10/18/2021
Today from Hiiraan Online:  _
Wararka Maanta- Talaado, Aug 10, 2021
Barlamaanka Puntland oo ku dhawaaqay guddiga doorashada aqalka sare iyo xilliga laqabanayo doorashada
 

Talaado, Agoosto, 10, 2021 (HOL) - Guddoomiyaha barlamaanka Puntland, Cabdirashiid Yuusuf Jibriil ayaa magacaabay guddiga qabshada doorashada aqalka Sare ee baarlamaanka Federalka Soomaaliya ee Puntland.

Guddiga la magaacaabay oo ka kooban shan xubnood ayaa waxay ka yimaadeen xildhibaanada Puntland, waxayna qaban qaabinayaan doorashada aqalka sare.

Guddoomiyaha  barlamaanka ayaa ku wargaliyay guddiga Hirgelinta Doorashooyinka Heer Federaal (FEIT) iyo Guddiga Maamulka Doorashooyinka Heer Puntland in Doorashada Xubnaha Aqalka Sare ee la qaban doono taariikkhda maray tahay 11/08/2021.

"Guddoomiyaha Golaha Wakiillada Dawladda Puntland Mudane, Cabdirashid Yuusuf Jibriil wuxuu ku wargelinayaa Guddiga Hirgelinta Doorashooyinka Heer Federaal (FEIT), Guddiga Maamulka Doorashooyinka Heer Puntland (SEIT), Musharixiinta Xubnaha Aqalka Sare ee Puntland, iyo Dhammaan daneeyayaasha Doorashooyinka Heer Federaal in Doorashada Xubnaha Aqalka Sare ee Baarlamaanka Federaalka Soomaaliya ee Puntland la qaban doono 11/08/2021, kuna beegan maalinta Arbaca, Haddii Eebbe Idmo. Waxaan rajaynaynaa in loo diyaar garoobo, cid kastaana qaadato doorka kaga aaddan." ayaa lagu yidhi qoraal kasoo baxay Baarlamaanka Puntland.

Magacaabidda guddigan ayaa kusoo beegmay xilli uu madaxweynaha Puntland Siciid Deni uu soo saaray liiska musharraxiinta aqalka sare.


Abdiweli M. Sheikh, Hiiraan Online














Click here
8/10/2021 10:42 AM EST
Talaado, Agoosto, 10, 2021 (HOL) - Madaxweynaha dalka Kenya Uhuru Kenyatta ayaa maanta oo Talaado ah ku qaabilay magaalada Mombasa ra’iisul wasaaraha Soomaaliya Maxamed Xuseen Rooble oo safarkii ugu horreeyay ku tagay Kenya.

8/10/2021 10:36 AM EST
Talaado, Agoosto, 10, 2021 (HOL) - Ugu yaraan siddeed qof oo shacab ah ayaa maanta ku geeriyooday qaraxyo ka dhacay meel u dhow degmada Bacaad weyne ee gobolka Mudug.

8/10/2021 5:14 AM EST
Talaado, Agoosto, 10, 2021 (HOL) - Raysal wasaaraha Xukuumadda Soomaaliya Maxamed Xuseen Rooble ayaa kulan kula qaatay gudaha garoonka diyaaradaha Aadan Cadde ee magaalada Muqdisho laamaha amniga islamarkaana faray xoojinta iyo xaqiijibta amniga guud ee dalka gaar ahaan Caasimada Soomaaliya ee Muqdisho.

8/10/2021 1:06 AM EST
Talaado, Agoosto, 10, 2021 (HOL) - Madaxweynaha Puntland Siciid Cabdullaahi Deni ayaa soo saaray liiska musharraxiinta aqalka sare oo ka kooban 11 kursi oo ay Puntland ku leedahay barlamaanka aqalka sare.

8/10/2021 12:52 AM EST
Talaado, Agoosto, 10, 2021 (HOL) - Waxaa maanta lagu wadaa wafdi uu hoggaaminaayo Raysal wasaaraha Soomaaliya inuu safraan magaalada Nairobi ee dalka Kenya.