10/18/2021
Today from Hiiraan Online:  _
Wararka Maanta- Sabti, Aug 14, 2021
Buug laga qoray nolosha mid kamida abwaanadii ugu waa wayna fanka oo Hargaysa lagu soo bandhigay


Sabti, Agoosto, 14, 2021 (HOL) - Buuga Joogaha-maqan oo laga qoray noloshii iyo taariikhdii faneed ee abwaan Xasan Qawdhan Yuusuf, oo ahaa hal-abuur alifay qaar kamida heesaha iyo riwaayadaha ugu caansan uguna wanaagsan fanka Soomaaliyeed, ayaa lagu soo bandhigay Hargaysa.

Buuga Joogaha-maqan oo uu qoray qoraa dhalinyaro ah oo lagu magacaabo Axmed Karaama, ayaa lagu ururiyay dhaxal kii faneed ee uu abwaanku ifka kaga tagay iyo noloshiisii, isla markaana waxa lagu sugay taariikhda iyo sooyaalka ay leedahay murtida abwaan Xasan Qawdhan.

"Abwaan Xasan Qawdhan taariikhdiisa ku dheeraan maayo oo heesaha ugu caansan Soomaalida, ayuu lahaa waxa buugani uu koobsanayaa, in suugaantii Xasan Qawdhan iyo shakhsiyadiisi laysku barto" sida waxa yidhi qoraaga buuga Axmed Karaama.

Xafladda bandhigan buuga Joogaha-maqan oo ka dhacday hoteelka Maansoor ee Hargaysa, ayaa waxa kasoo qayb galay saraakiil xukuumada ka tirsan, madaxda xisbiyada mucaaradka, bahda suugaanlayda, qoraayo iyo kumaan waayeel iyo dhalinyaro ah oo suugaanta abwaankanka la barbaaray.

Heesaha ugu caansan ee uu abwaanku alifay waxa kamida, heesta Miidaamo oo uu qaado Axmed Mooge, Riyo oo uu qaado Maxamed Saleebaan, Qalam-jalam oo uu qaado Muuse Ismaaciil Qalinle, Hoombaro oo ay wada qaadan Bashiir Xadi iyo Hubo Nuura, Waxan tagay shabcantii oo uu qaado Maxammed Mooge iyo heeso kale oo badan.

Riwaayadaha uu abwaanku alifay waxa ugu caansan, Anaga oo waalan waagu noo bari, Yaan la waalin jacaylka  iyo Wakhtigu nina waal nina waani oo ahayd riwaayadii ugu horaysay ee madaxwaynihii dowladii Kacaanka Maxammed Siyaad Barre ka qayb galo daawashadeeda sanadkii 1973.

Abwaan Xasan Qawdhan waxa uu ku dhashay maagalada Hargaysa sanadkii 1944, fankiisa waxa uu ka bilaabay magaalada Muqdisho dhamaadkii 1969, kadib muddo dheer oo uu bahda sugaanlayda ka tirsana waxa uu ku xijaabtay waddanka Sweden 19, April, 2017 isagoo 73 sano jir ah.

Abdillahi Abdi Rahman, Hiiraan Online
[email protected]












Click here
8/14/2021 2:10 PM EST
Sabti, Agoosto, 14, 2021 (HOL)- Hal qof ayaa ku nafwaayay 3 kalena way ku dhaawacmeen kadib markii gaadhi waaraad ah iyo gaadhi iska rogo ahi isku dhaceen duleedka bari ee magaalada Berbera.

8/14/2021 1:51 PM EST
Sabti, Agoosto, 14, 2021 (HOL) - Inta la ogyahay hal qof ayaa dhintay laba kalena waa ku dhaawacmeen is rasaasayn ka dhacday magaalada Adhi-cadeeye oo 30Km Laascaanood waqooyi kaga quman.

8/14/2021 9:12 AM EST
Sabti, Agoosto, 14, 2021 (HOL) - Golaha midowga musharraxiinta madaxweynaha Soomaaliya, ayaa maanta shir uga furmay magaalada Muqdisho, waxayna kaga hadlidoonaan arrimaha doorashooyinka ee haatan socda.

8/14/2021 7:01 AM EST
Sabti, Agoosto, 14, 2021 (HOL) - Xiriirka kubbada cagta Puntland ayaa dhammaantood iska iscasilay xilkoodii kadib markii uu buuq iyo khilaaf hareeyeeyay tartankii kubbada cagta gobolada Puntland oo qarka u saarmay inuu fashilmo haatan.

8/14/2021 6:32 AM EST
Sabti, Agoosto, 14, 2021 (HOL) - Waxa maanta oo Sabti ah guud ahaan degaanka Soomaalida ka dhacay banaanbaxyo waawayn oo lagaga soo horjeedo kooxda TPLF, Isla markaana lagu taageerayo Ciidamada Difaaca Qaranka Itoobiya.

8/14/2021 4:07 AM EST
Sabti, Agoosto, 14, 2021 (HOL) - Madaxweynaha dowlad goboleedka Galmudug Axmed Cabdi Kaariye Qoorqoor oo ka hadlaayay munaasabad lagu xusaayay sanad guuradii 15-aad ee maamulka Galmudug ayaa si adag uga hadlay dhaliilo loo jeediyay qaabkii ay u dhacday doorashadii qaar ka mid ah kuraasta Aqalka sare ee ka dhacday Dhuusamareeb.

8/14/2021 2:33 AM EST
Sabti, Agoosto, 14, 2021 (HOL) - Cudurka Covid19 ayaa si aad ah ugusoo labo kacleeyay deegaannada Puntland, iyadoo 24saac ee lasoo dhaafay ay magaalada Garowe oo kaliya ugu geeriyoodeen labo qof oo dhalinyarro ah halka kuwa kale ay ku jiraan qeybta xaaladdaha degdega ah.

8/14/2021 2:14 AM EST
Sabti, Agoosto, 14, 2021 (HOL) - Waxaa Shalay galinkii dambe ka degtay garoonka diyaaradaha Ugaas Khaliif ee magaalada Baledweyne diyaarad siday gaadiid nooca ay isticmaalaan ciidamada Booliiska Soomaaliya.

8/14/2021 1:41 AM EST
Sabti, Agoosto, 14, 2021 (HOL) - Madaxweynaha maamulka Koonfur Galbeed Cabdicasiis Xasan Maxamed Laftagareen ayaa soo saaray liiska xubnahii ka dhinaa doorashada kuraasta Aqalka sare ee deegaan doorashadooda tahay Koonfur Galbeed Soomaaliya.