6/5/2020
Today from Hiiraan Online:  _
Wararka Maanta- Axad, May 17, 2020
Xeer ilaaliyaha guud ee Soomaaliya oo sheegay inuu soo gabagabeeyay baarista musuq maasuqa loo haystay wasaaradda caafimaadka Soomaaliya


 

Axad, May 17, 2020 (HOL) - Xeer ilaaliyaha guud Soomaaliya, Dr. Suleymaan Maxamed Maxamuud ayaa sheegay in ay hayaan cadeymo ka dhan ah saraakiil katirsan wasaaradda caafimaadka Soomaaliya oo lagu hayo musuqmaasuq dhowaana maxkamad la geyn doono.

Xeer ilaaliyuhu wuxuu sheegay inay gacanta ku hayaan dukumentiyo ay kamid yihiin warqadaha lagu kala qaato lacagaha iyo heshiisyo uu sheegay in loo sameystay in hantida ummadda Soomaaliyeed lagu musuq maasuqo.

Wuxuu sheegay in kiisaskaan loosoo xiray dad ka badan labaatameeyo qof oo ay kamid yihiin agaasimayaal wasaaraddeed, madaxda barnaamijyada ay wado wasaaradda caafimaadka Soomaaliya. La taliyayaal iyo madaxda shirkaddo gaar loo leeyahay oo la shaqeeya wasaaradda caafimaadka.

Xeer ilaaliyuhu wuxuu sheegay in xafiisku xayiraad iyo fatashaad ku sameeyay akoono kala duwan oo ay leeyihiin eedeesanayaasha iyo shirkaddaha lala xiriirinayo musuqa, si xog dheeri ah looga helo akoonada la tuhunsan yahay in lacagaha la lunsaday lagu shubtay.

’’Xafiiska xeer ilaaiyuhu wuxuu ummadda Soomaaliyeed u sheegayaa in xoriyad ka qaadida dhammaan eedeesanayaasha loo maray habraaca sharcigu ogol yahay,’ ayuu yidhi Dr. Suleymaan Maxamed Maxamuud.

Xeer ilaaliyuhu wuxuu caddeeyay inuu soo gabagabeeyay baaris qoto dheer oo lagu sameeyay kiiska musuq maasuqa wasaaradda caafimaadka, wuxununa tilmaamay inuu maxkamada awooda u leh ugudbiyay lagana sugayo inay muddayso dhegaysigiisa.

Abdiweli M. Sheikh, Hiiraan Online
[email protected]









Click here
5/17/2020 4:55 PM EST
Axad, May 17, 2020 (HOL) - Wasiirka wasaaradda caafimaadka iyo daryeelka bulshada ee dowladda Soomaaliya Dr. Fowsiya Abiikar Nuur ayaa waxay ka hadashay xaaladahii ugu dembeeyay ee xanuunka COVID-19 ee dalka, waxayna sheegtay in maanta la xaqiijiyay 64 xaalad oo cusub , kuwaas oo laga helay meelo kala duwan.

5/17/2020 3:30 PM EST
Axad, May 17, 2020 (HOL) - Wasiirka wasaaradda warfaafinta Soomaaliya Maxamed Cabdi Xayir Maareeye ayaa ka hadlay qaraxii duhurnimadii maanta ka dhacay magaalada Gaalkacyo ee xarunta gobolka Mudug ee lagu dilay guddoomiyahii gobolkaasi ee dhinaca Puntland Axmed Muuse Nuur.

5/17/2020 3:03 PM EST
Axad, May 17, 2020 (HOL) - Madaxda sare ee waddanka Nigeria ayaa waxay sheegeen in haweeney la xanuunsaneyd COVID-19 ay umushay cunug caafimaad qaba, kadib markii ay foolatay iyadoo ku jirta qol lagula tacaalayay caafimaadkeeda.

5/17/2020 8:58 AM EST
Axad, May 17, 2020 (HOL) - Madaxweynaha Puntland Siciid Cabdullaahi Deni ayaa si kulal u cambaareeyay dilkii loo geystay guddoomiyihii gobolka Mudug Axmed Muuse Nuur, oo maanta lagu qaarajiyay weerar ismiidaamin ah oo lagula eegtay magaalada Gaalkacyo.

5/17/2020 8:32 AM EST
Axad, May 17, 2020 (HOL) - Waxaa maanta cod aqbaliyad ah lagu ansaxiyay golahii wasiirada uu dhowaan soo magacaabay madaxweynaha Galmudug Axmed Cabdi Kaariye “Qoorqoor”, kaaso oo qudhiisa joogay fadhiga Baarlamanku ay yeesheen.

5/17/2020 8:07 AM EST
Axad, May 17, 2020 (HOL) - Ra’iisul wasaaraha Soomaaliya Xasan Cali Kheyre oo kulan la qaatay guddiga ka hortagga iyo xakameynta xanuunka Coronavirus ayaa waxa uu sheegay in dowladdu ay dooneyso in ay dib usoo celiso dadka Soomaaliyeed ee ku xayirmay meelo badan oo caalamka ah. Iyadoo la dhowrayo caafimaadka dadkaasi.

5/17/2020 8:01 AM EST
Axad, May 17, 2020 (HOL) - Ugaas Xasan ugaas Khaliif oo kamid duubabka gobolka Hiiraan ayaa maanta kormeeray xaaladaha magaalada Beledweyne, waxaana uu sheegay in biyuhu aay geeysteen qasaaro badan.

5/17/2020 7:32 AM EST
Axad, May 17, 2020 (HOL) - War qoraal ah oo kasoo baxay AMISOM ayaa waxay ku sheegteen in ay guulo ka gaareen dagaal dhex-maray ciidamadooda iyo kuwa Al-shabaab , kaas oo ka dhacay halka lagu magacaabo Bilis Qooqaani oo ka tirsan gobolka Jubbada hoose ee maamulka Jubaland.

5/17/2020 6:04 AM EST
Axad, May 17, 2020 (HOL) - Guddoomiyihii gobolka Mudug, Axmed Muuse Nuur iyo qaar kamid ah ilaaladiisii ayaa ku geeriyooday qarax ismiidaamin ah oo goor dhowayd ka dhacay magaalada Gaalkacyo ee xarunta gobolka mudug.

5/17/2020 1:24 AM EST
Axad, May 17, 2020 (HOL) - Madaxweynaha Kenya Uhuru Kenyatta ayaa mamnuucay dhaqdhaqaaqa xuduudaha dalka ee kala dhexeeya Tansaaniya iyo Soomaaliya si looga hortago faafitaanka cudurka coronavirus.