10/20/2020
Today from Hiiraan Online:  _
Wararka Maanta- Sabti, Sept 26, 2020
Midowga Yurub oo Daahfuray Abaalmarinta deeqaha waxbarasho ee ardayda Soomaaliyeed


 

Sabti, September 26, 2020 (HOL) - Midowga Yurub iyo UNOPS ayaa ku dhawaaqay inay bilaabayaan Abaalmarinta Deeqda-waxbarasho oo loogu talo galay ardayda Soomaaliyeed.

Ujeedada deeqdan waxbarasho ayaa ah in laga caawiyo ardayda Soomaaliyeed ee aqoonta leh inay helaan shahaadada Bachelor-ka iyo Master-ka ee dhinacyada isbedelka cimilada, nafaqada iyo xalka waara.

Deeqdan waxbarasho ayaa la sheegay inay qayb ka tahay dadaalada socda ee Midowga Yurub ee lagu xoojinayo fursadaha waxbarasho ee dhalinyarada, gaar ahaan gabdhaha da'da yar, iyadoo ujeedadu tahay in wax laga beddelo khibradda ardayda Soomaaliyeed.

“Abaalmarinta deeqda waxbarasho ee dhismaha adkeysiga waa tusaale kamid ah sida Midowga Yurub ay ugu heellan yihiin mustaqbalka Soomaaliya, ”ayuu yiri Danjiraha Midowga Yurub ee Soomaaliya Nicolas Berlanga.

“Dhisida khibrada la xiriirta adkeysiga iyo isbadalka cimilada waxay dhiiri gelin doontaa xalka waara ee mustaqbalka. Intaa waxaa dheer, 50 boqolkiiba deeqaha waxbarasho ayaa loo qoondeyn doonaa gabdhaha ardayda ah si loo hubiyo in haweenka aqoonyahannada ah ay si buuxda uga qayb qaataan horumarka Soomaaliya, ”ayuu yiri Danjiraha.

Abaalmarinta deeqda waxbarasho ee adkeysiga waxaa loogu talagalay in lagu daboolo kharashka ardayga muddo hal sano ah. Ilaa 20 fursadood oo deeq waxbarasho ayaa la siin doonaa ardayda u-qalanta iyada oo 50% la doonayo in ay noqdaan haween dadka ka faa’idaysanaya.

Liiska dadka ku guulaysta deeqaha waxbarasho ayaa lagu dhawaaqi doonaa dhamaadka Nofeembar 2020.

Abdiweli M. Sheikh, Hiiraan Online
[email protected]












Click here
9/26/2020 10:11 AM EST
Sabti, September 26, 2020 (HOL) - Qaar kamid ah siyaasiyiinta Soomaaliyeed ayaa si weyn waxay qaarkood usoo dhoweeyeen go'aankii maanta Baarlamanka labada aqal ee Soomaaliya ay ku ansixiyeen heshiiskii doorashooyinka ee dalka.

9/26/2020 8:14 AM EST
Sabti, September 26, 2020 (HOL) - Madaxweynaha maamulka Jubaland Axmed Maxamed Islaam ayaa waxa uu soo dhoweeyay hannaankii labada aqal ee Baarlamanka Soomaaliya uu ku meelmariyay heshiiskii doorashooyinka dalka.

9/26/2020 7:35 AM EST
Sabti, September 26, 2020 (HOL) - Labada aqal ee Baarlamaanka Federaalka Soomaaliya ayaa cod aqlabiyad leh ku ansixiyay Heshiiska siyaasadeed ee doorashada Soomaaliya.

9/26/2020 5:50 AM EST
Sabti, September 26, 2020 (HOL) - Barlamaanka labada aqal ee Soomaaliya ayaa loo qeybiyay nuqulka heshiiska doorashada ee ay kala saxiixdeen dowladda federalka Soomaaliya iyo dowladdaha xubnaha ka ah, iyadoo lagu lifaaqay codsi madaxweynuhu ku doonayo in ay barlamaanku meel mariyaan.

9/26/2020 1:14 AM EST
Sabti, September 26, 2020 (HOL) - Wasaaradda arrimaha dibedda Maraykanka ayaa sheegtay dib-u-heshiisiinta dhammaan daneeyeyaasha arrimaha Soomaaliya in ay fure u tahay nabadda iyo xasiloonida Soomaaliya.

9/26/2020 1:12 AM EST
Sabti, September 26, 2020 (HOL) - Labada aqal ee barlamaanka Soomaaliya, ayaa markii ugu horeysay muddo kadib maanta yeelanaya fadhi wada jir ah oo ay kaga doodayaan heshiiska arrimaha doorashooyinka Soomaaliya.