10/20/2020
Today from Hiiraan Online:  _
Wararka Maanta- Isniin, Sept 21, 2020
Kenya oo xoojisay amaanka dalkeeda 7 sano kadib weerarkii westage Mall


 

Isniin, September 21, 2020 (HOL) - Hay'adaha amniga kenya ayaa kordhiyay amaanka goobaha laga yaabo in ay bartilmaameed ka dhigtaan kooxda Al-shabaab.

Toddobo  sano kahor maanta oo kale, koox katirsan Al-shabaab ayaa galay suuqa Westgate Shopping Mall oo kuyaal Westlands, Nairobi, halkaas oo ay ku dileen in ka badan 70 qof ayna ku dhaawaceen 200 kale.

Kooxda weerarkaas ka dambeysay ayaa la rumeysan yahay inay dhinteen markii ciidanka Kenya ay dib ula wareegeen suuqa. Balse, dadka reer Kenya ayaa weli qaarkood aaminsan in ay baxsadeen qaar kamid ah dambiilayaasha.

Hay'adaha amniga Kenya ayaa sheegay inay habeen iyo maalinba ka shaqeynayeen sidii ay u uga hortagi lahaayeen qorshayaasha ay kooxda Al-shabaab ku doonayso inay sameyso weerarada noocan oo kale ah.

Booliisku waxay rumeysan yihiin in kooxda Al-shabaab ah ay weli khatar weyn ku tahay meelaha ku teedsan xadka Soomaaliya, iyagoo xusay in bartilmaameedyada ay ka mid yihiin shaqaalaha amniga iyo sidoo kale gawaarida safarka ah ee maraya waddooyinka xadka iyo gobolka xeebta.

Abdiweli M. Sheikh, Hiiraan Online
[email protected]












Click here
9/21/2020 3:40 PM EST
Isniin, September 21, 2020 (HOL) - Beesha caalamka ayaa sheegtay hanaanka doorasho ee lagu heshiiyay in uu ka hooseeyo yoolkii Soomaaliyeed ee muddada dheer lagu taamayay ee ahaa cod-bixin toos ah oo lagu soo doorto xubnaha baarlamaanka Soomaaliya.

9/21/2020 8:36 AM EST
Isniin, September 21, 2020 (HOL) - Wararka laga helayo deegaanka Garas baalley ee duleedka Muqdisho ayaa sheegaya in halkaas laga Af-duubtay laba askari oo ilaalo u ahaa mid kamid ah Guddoomiye waaxeedyada halkaas ka shaqeeya.

9/21/2020 8:26 AM EST
Isniin, September 21, 2020 (HOL) - Ciidamada Xoogga dalka qeybta 21-aad ayaa la sheegay inay Al-Shabaab ka saareen deegaanno ka tirsan gobolka Galgaduud, kadib dagaal xoogan oo halkaas ku dhexmaray ciidamada dowladda iyo kuwa Al-shabaab.

9/21/2020 7:21 AM EST
Isniin, September 21, 2020 (HOL) - Madaxweynaha maamulka Galmudug Axmed Cabdi Kaariye “Qoor qoor” ayaa waxa uu hoyga uu ka deganyahay magaalada Muqdisho uu kula kulmay mas’uuliyiinta labada aqal ee Baarlamanka Soomaaliya ee kasoo jeeda maamulkiis.

9/21/2020 6:44 AM EST
Isniin, September 21, 2020 (HOL) - Dilka wadaha mooto Bajaajta ayaa ka dhacay degmada Hodan, gaar ahaan xaafadda Soonakey, sida ay ku warrameen dad goobjoogayaal ah, waxaana lagu eedeeyay dilkaas, askari ka tirsanaa ciidamada dowladda Soomaaliya.

9/21/2020 6:31 AM EST
Isniin, September 21, 2020 (HOL) - Dagaalka ayaa ka dhacay deegaanka lagu magacaabo Miir-dugul oo koonfur kaga beegan magaalada Dhuusamareeb ee Gobolka Galgaduud, sidoo kalana ah caasimadda maamulka Galmudug ee bartamaha Soomaaliya.

9/21/2020 6:01 AM EST
Isniin, September 21, 2020 (HOL) - Soomaaliland ayaa sheegtay in aysan ka qeyb galayn doorashooyinka soosocda ee Soomaaliya, iyadoo farriin gaar ah u dirtay ururada iyo wadamada daneeya arrimaha Soomaaliya ee la isku yiraahdo beesha caalamka.

9/21/2020 12:39 AM EST
Isniin, September 21, 2020 (HOL) - Beesha caaalamka ayaa weli ka aamusan heshiiskii dhameystirka hannaanka doorashada ee dhawaan ay Muqdisho ku gaareen dowladda federalka Soomaaliya iyo dowladdaha xubnaha ka ah.