Taakulo loo fidinayo Ardeydii wax-yeeladu ka soo gaartay Qaraxii Ex Koontarool Afgooye ee sanadkii hore
Khamiis, November, 12, 2020
(HOL) - Ku dhawaad 15 Ardey ah ayaa ku dhimtay 19 kalana
wey ku dhaawacmeen Qarax 28kii December sanadkii 2019-ka ka dhacay
Ex-koontarool Afgooye, waxaana maanta magaalada Muqdisho ka dhacday munaasabad
lagu daah furayay sanduuq dhaqaale loogu uruurinayo ardeydii ay wax-yeelada soo
gaartay.
Jaamacada
Banaadir oo ay ardeydan ka tirsanaayeen ayaa ku dadaashay in waxbarasho lacag la’aan ah la siiyo ardeydii ay
wax-yeeladu soo gaartay kuwii geeriyoodayna qoysaskooda lagu war-galiyay in ay
ardey kale keensadaa oo heli doona waxbarasho blaash ah [Lacag la’ aan ]
Sanduuqan
dhaqaalaha loogu uruurinayay Ardeyda ayaa waxaa deeq lacageed oo dhan $ 20,000
ku taageertay hay’adda Hormuud Salaam Foundation.
Guddomiyaha Hormuud Salaam
Foundation Cabdullaahu Nuur Cismaan ayaa sheegay in ay taakukleyntani tahay mid
waajib ah isagoona shaaciyey cadada lacag ay ugu deeqeen sanduuqa taakulada
ardaydii dhibaatada kasoo gaartay qaraxii Ex-Control.
Qaar ka mid ah ardeydii ku dhaawacantay
Qaraxa iyo waalidiin goobta ka hadlay ayaa siweyn u soo dhaweeyay mashruucan
taakuleynta ah oo sida ay hadalka u dhigeen ku soo beegay waqti ku haboon.
Prof Maxamed Max’uud Xasan Bideey oo ah Guddomiyaha
Jaamacada Banaadir ayaa dhankiisa sheegay in loo bahaan yahay in lagu daydo
Hay’adda Hormuud Salaam Foundation, waxaana uu ku baaqay in dadka kale ee wax
heysta ay ka qeyb qaataan garab istaaga Ardaydan.
Waa markii ugu horreysay oo sida oo kale sanduuq dhaqaale
loo furo dad Soomaaliyeed oo wax-yeelo
ka soo gaartay qaraxyadii ugu cuslaa ee
sanadihii ugu danbeeyay ka dhacay magaalada Muqdisho oo uu ka mid ahaa qaraxii
Ex-goosyka Zoobe ee magaalada Muqdisho.
Cabdiraxmaan Diini, Hiiraan Online
[email protected]
