9/25/2022
Today from Hiiraan Online:  _
Wararka Maanta- Jimco, Aug 7 , 2020
Wafdi ka socda Shiinaha oo la kulmay madaxweynaha Somaliland
 

Jimco, Agoosto 7, 2020 (HOL) - Madaxweynaha Somaliland Muuse Biixi Cabdi ayaa waxa uu maanta magaalada Hargeysa kula kulmay wafdi heer sare ah oo ka socday dowladda Shiinaha, waxayna ka wada hadleen arrimaha maal-gashiga iskaashiga labada dhinac iyo sidii ay u heli laheyd saaxiibbo maal-gashi oo caalami ah .

Wafdiga Shiinaha ayaa waxaa hoggaaminayay Danjire Zhou Yuxiao oo Wakiilka dowladda China u qaabilsan dhinaca iskaashiga Afrika .

Madaxweyne Biixi ayaa waxaa la joogay oo shirka ku wehliyay mas’uuliyiin uu kamid yahay madaxweyne ku xigeenka Somaliland iyo wasiirro ay kamid yihiin wasiirka arrimaha dibadda, wasiirka hor’umarinta maaliyadda iyo wakiilka Somaliland u qaabilsan dalka Shiinaha .

Muuse Biixi Cabdi ayaa waxa uu sheegay in Somaliland maanta ay joogto meel muhiim ah marka la ego , xasilloonida , nabadda iyo  dimuquraadiyada.

Wuxuu intaa ku daray in 29 sano ee lasoo dhaafay ay ku tallaabdaseen hor’umar badan ballaaran, islamarkaana xukunku uu ahaa qoray isku dhiib .

Labada dhinac ayaa markii dembe isku waafaqay is iyadoo la is ixtiraamayo la wada shaqeeyo islamarkaana la iska kaashado dhinaca hor’umarka.

Dowladda Shiinaha ayaa aad uga soo horjeesatay xiriirkii dhowaa oo ay Somaliland la yeelatay Taiwan . waxaana tan iyo wixii xilligaas ka dembeeyay Dowladda Shiinaha ay wafuud kala duwan u direysay magaalada Hargeysa.

Abdiaziz Ahmed Barrow, Hiiraan Online
[email protected]












Click here
8/7/2020 1:51 PM EST
Jimco, Agoosto 7, 2020 (HOL) - Howlahaan lagu hagaajinaayo wadooyinka siilada qudaarta lagu iibiyo ee magaalada baledweyne ayaa waxaa si wadajir ah isaga kaashanaya ganacsatada suuqa qudaarta baledweyne iyo maamulka dowlada hoose oo ay hogaamineyso duqa magaalada Baledweyne Nadar Tabaax Maalin.

8/7/2020 11:51 AM EST
Jimco, Agoosto 7, 2020 (HOL) - Maalinta Isniinta ah ee soo socota waxaa furmaya Kal-fadhiga Baarlamanka maamaulka Galmudug ee Soomaaliya, waxaana iminka magaalada Dhuusamareeb ka soconaya diyaar gorowka munaasabaddii lagu furi lahaa.

8/7/2020 10:50 AM EST
Jimco, Agoosto 7, 2020 (HOL) - Wasaaradda gaadiidka ee maamulka Galmudug ayaa waxay la wareegtay maamulka garoonka diyaaradaha ee magaalada Cadaado, sida mas’uulinta wasaaraddaas ay warbaahinta maxalliga ah ee Muqdisho ay u sheegeen.

8/7/2020 4:12 AM EST
Jimco, Agoosto 7, 2020 (HOL) - Ciidamada kumaandooska Danab, gaar ahaan ururka 5-aad ayaa waxay sheegeen in howl-gal saacadihii lasoo dhaafay ay ka fuliyeen Gobolka Jubada hoose ay kula wareegeen deegaanka birta dheer oo 60KM u jira magaalada Kismaayo.

8/7/2020 4:03 AM EST
Jimco, Agoosto 7, 2020 (HOL) - Wasiirka wasaaradda kalluumeysiga maamul Goboleedka Jubaland Ibraahim Cabdi Xasan ayaa waxa uu sheegay in 9 ruux ay ku dhinteen xeebaha Raas kaambooni ee Gobolka Jubada hoose ee Koonfurta Soomaaliya.

8/7/2020 3:47 AM EST
Jimco, Agoosto 7, 2020 (HOL) - Qorsho Xasan, oo ah bare Soomaaliyeed oo haysata dhalashada Maraykanka ayaa loo magacaabay macallinka sannadka ee gobolka Minnesota, oo ah qofkii ugu horreeyay ee Mareykan ah ee ku guuleysta abaalmarintan.