10/28/2020
Today from Hiiraan Online:  _
Wararka Maanta- Khamiis, Sept 24, 2020
Qaramada Midoobay oo Soomaaliya ka bilowday ololaha tallaalka cudurka dabaysha


 

Khamiis, September 24, 2020 (HOL) - Qaramada Midoobay ayaa bilowday ololaha tallaalka cudurka dabaysha oo lagu bartilmaameedsanayo 1.65 milyan oo caruur ah oo da'doodu ka yar tahay shan sano.

Tallaalka cudurka dabaysha ee afka laga qaato ayaa laga fulinayaa koonfurta iyo bartamaha Soomaaliya.

Hadal ay si wada jir ah u soo saareen Hay'adda Caafimaadka Adduunka (WHO) iyo UNICEF, waxay ku sheegeen in talaabooyinka tallaalku ay gacan ka geysan doonaan kahortagga cudurrada dilaaca iyo inay carruurta ka ilaalin doonaan cudurrada dilaaga ah.

"Waa muhiim in dhammaan talaalada joogtada ah ay sii socdaan, gaar ahaan inta lagu guda jiro Cudurka faafa ee COVID-19,"  wakiilka UNICEF ayaa ku yiri bayaan ay si wada jir ah uga soo saareen Muqdisho.

Sida lagu sheegay bayaanka, ololahan waxaa fulinaya 6,266 hawlwadeen oo ka shaqeeya talaalka magaalooyinka iyo 2,685 oo ka shaqeeya talaalka miyiga.

Hay'adaha Qaramada Midoobay ayaa sheegay in ololahan uu yahay talaabadii ugu horeysay ee dadaal labo qeyb ah oo kor loogu qaadayo heerarka difaaca carruurta Soomaaliyeed.

Abdiweli M. Sheikh, Hiiraan Online
[email protected]












Click here
10/8/2020 9:46 AM EST
Hab Dhaqanka Wiishka

9/24/2020 6:16 AM EST
Khamiis, September 24, 2020 (HOL) - Taliyaha cusub ee ciidamada AMISOM ee Soomaaliya ka howl-gala Diomede Ndegeya ayaa waxa uu booqday fadhiga Ciidamada midowga Afrika ay ku leeyihiin magaalada Baydhaba, waxa uuna ku amaanayay howsha ay ka hayaan deegannadaas.

9/24/2020 6:12 AM EST
Khamiis, September 24, 2020 (HOL) - Ra’iisul wasaarahii hore ee Soomaaliya Cabdiweli Maxamed Cali Gaas ayaa waxa uu usoo jeediyay ra’iisul wasaaraha cusub ee Soomaaliya Maxamed Xuseen Rooble in uusan soo magacaabin gole wasiirro oo cusub, taas bedelkdeeda uu lasii shaqeeyo wasiirrada sida gaarsiinta ah hadda ku shaqeeya.

9/24/2020 6:08 AM EST
Khamiis, September 24, 2020 (HOL) - Guddoomiyaha Guddiga madaxa bannaan ee doorashooyinka Qaranka Soomaaliya Xaliimo Ismaaciil ayaa waxay magaalada Muqdisho kulan kula yeelatay safiirka dalka Sweden u jooga Soomaaliya danjire Staffan Tillander, waxa ayna ka wada hadleen xaaladda dalka Soomaaliya iyo doorashooyinka.

9/24/2020 6:05 AM EST
Khamiis, September 24, 2020 (HOL) - Waxaa goor u dhow uu kulan usoo dhammaaday ra’iisul wasaaraha Soomaaliya Maxamed Xuseen Rooble iyo siyaasiga mucaaradka Cabdiraxmaan Cabdishakuur Warame, kulanka ayaa ka dhacay madaxtooyada Soomaaliya, iyagoo ka wada-hadlay xaaladda siyaasadda Soomaaliya iyo sidii doorashadu ay wakhtigeeda ugu dhici laheyd.

9/24/2020 6:01 AM EST
Khamiis, September 24, 2020 (HOL) - Qaramada Midoobay (UN) iyo beesha caalamka ayaa ku amaanay baarlamaanka federaalka ansixinta ra'iisal wasaaraha cusub ee Soomaaliya ee dhowaan la magacaabay.

9/24/2020 1:24 AM EST
Khamiis, September 24, 2020 (HOL) - Maxkamad kutaala magaalada Jilib ee gobolka Jubbada dhexe oo ay maamusho Al-Shabaab ayaa xukun dil ah ku fulisay nin lagu eedeeyay inuu sixiroole ahaa.