10/28/2020
Today from Hiiraan Online:  _
Wararka Maanta- Sabti, Sept 26, 2020
Xasan Cali Kheyre " doorashadu waa iney noqotaa mid xor ah oo daah-furan"


 

Sabti, September 26, 2020 (HOL) - Qaar kamid ah siyaasiyiinta Soomaaliyeed ayaa si weyn waxay qaarkood usoo dhoweeyeen go'aankii maanta Baarlamanka labada aqal ee Soomaaliya ay ku ansixiyeen heshiiskii doorashooyinka ee dalka.

Dadka sida weyn usoo dhoweeyay waxaa kamid ah ra'iisul wasaarihii hore ee Soomaaliya Xasan Cali Kheyre, waxa uuna sheegay in maanta Baarlamanku uu qaatay tallaabo wanaagsan.

Qoraal kooban uu Kheyre soo dhigay bartiisa Facebook ayaa waxa uu ku sheegay in loo baahanyahay in horay loo guda galo shaqooyinka kale ee haray.

"Waxaan bogaadinayaa go’aanka ay labada gole ee baarlamaanku wadajirka ugu ansixiyeen heshiiska doorashada. Tallaabadaas ayaa dalka u jiheyneysa dariiqii doorashada. Waxaan ku baaqayaa in nidaamka Doorashadu uu noqdo mid loo dhanyahay, daah furan oo u qabsoonta si xor & xalaal ah" ayuu Kheyre ku yiri qoraalkiisa.

Ra'iisul wasaarahii hore Xasan Cali Kheyre ayaa horay u sheegay inuu musharrax u yahay xilka ugu sarreeyo ee dalka.

Abdiaziz Ahmed Barrow, Hiiraan Online
[email protected]












Click here
9/26/2020 8:14 AM EST
Sabti, September 26, 2020 (HOL) - Madaxweynaha maamulka Jubaland Axmed Maxamed Islaam ayaa waxa uu soo dhoweeyay hannaankii labada aqal ee Baarlamanka Soomaaliya uu ku meelmariyay heshiiskii doorashooyinka dalka.

9/26/2020 7:35 AM EST
Sabti, September 26, 2020 (HOL) - Labada aqal ee Baarlamaanka Federaalka Soomaaliya ayaa cod aqlabiyad leh ku ansixiyay Heshiiska siyaasadeed ee doorashada Soomaaliya.

9/26/2020 5:50 AM EST
Sabti, September 26, 2020 (HOL) - Barlamaanka labada aqal ee Soomaaliya ayaa loo qeybiyay nuqulka heshiiska doorashada ee ay kala saxiixdeen dowladda federalka Soomaaliya iyo dowladdaha xubnaha ka ah, iyadoo lagu lifaaqay codsi madaxweynuhu ku doonayo in ay barlamaanku meel mariyaan.

9/26/2020 1:14 AM EST
Sabti, September 26, 2020 (HOL) - Wasaaradda arrimaha dibedda Maraykanka ayaa sheegtay dib-u-heshiisiinta dhammaan daneeyeyaasha arrimaha Soomaaliya in ay fure u tahay nabadda iyo xasiloonida Soomaaliya.

9/26/2020 1:12 AM EST
Sabti, September 26, 2020 (HOL) - Labada aqal ee barlamaanka Soomaaliya, ayaa markii ugu horeysay muddo kadib maanta yeelanaya fadhi wada jir ah oo ay kaga doodayaan heshiiska arrimaha doorashooyinka Soomaaliya.

9/26/2020 1:11 AM EST
Sabti, September 26, 2020 (HOL) - Midowga Yurub iyo UNOPS ayaa ku dhawaaqay inay bilaabayaan Abaalmarinta Deeqda-waxbarasho oo loogu talo galay ardayda Soomaaliyeed.