12/2/2020
Today from Hiiraan Online:  _
Wararka Maanta- Khamiis, Nov 19, 2020
Madaxweyne ku xigeenka Hirshabeelle oo Baledweyne gaaray




Khamiis, November, 19, 2020 (HOL) - Wafdi uu hogaaminaayo madaxweyne ku xigeenka dowlad goboleedka Hirshabeelle Yuusuf Axmed Hagar Dabageed ayaa maanta soo gaaray magaalada Baledweyne ee xarunta gobolka Hiiraan.

Madaxweyne ku xigeenka iyo wafdigiisa ayaa si heer sarre ah waxaa u soo dhaweyay madaxda maamulka gobolka iyo kuwa degmada Baledweyne iyo qeybaha kala duwan ee bulshada reer Baledweyne.

Yuusuf Dabageed oo dhawaan loogu doortay magaalada Jowhar madaxweyne ku xigeenka Hirshabeelle ayaa isagoo wali la caleema saarin safarkiisii ugu horeyay kusoo gaaray magaalada Baledweyne.

Madaxweyne ku xigeenka Hirshabeelle Yuusuf Dabageed oo warbaahinta kula hadlay xarunta maamulka gobolka Hiiraan ayaa sheegay in wafdigiisa aay hordhac u yihiin imaashaha madaxweynaha maamulka Hirshabeelle iyo guddoomiyaha Baarlamaanka Hirshabeelle oo uu sheegay in saddax maalin kadib ay Baledweyne soo gaari doonaan caleema saarkana uu ka dhaci doono magaalada Baledweyne, kadibna ay dhameyn doonaan wax walba oo tabasho ah oo ay qabaan shacabka reer Hiiraan.

Doorashadii Hirshabeelle ayaa dhacday iyadoo ay jireen qaar ka mid ah beelaha Hirshabeelle dega oo aanan ku qanacsanen dhismaha Hirshabeelle labaad.

Jamaal Cali Cabdi, Hiiraan Online
[email protected]













Click here
11/19/2020 1:02 PM EST
Khamiis, November, 19, 2020 (HOL)- Ra'iisal Wasaaraha Xukuumadda Soomaaliya Maxamed Xusseen Rooble ayaa xilkii ka qaaday Wasiirkii Arrimaha Dibadda Axmed Ciise Cawad isaga oo xilkan u magacaabay mudane Maxamed Cabdirisaaq Maxamuud.

11/19/2020 11:30 AM EST
Khamiis, November, 19, 2020 (HOL)-Beesha caalamka ayaa markii ugu horreysay war ka soo saartay doorashadii dhawaan ka dhacday magaalada Jowhar ee lagu soo doortay madaxda dowlad gobolleedka Hirshabeelle.

11/19/2020 4:47 AM EST
Khamiis, November, 19, 2020 (HOL) - Ra'isul wasaaraha Soomaaliya, Maxamed Xuseen Rooble ayaa maanta kulankii ugu horeeyay la yeeshay guddiyada madaxa bannaan ee doorashada heer Federal iyo guddiga xallinta khilaafaadka doorashooyinka.

11/19/2020 4:32 AM EST
Khamiis, November, 19, 2020 (HOL) - Guddoomiyaha Aqalka sare ee Soomaaliya ayaa soo saaray Habraaca lagu maamulayo doorashada Xildhibaanada labada gole ee ka soo jeeda gobolada Waqooyi (Somaliland).

11/19/2020 3:45 AM EST
Khamiis, November, 19, 2020 (HOL)-Dowladda Itoobiya ayaa Arbacadii ku baaqday in hub ka dhigs lagu sameeyo Askarta ka soo jeeda qowmiyada Tigrayga ee ka tirsan howlgalka midowga Africa AMISOM ee ku sugan Soomaaliya.

11/19/2020 3:08 AM EST
Khamiis, November, 19, 2020 (HOL)- Taliye ku-xiggeenkii hore ee hay’adda Nabad-sugida Qaranka Ismaaciil Daahir oo warbaahinta wareysi siiyay ayaa ka hadlay doodda ka taagan guddiyada doorashada iyo wax ka jira in ay ka mid yihii xubno ka tirsan hay’adda Nabad-sugida Qaranka.

11/19/2020 2:03 AM EST
Khamiis, November, 19, 2020 (HOL) - Qaar kamid ah Senatarada kasoo jeeda gobolada waqooyi ee Somaliland ayaa kasoo horjeestay mowqifka guddoomiyaha aqalka sare uu ka taagan yahay arrimaha doorashooyinka.

11/19/2020 12:14 AM EST
Khamiis, November, 19, 2020 (HOL)-Dowladda Soomaaliya ayaa ka laabatay qoraal markii hore lagu shaaciyay bogga Twitter -ka Wasaarradda Arrimaha Dibadda Soomaaliya oo la xiriiray mowqifka dowladda ee dagaalka ka soconaya Waqooyiga dalka Itoobiya.