10/28/2020
Today from Hiiraan Online:  _
Wararka Maanta- Jimco, Sept 25, 2020
Guddoomiye Mursal iyo Axmed Madoobe oo Muqdisho ku kulmay


 

Jimco, September 25, 2020 (HOL) - Waxaa magaalada Muqdisho kulan ku yeeshay madaxweynaha maamulka Jubaland Axmed Maxamed Islaam iyo Guddoomiyaha aqalka hoose ee Baarlamanka Soomaaliya Maxamed Mursal Shiikh Cabdiraxmaan, kulanka oo ahaa mid ay albaabbada u xernaayeen ayaa waxaa la sheegay iney uga hadleen xaaladda siyaasada dalka.

Madaxweynaha Jubaland Axmed Madoobe ayaa waxa uu maalmahaan magaalada Muqdisho ka wadaa kulamo siyaasadeed oo ku aaddan xaaladda dalka Soomaaliya, tan iyo wixii ka dembeeyay heshiiskii ay kala saxiixdeen maamul Goboleedyada iyo dowladda dhexe.

Warar la helayo ayaa waxay sheegayaan in mas’uuliyiintaan ay isku soo qaadeen wax-yaabo badan, sida xaaladda kala guurka ah iyo kaalinta ay ka qaadan karaan geeddi socodka siyaasadeed.

Lama ogo , labadaan hoggaamiye waxyaabaha ay sida gaarka ah iskula meel dhigeen.

Guddoomiyaha Baarlamanka oo gurigiisa lagu kulmay ayaa uga mahad-celiyay Axmed Madoobe inuu ka aqbalo kulankaan, kuna soo booqdo hoygiisa.

Magaalada Muqdisho waxaa maalmahaan ka dhacayay kulamo siyaasadeed oo adag, waxa dalka uu hadda galay marxalad kala guur ah, taas oo cid walba ku dooneyso iney sameysato isbaheysi siyaasadeed oo adag.

Abdiaziz Ahmed Barrow, Hiiraan Online
[email protected]












Click here
9/25/2020 7:36 AM EST
Jimco, September 25, 2020 (HOL) - Warbixin ay soo saartay hay’adda lacagta Adduunka ee IMF ayaa waxaa looga hadlay kulamo looga hadlayay arrimaha deyn cafinta iyo dadaallada Soomaaliya ay ugu jirto sidii qorshooyinka horyaalla ay u fulin laheyd.

9/25/2020 7:23 AM EST
Jimco, September 25, 2020 (HOL) - Dibad-bax xooggan oo looga soo horjeedo ciidamada Kenya oo uu ka dhacay degmada Ceel-waaq ee Gobolka Gedo.

9/25/2020 5:25 AM EST
Jimco, September 25, 2020 (HOL) - Madaxweynaha Soomaaliya Maxamed Cabdullaahi Farmaajo oo Khudbad ka jeediyey Meertada 75-aad ee Golaha Guud ee Qaramada Midoobay ayaa ka warbixiyey horumarrada dowladdu ay ka xaqiijisay amniga iyo siyaasadda, saameynta cudurka safmarka ah ee Karoona iyo caqabadaha dhaqaale ee uu sababay.