10/18/2021
Today from Hiiraan Online:  _
Wararka Maanta- Sabti, Aug 14, 2021
Puntland : In ka badan toban qof oo cudurka Covid19 ugu geeriyooday
 

Sabti, Agoosto, 14, 2021 (HOL) - Cudurka Covid19 ayaa si aad ah ugusoo labo kacleeyay deegaannada Puntland, iyadoo 24saac ee lasoo dhaafay ay magaalada Garowe oo kaliya ugu geeriyoodeen labo qof oo dhalinyarro ah halka kuwa kale ay ku jiraan qeybta xaaladdaha degdega ah.

Duqa magaalada Garowe Axmed Siciid Muuse (Axmed Barre) ayaa sheegay in ay gabaabsi yihiin haamaha ogsijiinta ee caawiya dadka naqasku ku dhego ee uu soo rito cudurka Covid19.

Magaalada Qardho ee gobolka Bari ayaa sidaas oo kale maalmihii lasoo dhaafay dad badan ugu geeriyoodeen cudurka.

Wasaaradda caafimaadka Puntland ayaa sheegtay in tobankii berri ee la soo dhaafay xanuunka dad badan laga helay ayna  u geeriyoodeen ilaa 10 qof.

Waxaa shaybaarka lagu baaro covid19 lagu xaqiijiyay in nooca cusub oo ka halis badan kii hore uu yahay nooca hadda Puntland ka jira loona yaqaano Delta, waana nooc cusub oo India  horay looga helay.

Wasaaradda caafimaadku waxay dadweynaha u soo jeedisay in dib loo soo celiyo taxadarkii gaar ahaan afxirashada, kala fogaanshaha, sidoo kalena dadweynaha ay tallaalka qaataan si loo xakameeyo.

Abdiweli M. Sheikh, Hiiraan Online












Click here
8/14/2021 2:10 PM EST
Sabti, Agoosto, 14, 2021 (HOL)- Hal qof ayaa ku nafwaayay 3 kalena way ku dhaawacmeen kadib markii gaadhi waaraad ah iyo gaadhi iska rogo ahi isku dhaceen duleedka bari ee magaalada Berbera.

8/14/2021 1:51 PM EST
Sabti, Agoosto, 14, 2021 (HOL) - Inta la ogyahay hal qof ayaa dhintay laba kalena waa ku dhaawacmeen is rasaasayn ka dhacday magaalada Adhi-cadeeye oo 30Km Laascaanood waqooyi kaga quman.

8/14/2021 9:12 AM EST
Sabti, Agoosto, 14, 2021 (HOL) - Golaha midowga musharraxiinta madaxweynaha Soomaaliya, ayaa maanta shir uga furmay magaalada Muqdisho, waxayna kaga hadlidoonaan arrimaha doorashooyinka ee haatan socda.

8/14/2021 7:01 AM EST
Sabti, Agoosto, 14, 2021 (HOL) - Xiriirka kubbada cagta Puntland ayaa dhammaantood iska iscasilay xilkoodii kadib markii uu buuq iyo khilaaf hareeyeeyay tartankii kubbada cagta gobolada Puntland oo qarka u saarmay inuu fashilmo haatan.

8/14/2021 6:32 AM EST
Sabti, Agoosto, 14, 2021 (HOL) - Waxa maanta oo Sabti ah guud ahaan degaanka Soomaalida ka dhacay banaanbaxyo waawayn oo lagaga soo horjeedo kooxda TPLF, Isla markaana lagu taageerayo Ciidamada Difaaca Qaranka Itoobiya.

8/14/2021 4:39 AM EST
Sabti, Agoosto, 14, 2021 (HOL) - Buuga Joogaha-maqan oo laga qoray noloshii iyo taariikhdii faneed ee abwaan Xasan Qawdhan Yuusuf, oo ahaa hal-abuur alifay qaar kamida heesaha iyo riwaayadaha ugu caansan uguna wanaagsan fanka Soomaaliyeed, ayaa lagu soo bandhigay Hargaysa.

8/14/2021 4:07 AM EST
Sabti, Agoosto, 14, 2021 (HOL) - Madaxweynaha dowlad goboleedka Galmudug Axmed Cabdi Kaariye Qoorqoor oo ka hadlaayay munaasabad lagu xusaayay sanad guuradii 15-aad ee maamulka Galmudug ayaa si adag uga hadlay dhaliilo loo jeediyay qaabkii ay u dhacday doorashadii qaar ka mid ah kuraasta Aqalka sare ee ka dhacday Dhuusamareeb.

8/14/2021 2:14 AM EST
Sabti, Agoosto, 14, 2021 (HOL) - Waxaa Shalay galinkii dambe ka degtay garoonka diyaaradaha Ugaas Khaliif ee magaalada Baledweyne diyaarad siday gaadiid nooca ay isticmaalaan ciidamada Booliiska Soomaaliya.

8/14/2021 1:41 AM EST
Sabti, Agoosto, 14, 2021 (HOL) - Madaxweynaha maamulka Koonfur Galbeed Cabdicasiis Xasan Maxamed Laftagareen ayaa soo saaray liiska xubnahii ka dhinaa doorashada kuraasta Aqalka sare ee deegaan doorashadooda tahay Koonfur Galbeed Soomaaliya.