9/25/2022
Today from Hiiraan Online:  _
Wararka Maanta- Jimco, Aug 7 , 2020
Gabadh Soomaaliyeed oo bare ka ah Maraykanka oo ku guuleystay macalinka sanadka ee Minnesota
 

Jimco, Agoosto 7, 2020 (HOL) - Qorsho Xasan, oo ah bare Soomaaliyeed oo haysata dhalashada Maraykanka ayaa loo magacaabay macallinka sannadka ee gobolka Minnesota, oo ah qofkii ugu horreeyay ee Mareykan ah ee ku guuleysta abaalmarintan.

Waxay ku mutaysaay rabitaankeeda ku aaddan Inay aaminto ardaydeeda oo u ogolaato su'aalahooda inay hagaan waxbarashadooda.

"Aad ayaan ugu faraxsanahay ardayda sababta oo ah waxaan had iyo jeer isku dayayaa inaan noqdo cidda aan u baahnaa markii aan yaraa," ayay tiri.

Maamulaha Iskuulka Hoose ee Burnsville ee Gideon Pond, oo ah halka Qorsho wax lagusoo baray sanado ka hor, ayaa ku tilmaamay Qorsho inay tahay "bare wax ka badalaya aqoonta carruurta."

Qorsho ayaa laga soo xushay 134 macalin oo la magacaabay abaal marintan.

Qorsho ayaa sheegtay inay rabto inay u isticmaasho mowqifkeeda Macallinka Sannadka ee Minnesota si ay ugu dooddo in si wanaagsan loo ilaaliyo macallimiinta midabka lagu takooro isla markaana lagu dhiirrigeliyo tababbarka cunsuriyadda macallimiinta caddaanka ah.

"Waxay i siineysaa meel aan ku iftiimiyo qaar ka mid ah arrimaha aan la kulmo si aan u noqdo aqoonyahan madow oo leh haynta iyo taageerada shaqaalaha midabada kala duwan leh," ayay tidhi Qorsho.

Soomaalida ku nool dalka Maraykanka ayaa kaalin firfircoon kaga jira siyaasada iyo tacliinta dalkaas.

Abdiweli M. Sheikh, Hiiraan Online
[email protected]












Click here
8/7/2020 1:51 PM EST
Jimco, Agoosto 7, 2020 (HOL) - Howlahaan lagu hagaajinaayo wadooyinka siilada qudaarta lagu iibiyo ee magaalada baledweyne ayaa waxaa si wadajir ah isaga kaashanaya ganacsatada suuqa qudaarta baledweyne iyo maamulka dowlada hoose oo ay hogaamineyso duqa magaalada Baledweyne Nadar Tabaax Maalin.

8/7/2020 11:51 AM EST
Jimco, Agoosto 7, 2020 (HOL) - Maalinta Isniinta ah ee soo socota waxaa furmaya Kal-fadhiga Baarlamanka maamaulka Galmudug ee Soomaaliya, waxaana iminka magaalada Dhuusamareeb ka soconaya diyaar gorowka munaasabaddii lagu furi lahaa.

8/7/2020 10:50 AM EST
Jimco, Agoosto 7, 2020 (HOL) - Wasaaradda gaadiidka ee maamulka Galmudug ayaa waxay la wareegtay maamulka garoonka diyaaradaha ee magaalada Cadaado, sida mas’uulinta wasaaraddaas ay warbaahinta maxalliga ah ee Muqdisho ay u sheegeen.

8/7/2020 10:42 AM EST
Jimco, Agoosto 7, 2020 (HOL) - Madaxweynaha Somaliland Muuse Biixi Cabdi ayaa waxa uu maanta magaalada Hargeysa kula kulmay wafdi heer sare ah oo ka socday dowladda Shiinaha, waxayna ka wada hadleen arrimaha maal-gashiga iskaashiga labada dhinac iyo sidii ay u heli laheyd saaxiibbo maal-gashi oo caalami ah .

8/7/2020 4:12 AM EST
Jimco, Agoosto 7, 2020 (HOL) - Ciidamada kumaandooska Danab, gaar ahaan ururka 5-aad ayaa waxay sheegeen in howl-gal saacadihii lasoo dhaafay ay ka fuliyeen Gobolka Jubada hoose ay kula wareegeen deegaanka birta dheer oo 60KM u jira magaalada Kismaayo.

8/7/2020 4:03 AM EST
Jimco, Agoosto 7, 2020 (HOL) - Wasiirka wasaaradda kalluumeysiga maamul Goboleedka Jubaland Ibraahim Cabdi Xasan ayaa waxa uu sheegay in 9 ruux ay ku dhinteen xeebaha Raas kaambooni ee Gobolka Jubada hoose ee Koonfurta Soomaaliya.