9/19/2020
Today from Hiiraan Online:  _
Wararka Maanta- Talaado, Sept 15, 2020
Wasiirka warfaafinta Somaliland oo laga helay Covid19


 

Talaado, September 15, 2020 (HOL) - Wasiirka warfaafinta Somaliland Saleebaan Yuusuf Cali Koore ayaa sheegay in baadhitaan uu isku sameeyay laga helay xanuunka Covid 19. Ma ahan masuulkii ugu horeeyay ee cudurka laga helo, balse arintiisa ayaa kusoo beegmaysa xilli ay soo baxaysay cabsida la xiriirta in cudurku soo labo kacleeyay.

Cudurka Covid19 ayaa korarka faafitaankiisa waxaa u sabab ah, kadib markii ay hoos u dhacday cabsidii cudurkan laga muujinayay, iyadoo dowladda federalka iyo dowlad goboleedyada ay meel iska dhigeen qatartii cudurka.

Somaliland iyo Puntland ayaa lagasoo sheegay in cudurku sameeyay faafitaan cusub, taasoo keentay in labada maamul ay diiwaan galiyeen tirooyin cusub oo covid19, iyadoo dad badan ay tageen xarumaha caafimaadka.

Wasaaradda caafimaadka Soomaaliya ayaa sheegtay in todobaadkii lasoo dhaafay uu hal qof u geeriyooday cudurka Covid19, taasoo tirada dadka u geeriyooday guud ahaan Soomaaliya ay ka dhigayso 98 qof.

Abdiweli M. Sheikh, Hiiraan Online
[email protected]












Click here
9/15/2020 12:32 PM EST
Talaado, September 15, 2020 (HOL) - Qaramada midoobe iyo daneeyayaasha kale ee beesha caalamka ee Soomaaliya, ayaa soo dhoweeyay shirka magaalada Muqdisho uga socda madaxda dowladaha faderaalka qeybta ka ah iyo dowladda dhexe ee looga hadlayo arrimaha siyaasadda dalka iyo doorashooyinka.

9/15/2020 12:31 PM EST
Talaado, 15 September, 2020 (HOL) -Madasha Xisbiyada Qaran ee ay hogaamiyaan madaxdii hore ee dowladda federaalka Soomaaliya ayaa soo saaray eedeyn ay ujeediyeen madaxweyne Maxamed Cabdullaahi Farmaajo.

9/15/2020 10:10 AM EST
Talaado, September 15, 2020 (HOL) - Taliska ciidanka booliska Soomaaliyeed ayaa sheegay in ay 11 eedeesane u xiran yihiin kiiska baarista magaalada Muqdisho.

9/15/2020 6:43 AM EST
Talaado, September 15, 2020 (HOL) - Shiikh Nuur Baaruud oo kamid ah mashaa'ikhda waaweyn ee Soomaaliyeed oo maanta shir jaraa'id ku qabtay magaalada Muqdisho ayaa ka hadlay xeerkii Galmada ee Baarlamanka Soomaaliya la horgeeyay.

9/15/2020 5:33 AM EST
Talaado, September 15, 2020 (HOL) - Barasaabka Gaarisa Cali Bunow Qorane oo lagu soo oogay dacwad la xiriirta lacag dhan 233m oo shilinka Kenya ah, ayaa heli doona xoriyadiisa hadii uu bixiyo damiin lacageed oo dhan Sh3.25 million, sida lagu sheegay go’aan kasoo baxay maxkamada Nairobi.

9/15/2020 3:44 AM EST
Talaado, September 15, 2020 (HOL) - Dowladda Kenya ayaa maxkamad soo taagtay duqii magaalada Gaarisa ee gobolka Waqooyi Bari, Cali Bunow Qorane iyo Afar eedeysane oo kala ah Ibraahim Malow Nuur Madaxii Dhaqaalaha Gaarisa, Maxamed Axmed C/laahi Madaxii Lacagta, Cabdi Shaale, madaxii fulinta Dowlada Hoose iyo Axmed C / laahi Aadan Madaxii Xisaabaadka ee Dowlada Hoose.

9/15/2020 3:10 AM EST
Talaado, September 15, 2020 (HOL) - Barlamaanka Soomaaliya ayaa faray wasaaradda amniga in ay barlamaanka horkeenaan sababaha ka dambeeya kufsiyo fool xun oo ka dhacay magaalada Muqdisho, kuwaas oo dareenka bulshada aad u kiciyay.