10/19/2021
Today from Hiiraan Online:  _
Wararka Maanta- Jimco, Aug 13, 2021
Wakiilka Qaramada Midoobay ee Soomaaliya oo ka hadlay horumarka la taaban karo ee laga gaaray doorashada Soomaaliya
 

Jimco, Agoosto, 13, 2021 (HOL) - Ergeyga QM ee Soomaaliya ayaa golaha ammanaka u sheegay in horumar laga gaaray heshiiskii u dhexeeyay dowladda federaalka iyo dowlad goboleedyada oo ujeedkiisu ahaa in la qabto doorashooyinka qaran ee dib u dhaca uu ku yimid.

Laakiin Ergaygu wuxuu sheegay in loo baahan yahay dadaal dheeri ah si loo xaqiijiyo amniga doorashada iyadoo la eegayo halista joogtada ah ee ka imaanaysa kooxda Al-Shabaab.

Illaa iyo sanadkan, UNka ayaa diiwaan geliyay warbixinno ku saabsan 321 qof oo rayid ah oo la dilay, oo inta badan loo aaneeyanayo in ay ka dambeeyaan Al-Shabaab.

James Swan ayaa ku ammaanay raysal wasaare Rooble inuu muujiyey hoggaan xooggan iyo hindise ku aaddan in geeddi socodka hore loo dhaqaajiyo, isagoo kulamo joogto ah la qaadanayay hoggaamiyayaasha dowlad gobolleedyada.

Swan ayaa golaha ammaanka u sheegay in doorashada kuraasta aqalka sare ee Baarlamaanka ay ka bilaabatay afar dowlad goboleed, inkastoo uu sheegay inuu si gaar ah uga walaacsan yahay haddii aan tallaabooyin adag hadda la qaadin, laga yaabee inaan la gaarin qoondada haweenka.

Abdiweli M. Sheikh, Hiiraan Online















Click here
8/13/2021 3:28 PM EST
Jimco, Agoosto, 13, 2021 (HOL) - Guddoomiyihii guddiga xallinta Khilaafaadka ee doorashada C/llaahi Abyan Nuur ayaa goordhow ku geeriyooday Isbitaal Martiini ee magaalada Muqdisho.

8/13/2021 7:58 AM EST
Jimco, Agoosto, 13, 2021 (HOL) - Dowladda Soomaaliya ayaa wada qaban qaabada xuska weyn oo loo sameynayo sanad guuradii 10-aad ee kasoo wareegatay markii uu Soomaaliya yimid madaxweynaha dalka Turkiga Recep Dayyib Erdogan.

8/13/2021 6:58 AM EST
Jimco, Agoosto, 13, 2021 (HOL) - Ururka Ganacsiga Badaha ee waddanka UK ayaa sheegay in burcad badeed Soomaaliya ay weerareen markab ganacsi oo marayay xeebaha Soomaaliya.

8/13/2021 1:11 AM EST
Jimco, Agoosto, 13, 2021 (HOL) - Saraakiil ka tirsan Booliska La-dagaalanka Argagixisadda Kenya ee Mombasa ayaa xiray saddex eedeysane oo lagu tuhunsan yahay falal Argagixiso, oo ay ku jiraan 2 nin oo ay baadi-goobayaan Dowladdaha Masar iyo Somalia.

8/13/2021 1:07 AM EST
Jimco, Agoosto, 13, 2021 (HOL) - Guddiga hirgelinta Doorashooyinka ee Heer Federaal ayaa ka hadlay natiijada doorashada Aqalka Sare ee maalintii shalay ka dhacday Caasimadda Galmudug ee Dhuusamareeb.

8/13/2021 12:59 AM EST
Jimco, Agoosto, 13, 2021 (HOL) - Waxa magaalada Hargaysa lagu soo bandhigay buuga Astaan-halgan oo laga qoray noloshii iyo halgankii halgamaa Maxammed Xaashi Diiriye Lixle, oo ahaa udubihii dhaq dhaqaaqii dib u xoraynta Soomaaliyeed ee SNM.