12/2/2020
Today from Hiiraan Online:  _
Wararka Maanta- Isniin, Nov 16, 2020
Cabdiraxmaan Cabdishakuur'' Doorasho aynaan raali ka noqon Muqdisho laguma qaban karo


 

Isniin, November, 16, 2020 (HOL) - Iyadoo aad moodo in ay cirka isku sii shareertay doodda ku saabsan Guddiyada Dowladda Federaalka u saartay doorashada 2020-21, ayaa waxaa soo baxaya markan fariimo culus oo ay siyaasiyiinta ka soo horjeeda u dirayaan Dowladda.

Hoggaamiyaha Xisbiga Wadajir Cabdiraxmaan Cabdishakuur Warsame oo la hadlayay TV--ga Universal ayaa sheegay in doorasho aysan iyagu raali ka aheyn marnaba lagu qabin karin sida uu hadalka u dhiggay magaalada Muqdisho.

Hogaamiyaha ayaa u muuqda markaa in uu ka hadlayo doorashada xildhibaannada Gobollada Waqooyi ee ka mid noqonaya mudanayaasha cusub ee Golaha Shacabka ee la soo dooranayo dhawaan.

''Qof walba oo raba in uu xildhibaan ka noqdo Baarlamaanka soo socda waxaa la marsiinayaa xarunta Nabad-sugida oo ay tallo lacag ay Dowladda Qatar ugu tala--gashay in uu xildhibaankaasi ku soo baxo, waxaan rabaa in aan u sheego dowladda in doorasho aan Annagu raali ka aheyn  Muqdisho lagu qaban karin ayuu sheegay Cabdiraxmaan Cabdishakuur.

Dowlad gobolleedyada Puntland iyo Jubbaland ayuu ku amaanay in aysan wali soo xulin xubnihii ugu mid noqon lahaa guddiyada doorashada isaga oo sheegay in arinkaa ay ku saxan yihiin, waxaana uu dowlad gobolleedyada kale ku eedeeyay in ay soo magacaabeen xubno la mid ah kuwa dowladda dhexe ee federaalka oo ka yimid hay'addaha Amniga gaar ahaan sida uu hadalka u dhigay taliska Nabad-sugida Qaranka

Cabdiraxmaan Diini, Hiiraan Online
[email protected]   


 













Click here
11/16/2020 12:42 PM EST
Isniin, November, 16, 2020 (HOL) - Dableey hubeeysan ayaa Caawa xaafada Bundaweyn ee magaalada Baledweyne waxay ku dileen allaha u naxariiste guddoomiye ku xigeenkii xaafada Bundaweyne Cabdi Muxumed oo loo yaqiinay Kuukaay Dheere.

11/16/2020 10:54 AM EST
Isniin, November, 16, 2020 (HOL)- Kulan Maanta oo Isniin ay magaalada Muqdisho ku yeesheen xildhibaannada Golaha Shacabka ayaa waxa ay ku ansixiyeen Guddiga adeega garsoorka iyo sidoo kale u codeynta xubnaha Guddiga la dagaalanka musuq-maasuqa.

11/16/2020 9:23 AM EST
Isniin, November, 16, 2020 (HOL) - Madaxweynaha dowlad goboleedka koonfur galbeed, Cabdicasiis Lafta-gareen ayaa guddoomiyaha gobolka Shabeellada hoose u magacaabay C/qaadir Sheikh Maxamed Nuur Siidi oo horey xilkaan usoo qabtay.

11/16/2020 8:39 AM EST
Isniin, November, 16, 2020 (HOL) - Wasiirka Shaqada iyo Arrimaha Bulshada Xukuumadda Federaalka Soomaaliya, Mudane Duraan Axmed Faarax ayaa maanta gaaray magaalada Garoowe ee xarunta Puntland, halkaa oo si ballaaran loogu soo dhaweeyay.

11/16/2020 7:16 AM EST
Isniin, November, 16, 2020 (HOL) - Dooni kalluumeysi oo ay lahaayeen ganacsatada Puntland kasoo jeeda, ayaa ku caariday xeebta degaanka Gumbax oo ka tirsan gobolka Bari, sida ay sheegeen masuuliyiin katirsan Puntland.

11/16/2020 5:52 AM EST
Isniin, November, 16, 2020 (HOL)- Guddoomiye ku-xigeenka Labaad ee Baarlamaanka Dowlad Gobolleedka Hirshabeelle Mahad Xassan Cismaan ayaa sheegay in uu socdo qorshe la doonayo in hal Sano lagu kordhiyo muddo xileedka maamulka oo hadda ah Afar Sano.

11/16/2020 12:29 AM EST
Isniin, November, 16, 2020 (HOL) - Wasiirka arrimaha dibadda iyo iskaashiga caalamiga ah ee Soomaaliya Axmed Ciise Cawad, ayaa Kenya ku tilmaamay in ay tahay dalka ugu muhiimsan dalalka deriska la ah Soomaaliya.

11/16/2020 12:22 AM EST
Isniin, November, 16, 2020 HOL) -Mudanayaasha Golaha Shacabka ee Baarlamaanka Soomaaliya ayaa ayaa maanta oo Isniin ah yeelanaya kulankoodii caadiga iyaga oo ka uga dooddi doona ajandayaal dhowr ah.

11/16/2020 12:07 AM EST
Isniin, November, 16, 2020 (HOL) - Saraakiisha ciidamada dowladda Soomaaliya ayaa sheegay in howlgal qorsheysan oo ay ka sameeyeen deegaanno ka tirsan gobolka Shabeellaha dhexe ku dileen sarkaal sare oo ka tirsanaa Ururka Al-shabaab.