4/12/2021
Today from Hiiraan Online:  _
Wararka Maanta- Sabti, Apr 3 , 2021
Taliska ciidanka Xoogga dalka oo guulo ka sheegtay Weerarkii deegaanada Awdheegle iyo Bariire


 

Sabti, April, 03, 2021 (HOL) - Taliyaha ciidanka dhulka xoogga dalka  Soomaaliyeed Jenaraal Maxamed Tahliil Biixi ayaa guulo ka sheegtay dagaal culus oo saaka ku dhexmaray ciidanka xooga dalka iyo dhaqdhaqaaqa Al-shabaab.

Taliyaha ayaa sheegay in khasaare xoog leh aay gaarsiyeen dagaalyahano ka tirsan Shabaab oo saaka weerar culus kusoo qaaday saldhigyada ciidamada Xooga dalka ee deegaanada Awdheegle iyo Bariire ee gobolka Sh/hoose.

Jenaraal Biixi ayaa sheegay in ciidanka Xooga dalka aay ka hortageen weerarka Shabaab kusoo qaadeen Saldhigyada ciidan, isla markaana aay ku dileen xubno badan oo ka tirsan dagaalyahanada Al-shabaab.

"Waxaan dagaalkii saaka Al-shabaab kaga dilnay 45 xubnood tiro intaas ka badana waan ku dhaawacnay" ayuu yiri Jenaraal Biixi.

Majirto warar madax banaan oo xaqiijinaya khasaaraha rasmiga ah ee weerarkii saaka ka dhacay deegaanada ka tirsan Sh/hoose, inkastoo lasoo warinayo inuu ka dhashay weerarkaasi khasaaro badan oo dhimasho iyo dhaawacba leh.

Wararkii ugu dambeyay ee haatan naga soo gaaraya deegaanadii saaka lagu dagalaamay ayaa sheegaya in deegaanadii saaka lagu dagaalamay aay ka socdaan howl galo ciidan uu hoggaaminaayo taliyaha ciidanka Xoogga dalka Jenaraal Odawaa Yuusuf Raage.

Lasoco waxii kusoo kordha wararkan.

Jamaal Cali Cabdi, Hiiraan Online
[email protected]












Click here
4/3/2021 4:33 PM EST
Sabti, April, 03, 2021 (HOL) - Taliska Ciidanka Booliiska Soomaaliya ayaa faahfaahin dheeraad ah kasoo saaray khasaraaha ka dhashay qarax ismiidaamin ahaa oo Caawa ka dhacay maqaayad ku taala degmada Shangaani ee gobolka Banaadir.

4/3/2021 1:11 PM EST
Sabti, April, 03, 2021 (HOL) - Waxaa galinkii dambe ee maanta lasoo gabagabeeyay wajigii kowaad ee shirka wadatashiga Qaran ee madaxda dowladda Fedaraalka, kuwa maamul goboleedyada iyo gobolka Banaadir ee ilaa saaka ka socday Xarunta ciidanka Cirka ee Afisyooni.

4/3/2021 12:34 PM EST
Sabti, April 03, 2021 (HOL) - Faah faahinno ayaa ka soo baxaya qarax ismiidaamin ah oo goor dhaw ka dhacay magaalada Muqdisho.

4/3/2021 10:53 AM EST
Sabti, April, 03, 2021 (HOL) - Ciidanka nabad sugida puntland ee PSF ayaa sheegay howlgal ay ka sameeyeen buuralayda Calmiskaad ee gobolka Bari in ay ku dileen 15 katirsan ururka Daacish ayna qabteen gaari waxyaabaha qarxa lagasoo buuxiyay.

4/3/2021 8:41 AM EST
Sabti, April 03, 2021 (HOL) - Sida lagu daabacay Warbaahinta dowladda madaxweynaha Soomaaliya Maxamed Cabdullaahi Farmaajo ayaa daah furay shirka wada tashiga DF, madaxda dowlad gobolleedyada iyo gobolka Banaadir ee looga arrisanayo doorashada heer Qaran ee Soomaaliya.

4/3/2021 8:02 AM EST
Sabti, April, 03, 2021 (HOL) - Boqortooyada UK, 7 qof ayaa geeriyoodeen ka dib markii ay qaateen tallaalka Oxford-AstraZeneca, halka 30 qof oo kale ay ka sii dartay xaaladdooda ka dib markii ay tallaalka ku qaateen Ingiriiska.

4/3/2021 7:06 AM EST
Sabti, April, 03, 2021 (HOL) - Madaxweynaha dowladda federalka Soomaaliya Maxamed Cabdullaahi Farmaajo ayaa furay shir hordhac u ah shirka Golaha Wadatashiga Qaran ee dhammeystirka Arrimaha Doorashooyinka.

4/3/2021 3:00 AM EST
Sabti, April, 03, 2021 (HOL) - Madaxeynaha dowladda Soomaaliya Maxamed Cabdullaahi Farmaajo, Ra'iisal Wasaare Rooble madaxweynaha dowlad Gobolleedka Hirshabeelle, iyo guddoomiyaha Gobolka Banaadir ayaa gaaray teendhada Afisiyooni oo lagu waddo in uu ka furmo shirka madaxda DF iyo Dowlad Gobolleedyada.

4/3/2021 12:50 AM EST
Sabti, April, 03, 2021 (HOL) --Wararka ka imanaya gobolka Shabeellaha Hoose ayaa sheegalay in xoogagga Ururka Al-shabaab subaxnimadii hore ee saakay weerar qaraxyo ku bilaawday ku qaadeen saldhigyo ciidamada dowladda ay ku leeyihiin gobolka.

4/3/2021 12:37 AM EST
Sabti, April, 03, 2021 (HOL) -- Weerarkan oo ka dhacay ilinka hore ee Aqalka Baarlamaanka dalka Mareykanka ayaa waxaa ku dhintay askari ka tirsanaa Booliiska halka mid kalana uu ku dhaawacmay.