10/19/2021
Today from Hiiraan Online:  _
Wararka Maanta- Talaado, Aug 10, 2021
Raysal wasaaraha Soomaaliya oo maanta ku wajahan magaalada Nairobi ee dalka Kenya
 

Talaado, Agoosto, 10, 2021 (HOL) - Waxaa maanta lagu wadaa wafdi uu hoggaaminaayo Raysal wasaaraha Soomaaliya inuu safraan magaalada Nairobi ee dalka Kenya.

Wafdiga Raysal wasaare Rooble ayaa casuumaad rasmi ah ka helay madaxweynaha dalka Kenya Uhuru Kenyata, waxaana safarka Raysal wasaaraha uu imaanaya xili maalin ka hor magaalada Muqdisho ay soo gaartay wasiirka arrimaha dibadda dalka Kenya.

Ujeedka safarka Rooble ayaa la sheegay inuu la xiriiro arrimo ay ka mid yihiin xoojinta xiriirka labada dal, socdaalka dhulka iyo cirka, amniga, ganacsiga, fiisaha iyo arrimo kale oo quseeya labada wadan oo dhowr jeer oo hore xiriirkooda xumaaday.

Safarka Raysal wasaaraha uu maanta ku tagaayo dalka Kenya ayaa imaanaya xili khilaaf soo kala dhexgalay madaxweyne Farmaajo iyo Raysal wasaare Rooble, kaasoo ka dhashay safar magaalada Muqdisho ay maalin ka hor  ku timid wasiirka arrimaha Dibadda dalka Kenya.

Jamaal Cali Cabdi, Hiiraan Online
[email protected]












Click here
8/10/2021 10:42 AM EST
Talaado, Agoosto, 10, 2021 (HOL) - Madaxweynaha dalka Kenya Uhuru Kenyatta ayaa maanta oo Talaado ah ku qaabilay magaalada Mombasa ra’iisul wasaaraha Soomaaliya Maxamed Xuseen Rooble oo safarkii ugu horreeyay ku tagay Kenya.

8/10/2021 10:36 AM EST
Talaado, Agoosto, 10, 2021 (HOL) - Ugu yaraan siddeed qof oo shacab ah ayaa maanta ku geeriyooday qaraxyo ka dhacay meel u dhow degmada Bacaad weyne ee gobolka Mudug.

8/10/2021 5:14 AM EST
Talaado, Agoosto, 10, 2021 (HOL) - Raysal wasaaraha Xukuumadda Soomaaliya Maxamed Xuseen Rooble ayaa kulan kula qaatay gudaha garoonka diyaaradaha Aadan Cadde ee magaalada Muqdisho laamaha amniga islamarkaana faray xoojinta iyo xaqiijibta amniga guud ee dalka gaar ahaan Caasimada Soomaaliya ee Muqdisho.

8/10/2021 4:45 AM EST
Talaado, Agoosto, 10, 2021 (HOL) - Guddoomiyaha barlamaanka Puntland, Cabdirashiid Yuusuf Jibriil ayaa magacaabay guddiga qabshada doorashada aqalka Sare ee baarlamaanka Federalka Soomaaliya ee Puntland.

8/10/2021 1:06 AM EST
Talaado, Agoosto, 10, 2021 (HOL) - Madaxweynaha Puntland Siciid Cabdullaahi Deni ayaa soo saaray liiska musharraxiinta aqalka sare oo ka kooban 11 kursi oo ay Puntland ku leedahay barlamaanka aqalka sare.