10/18/2021
Today from Hiiraan Online:  _
Wararka Maanta- Jimco, Aug 13, 2021
Guddoomiye Cirro : Waxaa loo baahan yahay in la tartamo oo tanaasul la'aan doorashooyinku dhacaan
 

Jimco, Agoosto, 13, 2021 (HOL) - Guddiga hirgelinta Doorashooyinka ee Heer Federaal ayaa ka hadlay natiijada doorashada Aqalka Sare ee maalintii shalay ka dhacday Caasimadda Galmudug ee Dhuusamareeb, iyadoo lagu doortay 6 sanator oo kala ah:- 1. Saciid Siyaad Shirwac 2. Yuusuf Geelle Ugaas 3. Cabdi Axmed Dhuxulow 4. Samsam Daahir Maxamuud 5. Cabdixakiim Macallin Axmed 6. Duniyo Maxamed Cali.

Guddoomiyaha guddiga doorashada heer federal Maxamed Xasan Cirro ayaa sheegay in loo baahnaa in la tartamo oo tanaasul la’aan ay codeyntu u dhacdo, balse wuxuu soo dhoweeyay in qoondada haweenka la ilaaliyay oo labo dumar ah ay soo baxeen doorashadii shalay.

Guddoomiye Cirro ayaa carrabka ku adkeeyey sida ay lagama maarmaan u tahay in la dardargeliyo doorashooyinka labadda Aqal ee Baarlamaam Federaalka Soomaaliya si loo waafaqo heshiisyadii kala duwanaa ee taabanayey doorasho waqtigii loogu talagalay ku dhacda.

Musharraxiinta kusoo baxay doorashooyinka aqalka sare ee ka dhacday dowlad goboleedyada waxay dhammaantood marka laga reebo tiro aad u yar, ku yimaadeen tanaasul.


Abdiweli M. Sheikh, Hiiraan Online












Click here
8/13/2021 3:28 PM EST
Jimco, Agoosto, 13, 2021 (HOL) - Guddoomiyihii guddiga xallinta Khilaafaadka ee doorashada C/llaahi Abyan Nuur ayaa goordhow ku geeriyooday Isbitaal Martiini ee magaalada Muqdisho.

8/13/2021 7:58 AM EST
Jimco, Agoosto, 13, 2021 (HOL) - Dowladda Soomaaliya ayaa wada qaban qaabada xuska weyn oo loo sameynayo sanad guuradii 10-aad ee kasoo wareegatay markii uu Soomaaliya yimid madaxweynaha dalka Turkiga Recep Dayyib Erdogan.

8/13/2021 6:58 AM EST
Jimco, Agoosto, 13, 2021 (HOL) - Ururka Ganacsiga Badaha ee waddanka UK ayaa sheegay in burcad badeed Soomaaliya ay weerareen markab ganacsi oo marayay xeebaha Soomaaliya.

8/13/2021 1:33 AM EST
Jimco, Agoosto, 13, 2021 (HOL) - Ergeyga QM ee Soomaaliya ayaa golaha ammanaka u sheegay in horumar laga gaaray heshiiskii u dhexeeyay dowladda federaalka iyo dowlad goboleedyada oo ujeedkiisu ahaa in la qabto doorashooyinka qaran ee dib u dhaca uu ku yimid.

8/13/2021 1:11 AM EST
Jimco, Agoosto, 13, 2021 (HOL) - Saraakiil ka tirsan Booliska La-dagaalanka Argagixisadda Kenya ee Mombasa ayaa xiray saddex eedeysane oo lagu tuhunsan yahay falal Argagixiso, oo ay ku jiraan 2 nin oo ay baadi-goobayaan Dowladdaha Masar iyo Somalia.

8/13/2021 12:59 AM EST
Jimco, Agoosto, 13, 2021 (HOL) - Waxa magaalada Hargaysa lagu soo bandhigay buuga Astaan-halgan oo laga qoray noloshii iyo halgankii halgamaa Maxammed Xaashi Diiriye Lixle, oo ahaa udubihii dhaq dhaqaaqii dib u xoraynta Soomaaliyeed ee SNM.