3/29/2024
Today from Hiiraan Online:  _
Wararka Maanta- Isniin, Oct 12, 2020
Madaxweyne Farmaajo oo Soomaalida ugu baaqay in loo midoobo dagaalka ka dhanka ah Alshabaab
 

Isniin, October 12, 2020 (HOL) - Madaxweynaha dowladda Soomaaliya Maxamed Cabdullaahi Farmaajo oo soo saaray war qoraal ah ayaa waxa uu bulshada Soomaaliyeed ugu hambalyeeyay maalinta calanka dalka ee ku beegsan 12-ka, October. Waxa uuna guud ahaan shacabka ugu baaqay in la ilaaliyo qarannimada iyo kala dembeynta waddanka.

“Maanta waa maalin weyn. Waxa ay ku beegan tahay markii 66 sanno ka hor la yagleelay calanka Soomaaliyeed oo ka turjumaya Qarannimada, Gobonnimada, Midnimada iyo Wadajirka Shacabka Soomaaliyeed oo halgan dheer u soo galay sidii ay u hanan lahaayeen xornimadooda iyo talada dalkooda, iyaga oo ku tilmaaman calan iyo carro xor ah." Ayuu madaxweynaha ku sheegay qoraalka uu soo saaray.

Dhinaca kale, waxa uu sheegay in dowladda uu madaxda ka yahay ay ilaalisay qiyamka Soomaalinimada , sidoo kalana ay soo celisay sharaftii dalka uu ku lahaa caalamka, sida uu hadalka u dhigay.

” Madaxweyne Maxamed Cabdullaahi Farmaajo ayaa adkeeyay guulihii taariikhiga ahaa ee sanadihii la soo dhaafay ay Dowladda Federaalka Soomaaliya  ku xaqiijisay madaxbannaanida dalka, midnimada iyo soocelinta kumanaankii dhallinyarada ahaa ee ku dhibaataysnaa xabsiyada shisheeye, tallaabooyinkaas oo kor u qaaday qabka iyo qarannimada dadka Soomaaliyeed’ waxaa sidaas lagu qoray war-saxaafadeedka Villa Somaliya ay sii daysay.

Ugu dembeyn madaxweynaha Soomaaliya ayaa ugu baaqay Soomaalida iney u midoobaan dagaalka ka dhanka ah Alshabaab.

Abdiaziz Ahmed Barrow, Hiiraan Online
[email protected]












Click here
10/12/2020 2:06 PM EST
Isniin, October 12, 2020 (HOL) - Shirkadda maamusha dekeddaha Turkiga ee Albayrak iyo dowladda federaalka ah ee Soomaaliya ayaa kala saxiixday heshiis shirkadda siinaya in ay muddo 14 sano ah sii maamusho Dekedda Muqdisho.

10/12/2020 10:51 AM EST
Isniin, October 12, 2020 (HOL) - Taliyaha qeybta 27-aad ee ciidamadda xooga dalka Soomaaliyeed Janeraal Axmed Maxamed Maxamuud Tareedishe iyo taliyaha guutada 5-aad Korneel Maxamuud Xasan Ibraahin Baakaay ayaa maanta kulan looga hadlayay amaanka guud ee degmada Buula burte la qaatay masuuliyiin ka tirsan maamulka degmada.

10/12/2020 10:39 AM EST
Isniin, October 12, 2020 (HOL) - Sida uu sheegay wasiirka beeraha iyo waraabka ee dowladda Soomaaliya Saciid Xuseen Ciid ayaa waxa uu sheegay in deegaanno badan oo ku yaalla Galmudug uu iminka dhibaato ba’an ku hayo mowjado Ayax oo dib u kacay, kuwaas oo baabi’inaya dhammaan dalagga beeraha iyo daaqsinka deegaanka.

10/12/2020 10:36 AM EST
Isniin, October 12, 2020 (HOL) - Madaxweynaha maamulka Koonfur galbeed ayaa waxa uu maanta magaalada Baydhaba uu kula kulmay mas’uuliyiin ka socotay wasaaradaha maaliyadda iyo qorsheynta Soomaaliya, waxaana sidoo kale shirkaasi joogay Guddoomiyaha Baarlamanka Koonfur Galbeed Cali Saciid Fiqi.

10/12/2020 7:13 AM EST
Isniin, October 12, 2020 (HOL) - Guddi ka tirsan Qaramada Midoobay ayaa sheegay, in kooxda alshabab ay malaayiin doolar ka hesho canshuuraha ayna dhaqaalahaas ku kaydsadaan bangiyada maxalliga ah, sida laga soo xigtay warbixin cusub oo kasoo baxday Golaha Amniga ee Qaramada Midoobay.

10/12/2020 7:08 AM EST
Isniin, October 12, 2020 (HOL) - Maxkamadda Darajada Koowaad ee Ciidamada Qalabka Sida ayaa xabsi daa’in ku xukuntay labo nin oo katirsan ururka Alshabaab, kuwaas oo lagu kala magacaabo Xasan Cabdi Aadan Nuur iyo Cumar Xuseen Abshir Jaabir.