9/19/2020
Today from Hiiraan Online:  _
Wararka Maanta- Talaado, Feb 11, 2020
Taliyaha Booliiska Soomaaliyeed'' Dalkeena Amnigiisa waa lagu soo duulay


 

Talaado, Feberaayo, 11, 2020 (HOL)-Taliyaha ciidanka Booliiska Soomaaliyeed Gen Cabdi Xassan Xijaar oo maanta ka hadlayay kulan ka furmay magaalada Muqdisho ayaa sheegay in dalka Amnigiisa sida uu hadalka u dhigay lagu soo duulay. 

''Waxaad moodaa in hadda Amniga dalka lagu soo duulay, Ama xuduudda halaga soo galo, ama diyaarado halagu yimaadee dalkeena Amnigiisa waa lagu soo duulay, Amniga dalka meel xunbuu marayaa, kaamirooyinkii lagu xiro waddooyinka in la qarxiyo ayaa la gaaray, dalka  horumarkiisa ayaa la diidan yahay, Injineerada waddooyinka dhisaya ayaa  la qarxiyaaa, waxaa la diidan yahay ummadda inay xasisho”ayuu yiri Jen.  Xijaar

Wuxuu sheegay in muhiimad gaar ah leedahay in wada shaqeyn joogta  ah ay dhaxmarto Booliiska Soomaaliyeed iyo hay'adda Socdaalka iyo jinsiyadaha, madaama kulanka uu hadalkan ka jeedinayay uu ku saabsanaa sidii loo hagaajin lahaa xiriirka labada dhinac.

Taliyaha ayaa sidoo kale sheegay in  la  qarxiyay Injineeradii la dalka la keenay, isla markaana ka qeyb  qaadanayay dhismaha Wadooyinka, isagoona xusay in aan la rabin in dalka  uu galo horumar.

magaalada Muqdisho iyo duleedkeedka ayaa waxaa ka dhaca  dilal qorsheysan iyo qaraxayo, waxaana Qaraxyadaas qaarkood lagu dilay  Injineero iyo Shaqaalo Turki ah oo dhisayay wadada isku xirta Muqdisho  iyo Afgooye.

C/raxmaan Diini, Hiiraan Online
[email protected] 
  

 

 

 













Click here
2/11/2020 11:01 AM EST
Talaado, Feberaayo, 11, 2020 (HOL)- Dowlad goboleedka Puntland ayaa War-saxaafadeed ka soo saaray mowqifkeeda ku aaddan Sharciga Betroolka ee uu saxiixay Madaxweynaha Dowladda Federaalka ah.

2/11/2020 10:56 AM EST
Talaado, Feberaayo, 11, 2020 (HOL)-Ra’iisul Wasaaraha xukuumadda federaalka Soomaaliya XFS Xasan Cali Khayre ayaa xafiiskiisa kula kulmay agaasimaha Guud ee Hay’adda Qaramada midoobay u qaabilsan waxbarashada, dhaqanka iyo Seyniska, Audrey Azoulay oo booqasho ku timid magaalada Muqdisho.

2/11/2020 6:20 AM EST
Talaado, Feberaayo, 11, 2020 (HOL)- Wasiirka cadaaladda iyo arrimaha diinta dowlad goboleedka Puntland, Cawil Sheikh Xaamid ayaa farriin culus u diray dadka kufsiyada ku howlan, kadib markii maanta cadaaladda la marsiiyay raggii ka dambeeyay kufsigii iyo dilkii Caa’isha Ilyaas Aadan.

2/11/2020 2:25 AM EST
Talaado, Feberaayo, 11, 2020 (HOL)- Aabaha dhalay marxuumad Caa’isha Ilyaas Aadan, ayaa soo dhoweeyay in gabadhiisu cadaalad heshay kadib markii saakay xukun dil ah lagu fuliyay labo kamid ah saddexdii nin ee kiiskaas loo xukumay.

2/11/2020 2:09 AM EST
Talaado, Feberaayo, 11, 2020 (HOL)-Madaxweynaha Dowladda Soomaaliya Maxamed Cabdullaahi Farmaajo oo ku sugan magaalada Addis Ababa ayaa halkaa ka wada kulamo gooni gooni ah oo uu la leeyahay madax heer caalami ah.

2/11/2020 12:45 AM EST
Talaado, Feberaayo, 11, 2020 (HOL)- Puntland ayaa goor dhow xukun dil ah ku fulisay labo kamid ah saddexdii xukumane ee loo haystay kufsigii iyo dilkii caa’isha Ilyaas Aadan.