6/3/2020
Today from Hiiraan Online:  _
Wararka Maanta- Sabti, Feb 8 , 2020
Aqalka sare oo meel mariyay sharciga cusub ee doorashooyinka Soomaaliya




Sabti, Feberaayo, 08, 2020 (HOL)- Golaha Aqalka Sare ee Soomaaliya, ayaa maanta ansixiyay Hindise- sharciyeedka Doorashooyinka Qaranka ee dowladda Federaalka.

27 Senatar ayaa cod gacan taag ah ugu codeeyay in uu meelmaro sharcigaan, kadib markii guddiga Ka- Baraandegista sharciga Doorashooyinka uu akhrin kusoo sameeyay sharcigan.

6 senator ayaa diiday, mana jirin cid ka aamustay.

Sharciga doorashooyinka ayaa kamid ah sharciyada khilaafka uu ka taagan yahay oo ay diideen Puntland iyo Jubbaland.

Waxaa sharcigaan lagu maamulidoonaa doorashooyinka qaran ee lagu wado inay Soomaaliya ka dhacaan 2020/2021.

Abdiweli M. Sheikh, Hiiraan Online
[email protected]









Click here
2/8/2020 3:07 PM EST
Sabti, Feberaayo, 08, 2020 (HOL)- Ardayda wax ka barata dugsiga sare ee Bosaso Public secondary school oo kamid ah dugsiyada dowliga ah ee Puntland, ayaa sheegay inay u baahan yihiin shahaadada dowladda Soomaaliya bixiso, Puntlandna aysan ku ciyaarin mustaqbalka arday muddo 12 sanno wax soo baranayay.

2/8/2020 12:06 PM EST
Sabti, Feberaayo, 08, 2020 (HOL)-Madaxweynaha Soomaaliya Maxamed Cabdullaahi Farmaajo ayaa goordhaw gaaray magaalada Adis Ababa ee caasimadda dalka Itoobiya.

2/8/2020 10:29 AM EST
Sabti, Feberaayo, 08, 2020 (HOL)- 16 qof ayaa ku geeriyootay shil gaari oo galinkii hore ee maanta ka dhacay goobta lagu magacaabo Laas-dheere oo 20 km u jirta magaalada Diridhabe.

2/8/2020 5:13 AM EST
Sabti, Feberaayo, 08, 2020 (HOL)- Kenya ayaa ku dhawaaqday inay ardaydeeda kasoo daadgureyn doonto magaalada ayku xayiran yihiin ee Wuhan, waxayna ku boorisay deriskeeda Ethiopia, inay joojiso duullimaadyada ay ku tagayaan Shiinaha si ay gacan uga geystaan xakameynta cudurka coronavirus ee dhaqsaha u faafa.

2/8/2020 4:30 AM EST
Sabti, Feberaayo, 08, 2020 (HOL)- Madaxweynaha dowladda Federaalka Soomaaliya Maxamed Cabdullaahi Farmaajo ayaa saxiixay Sharciga Baatroolka dalka, kaddib markii Labada Aqal ee Baarlamaanka Jamhuuriyaddu ay soo dhammeystireen hannaankii sharci ee kaga aaddanaa dhaqan galkiisa.

2/8/2020 3:08 AM EST
Sabti, Feberaayo, 08, 2020 (HOL)-Golaha Aqalka Sare oo maalmihii ugu danbeeyayba dood ka lahaa sharciga Doorashooyinka Qaranka ayaa la filayaa fadhiggooda maanta in ay meelmariyaan sharcigan oo horay ay u soo gudbiyeen xildhibaannada Aqalka Sare.

2/8/2020 1:45 AM EST
Sabti, Feberaayo, 08, 2020 (HOL)-Labadii sibuuc ee la soo dhaafay dowladda Soomaaliya ayaa sheegeysay inay dadaal ugu jirto sidii ay dib gacanta ugu dhigi lahayd wasiirkii Amniga ee maamul goboleedka Jubbaland, Cabdirashiid Xasan Cabdinuur(Janan), kaasoo ay sheegeen inuu ka baxsaday xabsi lagu hayay.