10/20/2020
Today from Hiiraan Online:  _
Wararka Maanta- Isniin, Sept 21, 2020
Madaxweyne Qoor qoor oo la kulmay xildhibaannada labada Gole ee Baarlamanka ku matala dowlad Goboleedkiisa


 

Isniin, September 21, 2020 (HOL) - Madaxweynaha maamulka Galmudug Axmed Cabdi Kaariye “Qoor qoor” ayaa waxa uu hoyga uu ka deganyahay magaalada Muqdisho uu kula kulmay mas’uuliyiinta labada aqal ee Baarlamanka Soomaaliya ee kasoo jeeda maamulkiis.

Waxaana kasoo qeyb-galay badi xildhibaannadii la casuumay oo ay kamid ahaayeen Guddoomiye ku xigeenka Aqalka sare Sanatar Abshir Maxamed Axmed iyo guddoomiye ku xigeenka Labaad ee Golaha shacabka Mahad Cabdallle Cawad.

Madaxweyne Qoor qoor ayaa soo dhoweeyay una mahadceliyay xildhibaannada kulanka fadhiyay, waxa uu tafaasiil ka bixiyay xaaladda maamulka Galmudug, waxa uuna dhammaan xildhibaannada ka codsaday iney si wanaagsan ula shaqeeyaan.

Wararka qaar ayaa sheegaya in madaxweyne Qoor qoor uu ka codsaday xildhibaannada in ay ansixiyaan ra’iisul wasaaraha cusub ee magacaaban Maxamed Xuseen Rooble.

Magaalada Muqdisho waxaa maalmihii lasoo dhaafay ka soconayay kulamo xasaasi ah oo madaxda maamul Goboleedyada ay la yeelanayeen xildhibaannada Labada Aqal ku matala Dowlad goboleedyada ay hoggaamiyaan, xilli dhowaan lagu heshiiyay nooca doorashada Soomaaliya iyo qaabka loo wajahayaba.

Abdiaziz Ahmed Barrow, Hiiraan Online
[email protected]












Click here
9/21/2020 3:40 PM EST
Isniin, September 21, 2020 (HOL) - Beesha caalamka ayaa sheegtay hanaanka doorasho ee lagu heshiiyay in uu ka hooseeyo yoolkii Soomaaliyeed ee muddada dheer lagu taamayay ee ahaa cod-bixin toos ah oo lagu soo doorto xubnaha baarlamaanka Soomaaliya.

9/21/2020 8:36 AM EST
Isniin, September 21, 2020 (HOL) - Wararka laga helayo deegaanka Garas baalley ee duleedka Muqdisho ayaa sheegaya in halkaas laga Af-duubtay laba askari oo ilaalo u ahaa mid kamid ah Guddoomiye waaxeedyada halkaas ka shaqeeya.

9/21/2020 8:26 AM EST
Isniin, September 21, 2020 (HOL) - Ciidamada Xoogga dalka qeybta 21-aad ayaa la sheegay inay Al-Shabaab ka saareen deegaanno ka tirsan gobolka Galgaduud, kadib dagaal xoogan oo halkaas ku dhexmaray ciidamada dowladda iyo kuwa Al-shabaab.

9/21/2020 6:44 AM EST
Isniin, September 21, 2020 (HOL) - Dilka wadaha mooto Bajaajta ayaa ka dhacay degmada Hodan, gaar ahaan xaafadda Soonakey, sida ay ku warrameen dad goobjoogayaal ah, waxaana lagu eedeeyay dilkaas, askari ka tirsanaa ciidamada dowladda Soomaaliya.

9/21/2020 6:31 AM EST
Isniin, September 21, 2020 (HOL) - Dagaalka ayaa ka dhacay deegaanka lagu magacaabo Miir-dugul oo koonfur kaga beegan magaalada Dhuusamareeb ee Gobolka Galgaduud, sidoo kalana ah caasimadda maamulka Galmudug ee bartamaha Soomaaliya.

9/21/2020 6:01 AM EST
Isniin, September 21, 2020 (HOL) - Soomaaliland ayaa sheegtay in aysan ka qeyb galayn doorashooyinka soosocda ee Soomaaliya, iyadoo farriin gaar ah u dirtay ururada iyo wadamada daneeya arrimaha Soomaaliya ee la isku yiraahdo beesha caalamka.

9/21/2020 12:39 AM EST
Isniin, September 21, 2020 (HOL) - Beesha caaalamka ayaa weli ka aamusan heshiiskii dhameystirka hannaanka doorashada ee dhawaan ay Muqdisho ku gaareen dowladda federalka Soomaaliya iyo dowladdaha xubnaha ka ah.

9/21/2020 12:27 AM EST
Isniin, September 21, 2020 (HOL) - Hay'adaha amniga kenya ayaa kordhiyay amaanka goobaha laga yaabo in ay bartilmaameed ka dhigtaan kooxda Al-shabaab.