3/29/2024
Today from Hiiraan Online:  _
Wararka Maanta- Khamiis, Nov 19, 2020
Taliye ku-xiggeenkii hore ee NISA’’ Guddiyada Doorashada waxaa ku jira Shan Ruux oo Nabad-sugida ka tirsan

 

Khamiis, November, 19, 2020 (HOL)- Taliye ku-xiggeenkii hore ee hay’adda Nabad-sugida Qaranka Ismaaciil Daahir oo warbaahinta wareysi siiyay ayaa ka hadlay doodda ka taagan guddiyada doorashada iyo wax ka jira in ay ka mid yihii xubno ka tirsan hay’adda Nabad-sugida Qaranka.

Ismaaciil Daahir ayaa sheegay in guddiyada la magacaabay in ay jiraan sida uu hadalka u dhigay shaqsiyaad ka tirsan hay’adda Nabad-sugida oo uu si gaar ah u garanayo’’ ilaa shan qof oo aan Anniga si gaar ah u garanayo ayaa ku jira guddiyada heer federaal iyo kuwa dowladda gobolleedyada intaba.

Mar wax laga weydiiyay cadeymaha uu u hayo in ay guddiyada ka tirsan yihiin shaqsiyaad uu garanayo oo NISA ka tirsan ayuu yiri’’ Waa leys yaqaannaa shanta ruux ee aan kuu sheegay waliba waa shan ruux  oo  saraakiil Nabad-sugida ka tirsan ah, haddii ay shaqada ka taggeen oo ay hadda dad shacab ah yihiinna dowladda ayaa laga rabaa in ay cadeyntaa la timaado.

Wuxuu sheegay in ujeedada guddiyadan dhalinyarrada u badan loo magacaabay tahay in awood u sheegtaan islamarkaana maquuniyaan sida uu hadalka u dhigay Ergada beelaha ee dooranaya xildhibaan si markaa shaqsiga ay dowladda wadato loo soo saaro.

Dhinaca kale mar uu ka hadlayay hadalkii ra’iisal Wasaare ku-xigeenka Xukuumadda Soomaaliya uu shalay ka sheegay Tayaatarka Qaranka wuxuu sheegay Ismaaciil Daahir in hadalkaasi uu hor dhac u yahay qorshaha ay dowladdu wadato ee ah in doorashada lagu shubto.

‘’Waad ogtihiin maamul gobolleedyada uu soo qaatay ee Koonfur Galbeed, Hirshabeelle iyo Galmudug doorashooyinkii ka dhacay waxey ahaayeen kuwo ay dowladdu maamuleysay xubnihii ay dowladda waatayna ku soo baxeen, marka wixii Uurka ku jira Afka ayaa Dafa ayeey Soomaalidu ku maahmaadaa, sidaa daraadeed Ra'iisal Wasaaraha ayaa cadeeyay sida ay doorahada ka damacsan yihiin’’ayuu hadalkiisa sii raaciyay.

Dowladda Soomaaliya ayaa dhankeeda ku adkeysaneysa in guddiyadan noqon doonaan kuwa maamulaya doorashada, halka mucaaradku-na ay ku doodayaan in aysan ka qeybgali doonin doorasho ay dowladdu iskeed u maamulaneyso.

Cabdiraxmaan Diini, Hiiraan Online
[email protected]   

 














Click here
11/19/2020 1:02 PM EST
Khamiis, November, 19, 2020 (HOL)- Ra'iisal Wasaaraha Xukuumadda Soomaaliya Maxamed Xusseen Rooble ayaa xilkii ka qaaday Wasiirkii Arrimaha Dibadda Axmed Ciise Cawad isaga oo xilkan u magacaabay mudane Maxamed Cabdirisaaq Maxamuud.

11/19/2020 11:30 AM EST
Khamiis, November, 19, 2020 (HOL)-Beesha caalamka ayaa markii ugu horreysay war ka soo saartay doorashadii dhawaan ka dhacday magaalada Jowhar ee lagu soo doortay madaxda dowlad gobolleedka Hirshabeelle.

11/19/2020 9:52 AM EST
Khamiis, November, 19, 2020 (HOL) - Wafdi uu hogaaminaayo madaxweyne ku xigeenka dowlad goboleedka Hirshabeelle Yuusuf Axmed Hagar Dabageed ayaa maanta soo gaaray magaalada Baledweyne ee xarunta gobolka Hiiraan.

11/19/2020 4:47 AM EST
Khamiis, November, 19, 2020 (HOL) - Ra'isul wasaaraha Soomaaliya, Maxamed Xuseen Rooble ayaa maanta kulankii ugu horeeyay la yeeshay guddiyada madaxa bannaan ee doorashada heer Federal iyo guddiga xallinta khilaafaadka doorashooyinka.

11/19/2020 4:32 AM EST
Khamiis, November, 19, 2020 (HOL) - Guddoomiyaha Aqalka sare ee Soomaaliya ayaa soo saaray Habraaca lagu maamulayo doorashada Xildhibaanada labada gole ee ka soo jeeda gobolada Waqooyi (Somaliland).

11/19/2020 3:45 AM EST
Khamiis, November, 19, 2020 (HOL)-Dowladda Itoobiya ayaa Arbacadii ku baaqday in hub ka dhigs lagu sameeyo Askarta ka soo jeeda qowmiyada Tigrayga ee ka tirsan howlgalka midowga Africa AMISOM ee ku sugan Soomaaliya.

11/19/2020 2:03 AM EST
Khamiis, November, 19, 2020 (HOL) - Qaar kamid ah Senatarada kasoo jeeda gobolada waqooyi ee Somaliland ayaa kasoo horjeestay mowqifka guddoomiyaha aqalka sare uu ka taagan yahay arrimaha doorashooyinka.

11/19/2020 12:14 AM EST
Khamiis, November, 19, 2020 (HOL)-Dowladda Soomaaliya ayaa ka laabatay qoraal markii hore lagu shaaciyay bogga Twitter -ka Wasaarradda Arrimaha Dibadda Soomaaliya oo la xiriiray mowqifka dowladda ee dagaalka ka soconaya Waqooyiga dalka Itoobiya.