9/24/2020
Today from Hiiraan Online:  _
Wararka Maanta- Khamiis, Sept 10, 2020
Abaanduulaha cusub ee ciidamada AMISOM oo booqasho ku tegey talisyada ciidamada Amisom


 

Khamiis, September 10, 2020 (HOL) - Abaanduulaha cusub ee ciidamada howlgalka midowga Africa ee AMISOM, Lt Gen Diomede Ndegeya ayaa booqashadiisii ugu horeysay ku tagey qeybta 1-aad oo ay ka howlgalaan ciidamada Uganda ee ku sugan Soomaaliya.

Abaanduulaha ciidanku wuxuu ku guda jiraa socdaal barasho uu ku marayo dhammaan qaybaha AMISOM ee Soomaaliya, oo uu ugu horeeyo waaxda koowaad.

General Ndegeya waxaa qaabilay taliye kuxigeenka qaybta 1-aad oo sidoo kale ah ku xigeenka taliyaha Uganda, Col John Winston Mugarura.

Abaanduulaha ciidamada ayaa ku amaanay ciidamada Uganda ee AMISOM qabsashadii ay dhawaan ka qabsadeen Alshabaab degaanada Sabiid-Caanoole, Bariire, Awdheegle, Ceel Salini iyo Jannaale, oo katirsan gobolka Shabeelada hoose.

Janaraal Ndegeya wuxuu amaanay askartii dhimatay intii ay kujireen shaqada Soomaaliya. “Xaqiiqdii, maanta ma fadhiisan lahayn halkan si raaxo leh haddii aysan ahayn geesinimadooda ku aaddan nabadeynta Soomaaliya. Marnaba ma hilmaami doono iyaga waxaanan u dagaalami doonnaa ilaa dhamaadka ilaa iyo inta aysan Shabaab ka sii joogi doonin Soomaaliya, illaa aan ka dhammeyno wixii ay bilaabeen, ”ayuu yiri Gen.Ndegeya.

Ciidamada Uganda ayaa gacanta ku haya aagga ugu ballaaran Soomaaliya kadib markii la geeyay waaxda koowaad ee Banaadir iyo gobolka Shabeellada Hoose iyagoo Al-shabaab riixay masaafo 200km u jirta magaalada Muqdisho.

Abdiweli M. Sheikh, Hiiraan Online
[email protected]












Click here
9/10/2020 2:02 PM EST
Khamiis, September 10, 2020 (HOL) - Wararka laga helayo dhowr degmo oo ku yaalla magaalada Muqdisho ayaa waxay sheegayaan iney hoobiyayaal kusoo dhaceen, welina lamasoo sheegin wax khasaaro ah.

9/10/2020 12:16 PM EST
Khamiis, September 10, 2020 (HOL) - Madaxweynaha Soomaaliya Maxamed Cabdullaahi Farmaajo ayaa kulan qado sharaf ah ku maamuusay Madaxda Dowlad Goboleedyada dalka iyo Guddoomiyaha Gobolka Banaadir oo si wada jir ah uga qeyb gali doona Shirka Wadatashiga Dowladda Federaalka Soomaaliya iyo Dowlad Goboleedyada.

9/10/2020 10:09 AM EST
Khamiis, September 10, 2020 (HOL) - Waxaa maanta aan ka furmin magaalada Muqdisho shirkii Madaxda maamul goboleedyada, Gobolka Banaadir iyo madaxda dowladda dhexe ee Soomaaliya, waxaana lagu waday in la billaabo ka haddalka marxaladda Soomaaliya, gaar ahaan xaaladda kala guurka ah iyo sida loo qabanayo doorasho wakhtigeeda ku dhacda.

9/10/2020 9:46 AM EST
Khamiis, September 10, 2020 (HOL) - Inta la xaqiijiyay laba qof ayaa ku dhimatay qarax miino oo ka dhacay maqaaxi ku taalla magaalada Ceelwaaq ee Gobolka Gedo.

9/10/2020 9:41 AM EST
Khamiis, September 10, 2020 (HOL) - Madaxweyne ku xigeenka maamulka Jubaland Maxamuud Sayid Aadan ayaa ka hadlay xaaladda siyaasadeed ee Soomaaliya iyo wada-hadallada u dhexeeya dowladda Soomaaliya iyo maamul goboleedyada, gaar ahaan shirka la filayo inuu madaxweynaha maamulkaas uga qeyb-galo Muqdisho.

9/10/2020 4:31 AM EST
Khamiis, September 10, 2020 (HOL) - Hay'adda gargaarka bani'aadamnimada ee Qaramada Midoobay ayaa sheegtay in dhaqaale yarida sii socoto ay caqabad ku tahay wax u qabashada nafaha lagu badbaadiyo ee daadadka ka socda Soomaaliya.

9/10/2020 2:52 AM EST
Khamiis, September 10, 2020 (HOL) - Shirka madaxda dawladda federaalka iyo kuwa maamul goboleedyada ayaa maanta la filayaa inuu Muqdisho ka furmo, iyadoo shalay galab magaalada Muqdisho soo gaareen madaxweynayaasha Hirshabeelle, Koonfur galbeed iyo Galmudug.