Ayax dhibaato ba’an ku haya beeraleyda iyo xoola dhaqatada gobolka Shabeellaha Dhexe
Khamiis, October, 29, 2020 (HOL) – Beeraleyda iyo Xoola dhaqatada ku nool qeybo badan oo ka
mid ah Soomaaliya sanadkan cabashada ugu badan oo ay qabaan ayaa aheyd Ayax
raxan raxan u socda oo meelaha qaar ku riday nabaad-guur iyo baabi’inta
dalaggii la filayay.
Haddaba wararka ka imanaya
gobolka Shabeellaha Dhexe gaar ahaan degmada Mahadaay ayaa sheegay in
saacadihii ugu danbeeyay dadka ku dhaqan degmada la daalaa-dhacayeen Ayax ku habsaday beerro
ku yaala degmada.
Ma ‘aha oo kaliya degmada
Mahadaay ee sidoo kale waxaa Ayaxan laga soo sheegayaan qeybo ka kale oo ka mid
ah isla gobolka sida degmada Aadan Yabaal.
Mas’uuliyiinta gobolka ayaa
sheegay in Ayax oo ah oo mid xooggan markiiba uu baabi’inyo miraha dalagga ku
yaala beeraha, taasoo dhibaato weyn ku ah dadka beeraleyda ah ee ka sugayay in
manaafacsadaan.
Dowladda Soomaaliya ayaa
marar badan oo hore ka hadashay dhibaatada uu Ayaxan leeyahay, iyadoo sheegtay
in ay dadaal xooggan ugu jirto sidii looga hortagi lahaa.
Cabdiraxmaan Diini, Hiiraan Online
[email protected]
