6/5/2020
Today from Hiiraan Online:  _
Wararka Maanta- Khamiis, May 21, 2020
Puntland oo ka mamnuucday in Masaajidda deegaannadeeda ku yaalla lagu tukado ciidda si loo xakameeyo faafidda COVID-19


 

Khamiis, May 21, 2020 (HOL) - Wasaaradda cadaaladda dowlad goboleedka Soomaaliyeed ee Puntland Cawil Shiikh Xaamud oo goor dhow la hadlay warbaahinta ayaa waxa uu sheegay in salaadda Ciidda aan lagu tukan Karin masaajidda deegaannada uu maamulkaasi ka arrimiyo.

Waxa uu qeexay in arrimahaasi ay uga gol leeyihiin xakameynta xanuunka COVID-19 oo kiisas kamid ah horay looga helay Puntland, wuxuuna wasiirku qeexay in shacabka ay u dhaga nuglaadaan awaamiirta lasoo saaray.

Dhinaca kale waxa uu qeexay in maalmaha ciidda kadib ay qorsheeynayaan in ay dib u furan dugsiyada Qur’aanka kariimka ah, laakiin waxa uu tilmaamay in ay jiraan sharuudo horyaalla macallimiinta oo ay kamid yihiin in 30 arday ka badan aysan waxba bari Karin.

Deegaanno kamid ah maamulkaasi ayaa horay looga diiwaan-geliyay xaalado la xiriira Coronavirus, waxaana la ogeyn sida amarkaan soo baxay uu dhaqan-geli karo maadaama bulshada Soomaaliyeed xilliyada ciidaha ay aad isugu yimaadaan Masaajidda iyo barxadaha lagu tukado.

Abdiaziz Ahmed Barrow, Hiiraan Online
[email protected]









Click here
5/21/2020 10:29 AM EST
Khamiis, May 21, 2020 (HOL) - Jubbaland ayaa ku eedeeysay dowladda federaalka in ay masuul ka tahay xaaladaha siyaasadeed ee kasoo cusboonaaday gobolka, islamarkaana ku eedeeysay dowladda in ay jabisay dastuurka federaalka iyo kan Jubbaland.

5/21/2020 7:37 AM EST
Khamiis, May 21, 2020 (HOL) - Madaxweynaha Somaliland Muuse Biixi ayaa sheegay in Somaliland ay diyaar u tahay in ay kiiskeeda ictiraaf raadinta geyso maxkamadda caalamiga ah ee ICJ haddii wadahadalada Soomaaliya laga gaarin natiijada la doonayo.

5/21/2020 5:33 AM EST
Khamiis, May 21, 2020 (HOL) - Mas’uuliyiin ka tirsan dowladda ayaa sheegay in dagaalku ay ku dhinteen dad gaaraya 300 oo ruux, tiro bandanna ay ku dhaawacmeen, kaas oo ah isku dhac u dhexeeyo qowmiyadaha Murle iyo Lou Nuer ee ku nool gudaha dalka Suudaanta Koonureed, waxaana dadka dhintay kamid ah 3 shaqaale ah oo ka shaqeynayay arrimaha gar-gaarka

5/21/2020 5:05 AM EST
Khamiis, May 21, 2020 (HOL) - Waxaa warbixin laga dhageystay guddigii dhowaan labada Aqal ee baarlamanka Soomaaliya ay u xil-saareen dhameystirka hab-raaca sharciyada doorashooyinka dalka, iyagoo soo bandhigay halka ay wax u marayaan iyo qorshaha la sugayo oo ay soo dhiraan-dhiriyeen.

5/21/2020 4:18 AM EST
Khamiis, May 21, 2020 (HOL) - Hay’adda caafimaadka Adduunka ee WHO ayaa waxay ka digeysa xanuunka COVID-19 ee weli sii fidayo, islamarkaana aan weli loo helin xal waara, waxayna tilmaamtay qoraal ay soo saartay in ay muuqato in Caalamka uu wajahayo khatarta taagan ee Coronavirus.

5/21/2020 3:58 AM EST
Khamiis, May 21, 2020 (HOL) - Madaxweynaha Maamulka Hirshabeelle Maxamed Cabdi Waare ayaa waxaa uu dowladda Soomaaliya ka codsatay in loo soo jeesto wax ka qabashada arrimaha fataahadda ka taagan magaalada Beledweyne ee xarunta Gobolka Hiiraan oo ay hadda ka barakaceen qoysas badan.

5/21/2020 3:49 AM EST
Khamiis, May 21, 2020 (HOL) - Howl-galka xalay lagu burburiyay goobahaan ganacsi ee ku yaallay hareeraha waddada Maka Al-mukarama , gaar ahaan laammi yaraha Soobbe, ayaa waxa uu ahaa mid ay joogeen madaxda gobolka Banaadir, waxay ahaayeen ganacsiyada la jajabiyay kuwa ay ku shaqeysan jireen haween danyar ah oo ku nool caasimadda dalka.