6/3/2020
Today from Hiiraan Online:  _
Wararka Maanta- Sabti, Mar 7 , 2020
Xildhibbaan Cabdiqaadir Jirde "Ma Dhimanin Himiladii Shanta Soomaaliyeed"


Sabti, Maarso, 07, 2020 (HOL) - Xildhibbaan Cabdiqaadir Jirde oo Sheegay in Aanay Dhimanin Himiladii Shanta Soomaaliyeed  “Shantii Soomaaliyeed Inagamay Dhimanin, Waxaan Filaynaa in Shantii oo Xor ahi ay Isa Soo Doontaan.”. Xildhibbaan Cabdiqaadir jirde

Xildhibbaan Cabdiqaadir Jirde oo ka mid ah Mudaneyaasha Aqalka Golaha Wakiilada Somaliland, ayaa soo bandhigay inuu jiro rabitaanka dawladda Itoobiya ee ku aadan xeebaha Somaliland, waxaana uu iftiimiyey in arrintaasi ay tahay himilo soo jireen ah oo ay wakhtiyo badan iska soo dhaxlayeen dawladihii kala dambeeyey ee wadanka Itoobiya.

Xildhibbaan Jirde, ayaa hadalkan sheegay mar uu ka hadlaayey Golaha Wakiilada Somaliland, waxaana uu carabka ku dhuftay in sida himilada Soomaali weyn aanay u dhiman oo kale in aanay u dhimanin himilooyinka waaweyn ee dawladda Itoobiya ay ka lee dahay Geeska Afrika, isaga oo xusay in himiladdii Shanta Soomaaliyeed rejo laga qabo in maruun ay isku iman doonaan oo ay midoobi doonaan balse hadda ay xidheen duruufaha wakhtigan jira.

“Dawladda Itoobiya waa dawlad aynnu deris nahay, waana dawlad hindiseyaal gaboobay(soo-jireen) ka leh mandaqadda, himilooyinka caynkaas ahina ma dhintaan oo kolba dawladda timaada ayaa  wadciga la socodsiisa dadka oo siday wax uga badalayso se wax dhinta maaha. Arrinta ah in Itoobiya doonayso xeebaheena wax qarsoon maaha. Inaga ba himilooyinkeenu may dhiman oo Soomaali-weyn inagamay dhimanin, shanti Soomaaliyeed inagamay dhimanin ee wadcigan uun baa xidhay, waxaana aanu filaynaa maalin ka mid ah in shanti oo xor ah ay isa soo doontaan oo waa wax aan dhimanin, himilooyinka caynkaas ahina ma dhintaan”. Ayuu yidhi Xildhibbaan Jirde

Xildhibbaan Cabdiqaadir Jirde oo hadalkiisa sii wata, wuxu sidoo kale sheegay in la sahashanaayo qorsheyaasha uu maagan yahay Raysal Wasaaraha Wadanka Itoobiya balse loo baahan yahay Aqoonyahanada ku xeel-dheer Xidhiidhada Caalamku ay arrintaas darsaan sidoo kale na ay soo saaraan qorsheyaasha laga ga badbaadi karo, waxaana uu yidhi: “Markaa Abey baa adeerkeen ah oo ina jecel oo wax wanaagsan innoo wada waa wax la sahashanayo, waana waxyaabaha lagu sirmo weeye, waxaynnu u baahannahay ilayn khubaro waa aynnu lee nahee in waxaa shuruucda caalamiga iyo xidhiidhada ba yaqaana ee Jaamacadaha dibadda wax ka dhiga iyo kuwa halkan jooga ba in la abaabulo oo la yidhaa cilmi-baadhisyo ka soo saara iyo qorsheyaasha aynnu kaga badbaadaynno waxaa mandaqadda ka socda”.










Click here
3/7/2020 2:57 PM EST
Sabti, Maarso, 07, 2020 (HOL)- Golaha wasiiradda ee dowlad goboleedka Puntland oo caawo yeeshay kulan uu shir-guddoomiyey madaxweyne Deni ayaa wax iska weydiiyay arrimo ay ugu muhiimsanaayeen caabuqa Coronavirus ee adduunka faraha kulul ku haya.

3/7/2020 10:16 AM EST
Sabti, Maarso, 07, 2020 (HOL)- Mas’uuliyiinta Sucuudiga ayaa xirey seddex xubnood oo qoyska boqortooyada ah, oo uu ku jiro boqorka walaalkii iyo dhaxal-sugihii hore, kadib isku day afgambi oo la sheegay inuu socday.

3/7/2020 9:06 AM EST
Sabti, Maarso, 07,2020 (HOL)–Golaha Wakiilada Somaliland ayaa soo saaray go’aan meesha looga saarayo qodobkii kootadda loogu xidhay shirkadda SOMCABLE keenista xadhiga Fiber Optic ee badda hoos mara oo sanadkii 2011-kii shirkadaasi kooto loogu xidhay.

3/7/2020 5:19 AM EST
Sabti, Maarso, 07, 2020 (HOL)- Madaxweynaha Jubbaland Axmed Madoobe ayaa maanta ku andacooday in uu diiday dalab lacageed oo dowladda federalka usoo bandhigtay si uu meesha uga baxo.

3/7/2020 4:31 AM EST
Sabti, Maarso, 07, 2020 (HOL)- Madaxweynihii hore ee dowlad goboleedka Soomaaliyeed ee Puntland Cabdiweli Maxamed Cali Gaas ayaa maanta dib ugusoo laabtay magaalada Garowe hal sano kadib markii looga guulaystay doorashadii madaxtinimada Puntland.

3/7/2020 3:13 AM EST
Sabti, Maarso, 07, 2020 (HOL)- Wasaaradda Caafimaadka iyo Ka Hortagga (MoHAP) ayaa soo warisay 15 xaaladood oo cusub oo ah coronavirus, taasoo ka dhigeysa tirada guud ee la xaqiijiyay 45 kiis oo Coronavirusa.

3/7/2020 1:07 AM EST
Sabti, Maarso, 07, 2020 (HOL)-War ka soo baxay Dowladda Soomaaliya iyo howlgalka Mareykanka ee Africom ayaa lagu sheegay in duqeyn Mareykanku ka fuliyay gobolka Shabeellaha Hoose lagu dilay sarkaal ka tirsanaa Ururka Al-shabaab.