10/28/2020
Today from Hiiraan Online:  _
Wararka Maanta- Sabti, Oct 17, 2020
Puntland oo laga codsaday inay xoriyadooda usoo celiso dhalinyaro 8 bilood u xiran dilkii guddoomiyaha gobolka Nugaal


 

Sabti, October 17, 2020 (HOL) - Nabadoon Xuseen Xaaji Ibraahim oo ah guddoomiyaha beesha jareerweyne ee degaanada Puntland ayaa walaac xoogan ka muujiyay xarriga 12 dhalinyaro ah oo kasoo jeeda beeshaas, kuwaas oo muddo ku dhow 8 bilood ah u xiran kiiska dilkii gudoomiyihii gobolka Nugaal Cabdisalaan Xasan Xirsi (Gujir), oo qarax ismiidaamin ah lagu dilay 29 maarso ee sanadkan.

Isagoo Garowe kula hadlayay warbaahinta gudaha, ayuu sheegay in dhalinyaradaas ay maxkamadu ku weyday wax dambi ah kadib markii tiro dhowr jeer ah lasoo taagay maxkamada gobolka Nugaal.

Nabadoon Xuseen Xaaji wuxuu tilmaamay dadka xiran ee uu doonayo in xoriyadooda loosoo celiyo ay iskugu jiraan macalimiin dugsi qur’aan ah, ganacsato iyo dhalinyarada baabuurta dhaqda, kuwaas oo kamid ahaa tobaneeyo qof oo xabsiyada loo taxaabay kadib dilkii gudoomiyaha Nugaal.

Wuxuu sheegay in maxkamadu soo gabagabaysay kiiskaan 12-kii bishaan islamarkaana dadkii lagu helay dambigaas la xukumay, Kuwii lagu waayayna aysan weli helin xoriyadoodii ka maqnayd.

Wuxuu ka codsaday Madaxweynaha Puntland inuu kiiskaan soo faro galiyo islamarkaana dadka dambiga lagu waayay la siiyo xoriyadooda.

Abdisalan Nur Dirie, Hiiraan Online












Click here
10/17/2020 4:10 PM EST
Sabti, October 17, 2020 (HOL) - Dowladda Soomaaliya ayaa ogolaatay in Qaadka dalka Ethoipia uu si sharci ah kusoo gale karo dalka Soomaaliya, ayada oo wali dalka Kenya ay saarantahay xayiraaddii lagu soo rogay.

10/17/2020 1:37 PM EST
Sabti, October 17, 2020 (HOL) - Wararka ka imaanaya magaalada Jowhar ee xarunta maamulka Hirshabelle ayaa sheegaya in halkaasi maanta gaareen ciidamo ka tirsan Booliska sida gaarka ah u tababaran ee loo yaqaano Haramcad.

10/17/2020 8:45 AM EST
Sabti, October 17, 2020 (HOL) - Mashruucan ayaa isugu jira dhisme biyo xireen, dayactirka Jiinka iyo kanaalada wabiga, si loo yareeyo khatarta fatahaad ee wabiga Shabelle ku sameeyo magaalada Beledweyne iyo beeraleyda ku xeeran.

10/17/2020 8:41 AM EST
Sabti, October 17, 2020 (HOL) - Waxaa maanta magaalada Garowe ka dhacay xukun qisaas ah oo lagu fuliyay Faarax Cabdi Maxamed oo horey u dilay hooyadiis, sida uu sheegay xeer ilaaliye ku xigeenka Puntland Maxamed Xareed Faarax.

10/17/2020 12:54 AM EST
Sabti, October 17, 2020 (HOL) - Guddoomiyihii maxkamada racfaanka gobolka Mudug ee dowlad goboleedka Puntland, Maxmuud Cismaan Aadan ayaa ka badbaaday qarax loogu xiray gaarigiisa maalintii shalay.

10/17/2020 12:51 AM EST
Sabti, October 17, 2020 (HOL) - Duulimaadyada Qaramada Midoobay ee daadgureynta muhaajiriinta ku xayiran Liibiya ayaa dib loo bilaabay ka dib markii loo hakiyay sababo la xiriira safmarka Covid19, sida ay sheegtay hay'adda qaxootiga ee Qaramada Midoobay.

10/17/2020 12:47 AM EST
Sabti, October 17, 2020 (HOL) - Dowladda Kenya ayaa ka hor timid tallaabada Mareykanka uu ciidamadiisa ugala baxayo Soomaaliya.