10/28/2020
Today from Hiiraan Online:  _
Wararka Maanta- Axad, Oct 11, 2020
Banaanbax looga soo horjeedo Hirshabelle oo ka dhacay magaalada Baledweyne




Axad, October 11, 2020 (HOL) - Banaanbaxan looga soo horjeedo hab dhismeedka cusub ee maamulka Hirshabelle ayaa ka dhacay magaalada Baledweyne ee xarunta gobolka Hiiraan.

Banaanbaxayaasha ayaa isugu jiray dhalinyaro, dad waaweyn iyo waliba qaar ka mid ah ardayda iskuuleyda oo la arkayay iyagoo xeran dareeska waxbarashada.

Banaanbaxayaashan ayaa socod dheer ku marayay wadooyinka waa weyn ee magaalada Baledweyne iyago ku qeylinaayay erayo ay ka mid ahayeen Hirshabelle dooni meyno.

Dibadbaxaan maanta ka dhacay Baledweyne ayaa imaanaya xili hanaanka doorasho ee Hirshabellada cusub walaac xoogan laga muujinaayo.

Ugu dambeyntii Baledweyne mahan mid ku cusub banaanbaxyada noocaan oo kale ah waxaasa xusid mudan afar sanno ka hor sidaan oo kale markii la dhisayay Hirshabelle in reer Baledweyne ay sameynayeen banaanbaxyo is daba joog ah oo ay kaga soo horjeedeen dhismaha Hirshabelle waloow banaanbaxyadaasina aysan keenin wax natiijo ah.

Jamaal Cali Cabdi, Hiiraan Online
[email protected]












Click here
10/11/2020 6:19 PM EST
Axad, October 11, 2020 (HOL) - Maxkamada ciidamada qalabka sida ee dowlad goboleedka Puntland ayaa xukuntay saddex nin oo dhalinyaro oo katirsan ururka Alshabab, kuwaas oo lagu qabtay dhulka buuralayda ah ee gobolka Bari.

10/11/2020 6:13 PM EST
Axad, October 11, 2020 (HOL) - Ugbaad Cali Cabdullaahi oo ahayd hooyo haystay saddex carruur ah sidoo kalena ahayd arday jaamacaddeed, ayaa xalay lagu kufsaday laguna dilay magaalada Burco, sida ay warbaahinta u sheegeen qoyskeeda.

10/11/2020 5:54 AM EST
Axad, October 11, 2020 (HOL) - Warar dheerad ah ayaa kasoo baxaya dagaal culus oo xalay saqdii dhexe ku dhexmaray magaalada Jalalaqsi ciidamada dowladda Soomaaliya iyo kuwa Al-shabaab.

10/11/2020 3:24 AM EST
Axad, October 11, 2020 (HOL) - Qaar kamid ah waddooyinka magaalada Muqdisho ayaa xiran, waxayna dadka isticmaalayaan socod, ma jiraan gawaarida dadweynaha iyo bajaajta oo isticmaalaya waddooyinka xiran.

10/11/2020 2:57 AM EST
Axad, October 11, 2020 (HOL) - Golaha Dimuqraadiga ee Suuriya ayaa ku dhawaaqay in ay 25,000 oo muwaadiniin reer Suuriya ah oo katirsan Daacish oo ku jira xerada caanka ah ee Al Hol lagu sii deyn doono qorshe guud oo cafis ah.

10/11/2020 2:38 AM EST
Axad, October 11, 2020 (HOL) - Dawladda Soomaliya ayaa ciidamo kale geysey xad beenaadka Soomaliya iyo Kenya, halkaas oo dhawaan ay ka dhaceen isku dhacyo u dhexeeyay ciidamada Soomaaliya iyo kuwa Kenya.

10/11/2020 2:06 AM EST
Axad, October 11, 2020 (HOL) - Wararka ka imaanaya degmada Baraawe ee Gobolka Shabeellaha hoose ayaa sheegaya in uu halkaas dagaal ku dhex maray ciidamada AMISOM iyo Alshabaab, labada dhinac ayaa isku adeegsaday hub cul culus, waxaana la maqlayay madaafiic xooggan oo ay isweydaarsadeen.

10/11/2020 1:55 AM EST
Axad, October 11, 2020 (HOL) - Gudduumiyaha Baarlamanka Maamulka Hirshabeelle Shiikh Cismaan Barre Maxamed ayaa waxa uu sheegay in doorashada maamulka ay ku dhaceyso wakhtigeeda, islamarkaana cid walba oo Dowlad Goboleedkaas kasoo jeeddo ay u tartami karto kuraasta ugu sarreysa.