10/21/2021
Today from Hiiraan Online:  _
Wararka Maanta- Khamiis, Aug 12, 2021
Haweenay Soomaaliyeed oo looga reebay doorashada Australia sababo la xariira lacago ay ka heshay wasiir katirsan xukuumada Soomaaliya
 

Khamiis, Agoosto, 12, 2021 (HOL) - Sahra Axmed Mustaf oo haweenay Soomaaliyeed ayaa laga reebay tartanka doorashada kursiga Baarlamanka Federaalka ee xaafadda ay ku badan yihiin Soomalida ee dalka Australia.

Sahra Axmed Mustaf oo katirsanayd xisbiga talada haya ee dalkaas, ayaa waxay tartanka doorashada ku weyday dhaqaale kooban oo ay sheegtay in ay ka heshay wasiirka katirsan Soomaaliya oo adeerkeed ah.

Sahro oo sidoo kale lumisay xubintii xisbiga talada haya, ayaa wareysi ay siisay VOA Somali, waxay ku sheegtay in dhaqaalaha ay ka heshay wasiirka uu yahay dhaqaale loogu talo galay carruurteeda.

Waxay sheegtay go’aanka looga reebay doorashada inuu yahay mid sharci darro ah, waxayna ku doodey in aanay wax xiriir ah ka dhaxayn doorashadeeda iyo lacagaha Soomaaliya loogasoo diray.

Warbixin uu daabacay wargeyska the Age, ayaa lagu sheegay in taageerada maaliyadeed ee Sahra ay gadaal ka riixeyso dano dowladda Soomaaliya ka leedahay baarlamaanka Australia.

Wargeyska The Age ayaa sheegay sababta keentay in doorashada laga joojiyo Sahro Axmed Mustafe, lagana saaro xisbigeeda ay tahay, iyadoo xisbiga talada haya ee Liberal uu welwel ka qabo weerar siyaasadeed oo uu kala kulmi karo xisbiga shaqaalaha.

Abdiweli M. Sheikh, Hiiraan Online












Click here
8/12/2021 12:45 PM EST
Khamiis, Agoosto, 12, 2021 (HOL) - Xisbiyada mucaaradka Somaliland ee Waddani iyo UCID, ayaa wasiirka gaashaandhiga Somaliland Cabdiqani Maxamuud Caateeye ku eedeeyay in uu xadhig u gaystay madaxdhaqameed iyo madax warbaahineed.

8/12/2021 11:17 AM EST
Khamiis, Agoosto, 12, 2021 (HOL)- Xukuumada Somaliland ayaa ku dhawaaqday in ay fasaxday isticmaalka lacagta 50 ka dollar ee Maraykanka oo ay xukuumadu hakad galisay isticmaalkeeda 18 February ee sanadkan kadib markii lacago been abuur ahi soo galeen Somaliland.

8/12/2021 11:13 AM EST
Khamiis, Agoosto, 12, 2021 (HOL) - Kadib markii gudoonka waxbarashada gobolka Sool iyo maamulka gobolku ay saaka tageen Dugsiga Boodhinka oo maalintii shalay rabshado ka dheceen ay ku guulaysteen in xaaladu caadi ku soo noqoto.

8/12/2021 8:48 AM EST
Khamiis, Agoosto, 12, 2021 (HOL) - Barlamaanka Galmudug ayaa soo gabagabeeyay qeybtii koowaad ee doorashada Senotarada Galmudug u matalaya barlamaanka aqalka sare, waxaana la doortay illaa 6 mudane oo labo kamid ah ay dumar yihiin.

8/12/2021 6:03 AM EST
Khamiis, Agoosto, 12, 2021 (HOL) - War kasoo baxay Ismaamulka Diridhabe ayaa lagu sheegay in lajaan gooyay qiimihii maciishada ee Diridhabe oo maalmihii lasoo dhaafay aad u kacsanaa.

8/12/2021 2:25 AM EST
Khamiis, Agoosto, 12, 2021 (HOL) - Waxaa maanta lagu wadaa in magaalada Dhuusamareeb ee xarunta gobolka Galgaduud ay ka bilaabato doorashada Xildhibaanada Aqalka sare ee Baarlamaanka Soomaaliya ku matalaya maamulka Galmudug.

8/12/2021 1:51 AM EST
Khamiis, Agoosto, 12, 2021 (HOL) - AMISOM ayaa sheegtay inay bilowday baaritaan ku aadan dhacdadii tuulada Golweyn ee gobolka Shabeelaha hoose, kaddib markii lagu eedeeyay askartooda in ay si bareer ah u laayeen dad shacab ah oo aan waxba galafsan.

8/12/2021 1:44 AM EST
Khamiis, Agoosto, 12, 2021 (HOL) - Raysal Wasaaraha Soomaaliya, Maxamed Xuseen Rooble ayaa sheegay in heshiis laga gaaray khilaaf soo kala dhex galay isaga iyo madaxweyne Farmaajo, oo ku kala aragti duwanaaday wada xaajoodka xukuumada.