12/2/2020
Today from Hiiraan Online:  _
Wararka Maanta- Talaado, Nov 17, 2020
Jabuuti oo war ka soo saartay dagaalka Itoobiya


 

Talaado, November, 17, 2020 (HOL) - Madaxda Qaarrada Africa oo si dhaw u la socda dagaalka dalka Itoobiya ayeey dowladda Jabuuti sheegtay in ay dhaxdhaxaadin ka gali doonto sidii loo soo afjari lahaa dagaalka haddii loo baahdo.

Jabuuti ayaa warkan soo saartay kaddib kulan dhaxmaray Madaxweyne Ismaaciil Cumar Geelle iyo la taliyaha gaarka ah ee  Ra’iisul Wasaaraha  Itoobiya oo lagu Magacaabo Mr Guido Andargachou,  kuwaa oo ka wada hadlay dirirta ka socta gobolka Tigreyga oo hadda u muuqata mid ku sii fideysa gobolka oo idil.

War ka soo baxay Wasaarrada Arimaha Dibadda Jabuuti ayaa lagu sheegay in Jabuuti waxay si buuxda u taageereysaa midnimada iyo wadajirka dhuleed ee Jamhuuriyadda Federaalka iyo Jamhuuriyadda Dimoqraadiga ee Itoobiya.

Sidoo Jabuuti waxey xaqiijineysaa ayaa lagu yiri war-saxaafadeedka in xukuumadda ra’iisul wasaare Abiy Ahmed Ali ay tahay tan kaliya ee dammaanad qaadaysa midnimada dhuleed ee Itoobiya.

Dhinaca kale, Jabuuti waxay ku baaqeysaa in si nabad ah lagu xaliyo dhibaatadan gudaha ka jirta ee Itoobiya iyadoo uu hogaaminayo mudane Abiy Ahmed, raiisul wasaaraha Itoobiya.

Ugu dambeyntiina, Jabuuti waxay muujisay inay diyaar u tahay inay taageerto, haddii loo baahdo, dadaallo loogu talagalay in lagu xalliyo xasilloonida dhibaatadan “

Cabdiraxmaan Diini, Hiiraan Online
[email protected]   













Click here
11/17/2020 11:43 AM EST
Talaado, November, 17, 2020 (HOL) - Wasiirka Shaqada iyo Arrimaha Bulshada Xukuumadda Federaalka Soomaaliya, Mudane Duraan Axmed Faarax oo socdaal ku jooga Puntland, ayaa maanta booqday deegaannada uu saameynta ka geystay Ayaxa ee gobolka Nugaal.

11/17/2020 7:43 AM EST
Talaado, November, 17, 2020 (HOL) - Wasiirka wasaaradda caafimaadka iyo daryeelka bulshada ee dowladda Soomaaliya, Drs, Fowsiyo Abiikar Nuur ayaa maanta shaacisay in 153 qof laga helay cudurka Covid19, kadib baaritaan lagu sameeyay dad ka badan shan kun oo qof, mudadii u dhexeysay 1 illaa 17 November.

11/17/2020 7:31 AM EST
Talaado, November, 17, 2020 (HOL) - Afhayeenka ciidanka Booliiska Soomaaliyeed Sadiiq Aadan Cali oo faah faahiin ka bixiyay qarax uu geystay qof ismiidaamiye ah ayaa sheegay in uu sababay geerida Lix ruux.

11/17/2020 6:47 AM EST
Talaado, November, 17, 2020 (HOL) - Wasiirka wasaaradda haweenka iyo horumarinta xuquuqda aadanaha dowladda federalka Soomaaliya xildhibaan Xaniifa Maxamed Xaabsade, ayaa ugu baaqday maamul goboleedka Puntland, in uu tallaabo ka qaado askari katirsan ciidanka Puntland oo dhaawac u geystay gabadh dhalinyaro ah.

11/17/2020 5:54 AM EST
Talaado, November, 17, 2020 (HOL) - Faah faahin dheeraad ah ayaa ka soo baxay weerar uu geystay qof isku soo xiray walxaha qarxa oo ka dhacay gudaha maqaaxi ku taala degmada Xamar-jajab ee magaalada Muqdisho.

11/17/2020 4:53 AM EST
Talaado, November, 17, 2020 (HOL)- Ra’iisal wasaaraha dalka Itoobiya, Abiy Axmed ayaa sheegay in uu soo dhamaaday waqtigii loo qabtay inay isku soo dhiibaan maleeshiyaadka iyo ciidamada TPLF ee weli la dagaalamaya ciidamadiisa.

11/17/2020 1:01 AM EST
Talaado, November, 17, 2020 (HOL) - Madaxweyne Trump ayaa la filayaa inuu ku amro militariga Mareykanka inay kumanaan askari kala baxaan Afghanistan, Iraq iyo Somalia, ka hor waqtiga uu xafiiska ka tagayo bisha Janaayo.

11/17/2020 12:12 AM EST
Talaado, November, 17, 2020 (HOL) -Madaxweynihii hore ee dalka Nigeria Olusegun Obasanjo ayaa u taggaya magaalada Addis Ababa ee dalka Itoobiya si uu isugu dayo in uu dhexdhexaadiyo dowladda Federaalka iyo maamulka Tigrayga isaga oo ku soo biiraya dadaallada nabadeed ee socda

11/17/2020 12:07 AM EST
Talaado, November, 17, 2020 (HOL) - Dowladda Soomaaliya ayaa sheegtay in howlgal ay ciidamadeedu ka fuliyeen gobolka Hiiraan iyo qeybo ka mid ah deegaannada hoosyimaada labada Shabeelle ku soo qab qabteen saraakiil ka tirsanaa Ururka Al-shabaab.