10/23/2021
Today from Hiiraan Online:  _
Wararka Maanta- Arbaco, Aug 11, 2021
Somaliland: Magaalada Burco oo lagu qabtay khamri iyo hub tiro badan
 

Arbaco, Agoosto, 11, 2021 (HOL) - Ciidamada booliiska Somaliland ee gobolka Todheer, ayaa gacanta ku dhigay 587 dhalo oo khamri ah, midiyo iyo tooriyo tiro badan oo ciidamadu kusoo qabteen howlgalo ay sameeyeen.

"Waxan halkan kusoo bandhigayna mukhaqaraadka ay qabteen saldhigyada Faarax Omaar iyo Saldhiga Dhexe, khamrigaas oo ah marka laysku geeyo 587 dhalo, khamriga waxaanu ku qabanay laba land cruiser oo hada halka yaala iyo khamru meel lagu aasay" sida waxa yidhi taliyaha booliiska gobolka Togdheer Maxammed Faarax Nuur.

Taliyaha ayaa sheegay in Khamriga ciidanku soo qabteen uu yahay khamri muddo dhaafay oo gabi ahaantiiba dhacay sanadkii 2015 isla markaana uu sababi karo xataa xanuuno marka laga yimaado in uu yahay mukhaadaraad sharci daro ah.

"Dhalooyinkaa markaanu eegnay khamrigu wuxuu dhacay 2015, isagoo khamrigii ugu liitay Itoobiya uu yahay ayuu hadana dhacay 2015, xarfaanteenan khamriga keenta waxaa dhacay ayay dadka ka iibinayaan" ayuu yidhi tiliye Maxammed Faarax Nuur.

Dhinacakale ciidanka ayaa howlaglo uu ka sameeyay magaalada Burco kusoo qabtay hub tiro badan oo ka kooban midiyo iyo tooriyo.

"Ciidanka booliisku ollolihii ay qaadeen waxay kusoo qab qabteen khamiriga iyo hubkaa kala duwan oo ah budhadh, baangado iyo tooriyo" sida waxa yidhi badhasaab ku xigeenka gobolka Togdheer Maxammed Cabdillaahi Nafaqo.

Ciidamada booliiska Somaliland ayaa guud ahaan dagaal xoogan kula jira maandooriyaha noocyadiisa kala duwan oo si sharci daro ah dhinaca Itoobiya iyo meelo kale looga soo galiyo gudaha Somaland.

Abdi Rahman, Hiiraan Online















Click here
8/11/2021 1:50 PM EST
Arbaco, Agoosto, 11, 2021 (HOL) - Gabadh lagu sheegay in ay 12 jir tahay ayaa ku dhimatay rabshad dhexmartay ciidanka Booliska iyo arday dhigata Dugsiga Sare ee Hoyga Laascaanood oo ay wax ku bartaan ardayda badanaa tuulooyinka aan lahayn dugsiyada Sare ka yimaada.

8/11/2021 11:13 AM EST
Arbaco, Agoosto, 11, 2021 (HOL) - Wasiirka arrimaha dibedda Soomaaliya, Maxamed Cabdirisaaq Maxamuud oo shir jara’id ku qabtay Nayroobi ayaa beeniyay in habo yaraatee kulankii raysal wasaaraha Soomaaliya uu la yeeshay madaxweynaha Kenya looga hadlay arrimaha badda.

8/11/2021 11:02 AM EST
Arbaco, Agoosto, 11, 2021 (HOL) - Xogeeyaha arrimaha bulshada ee xisbiga Waddani Maxammed Saddiiq Dhame, ayaa xukuumada Somaliland ku eedeeyay in ay hab sharciga baal marsan u maamulayso deeqaha waxbarasho ee waddamada dibadu siiyaan ardayda Somaliland.

8/11/2021 8:57 AM EST
Arbaco, Agoosto, 11, 2021 (HOL) - Raysal Wasaaraha Soomaaliya Maxamed Xuseen Rooble oo ku sugan dalka Kenya, ayaa maamulka Puntland ugu hambalyeeyay bilaabista doorashada kuraasta Aqalka sare ee Soomaaliya.

8/11/2021 7:32 AM EST
Arbaco, Agoosto, 11, 2021 (HOL) - Barlamaanka maamul goboleedka Puntland ayaa maanta oo arbaco ah doortay 11 xildhibaan oo Puntland u matali doona barlamaanka labaad ee aqalka sare.

8/11/2021 7:18 AM EST
Arbaco, Agoosto, 11, 2021 (HOL) - Xarunta Xuquuqal Insaanka Madaxabannaan ee Somaliland, ayaa canbaaraysay xadhiga Ismaaciil Cabdillaahi Xuseen iyo Cabdiqani Sh. Maxamed Sh. Cumar oo 3, July, Boorama lagu xidhay kadib markay ay ka hadleen garaacis loo gaystay Cabdirsaaq Axmed Gorayo oo wasaarada beeraha dhaliiyay.

8/11/2021 7:16 AM EST
Arbaco, Agoosto, 11, 2021 (HOL) - Guddoomiyaha maamulka gobolka Banaadir ahna duqa magaalada Muqdisho Cumar Maxamuud Maxamed Cumar Filish ayaa xilalkii ka qaaday qaar ka mid ah guddoomiyaasha degmooyinka gobolka Banaadir.

8/11/2021 2:59 AM EST
Arbaco, Agoosto, 11, 2021 (HOL) - Soomaaliya iyo Kenya ayaa ku heshiiyay inay soo celiyaan xiriirkii, iskana kaashadaan dhinacyo ay ka mid yihiin amniga, ganacsiga iyo maalgashiga.

8/11/2021 2:54 AM EST
Arbaco, Agoosto, 11, 2021 (HOL) - Barlamaanka Puntland ayaa guda galay doorashada xildhibaanada aqalka sare kadib markii shalay uu madaxweynaha Puntland, uu soo saaray liiska musharraxiinta 11 ka kursi ee aqalka sare.

8/11/2021 1:13 AM EST
Arbaco, Agoosto, 11, 2021 (HOL) - Madaxweynaha dowlad goboleedka Galmudug Axmed Cabdi Kaariye Qoorqoor ayaa shaaciyay liiska qaar ka mid ah Musharaxiinta kuraasta Aqalka sare ee deegaan doorashadoodu tahay Galmudug.

8/11/2021 1:06 AM EST
Arbaco, Agoosto, 11, 2021 (HOL) - Meydadka dad shacab ah oo gaaraya ilaa 7 ruux oo la sheegay iney dileen ciidamada AMISOM ayaa yaala Isbitaalka Madiina ee magalaada Muqdisho.