugu dambayn xusay in maanta kaddib aysan dawladdu u dulqaadan doonin waxa uu ku tilmaamay awrkiraalayaasha TPLF, wuxuuna Madaxwayne Mustafe cagjar hadalkiisa kusoo koobay in si cad loola dagaalami doono Argagaxisada TPLF waa siduu hadalka u dhigayee.

Guud ahaan dalka Itoobiya ayaa degaano badan kolba degaan lagaga banaanbaxaa kooxda TPLF, iyagoo shacabku ay dareenkooda ku muujiyaan sida ay uga soo horjeedaan kooxda TPLF, kuna taageerayaan hawlgallada ay wadaan Ciidamada Difaaca Qaranku ee ka dhanka ah TPLF.

Magaalada Jigjiga ayaa markasta oo banaanbaxyo ka jiraan waxaa la xiraa waddooyinka waawayn ee magaalada, si shacabka banaanbaxaya iyo gaadiidku aysan iskaga hor imaanin, iyadoo marka banaanbuxu soo dhammaado dib loo furo waddooyinka.

Abdilahi Jawhar, Hiiraan Online
[email protected]












Click here
8/14/2021 2:10 PM EST
Sabti, Agoosto, 14, 2021 (HOL)- Hal qof ayaa ku nafwaayay 3 kalena way ku dhaawacmeen kadib markii gaadhi waaraad ah iyo gaadhi iska rogo ahi isku dhaceen duleedka bari ee magaalada Berbera.

8/14/2021 1:51 PM EST
Sabti, Agoosto, 14, 2021 (HOL) - Inta la ogyahay hal qof ayaa dhintay laba kalena waa ku dhaawacmeen is rasaasayn ka dhacday magaalada Adhi-cadeeye oo 30Km Laascaanood waqooyi kaga quman.

8/14/2021 9:12 AM EST
Sabti, Agoosto, 14, 2021 (HOL) - Golaha midowga musharraxiinta madaxweynaha Soomaaliya, ayaa maanta shir uga furmay magaalada Muqdisho, waxayna kaga hadlidoonaan arrimaha doorashooyinka ee haatan socda.

8/14/2021 7:01 AM EST
Sabti, Agoosto, 14, 2021 (HOL) - Xiriirka kubbada cagta Puntland ayaa dhammaantood iska iscasilay xilkoodii kadib markii uu buuq iyo khilaaf hareeyeeyay tartankii kubbada cagta gobolada Puntland oo qarka u saarmay inuu fashilmo haatan.

8/14/2021 4:39 AM EST
Sabti, Agoosto, 14, 2021 (HOL) - Buuga Joogaha-maqan oo laga qoray noloshii iyo taariikhdii faneed ee abwaan Xasan Qawdhan Yuusuf, oo ahaa hal-abuur alifay qaar kamida heesaha iyo riwaayadaha ugu caansan uguna wanaagsan fanka Soomaaliyeed, ayaa lagu soo bandhigay Hargaysa.

8/14/2021 4:07 AM EST
Sabti, Agoosto, 14, 2021 (HOL) - Madaxweynaha dowlad goboleedka Galmudug Axmed Cabdi Kaariye Qoorqoor oo ka hadlaayay munaasabad lagu xusaayay sanad guuradii 15-aad ee maamulka Galmudug ayaa si adag uga hadlay dhaliilo loo jeediyay qaabkii ay u dhacday doorashadii qaar ka mid ah kuraasta Aqalka sare ee ka dhacday Dhuusamareeb.

8/14/2021 2:33 AM EST
Sabti, Agoosto, 14, 2021 (HOL) - Cudurka Covid19 ayaa si aad ah ugusoo labo kacleeyay deegaannada Puntland, iyadoo 24saac ee lasoo dhaafay ay magaalada Garowe oo kaliya ugu geeriyoodeen labo qof oo dhalinyarro ah halka kuwa kale ay ku jiraan qeybta xaaladdaha degdega ah.

8/14/2021 2:14 AM EST
Sabti, Agoosto, 14, 2021 (HOL) - Waxaa Shalay galinkii dambe ka degtay garoonka diyaaradaha Ugaas Khaliif ee magaalada Baledweyne diyaarad siday gaadiid nooca ay isticmaalaan ciidamada Booliiska Soomaaliya.

8/14/2021 1:41 AM EST
Sabti, Agoosto, 14, 2021 (HOL) - Madaxweynaha maamulka Koonfur Galbeed Cabdicasiis Xasan Maxamed Laftagareen ayaa soo saaray liiska xubnahii ka dhinaa doorashada kuraasta Aqalka sare ee deegaan doorashadooda tahay Koonfur Galbeed Soomaaliya.