6/3/2020
Today from Hiiraan Online:  _
Wararka Maanta- Sabti, Mar 7 , 2020
Axmed Madoobe: Dowladda federalku waxay iigu goodisay lacag qaado oo meesha isaga tag ama waan ku dilaynaa





Sabti, Maarso, 07, 2020 (HOL)- Madaxweynaha Jubbaland Axmed Madoobe ayaa maanta ku andacooday in uu diiday dalab lacageed oo dowladda federalka usoo bandhigtay si uu meesha uga baxo.

Madaxweyne Axmed Madoobe oo barlamaanka Jubbaland ka hor hadlayay ayaa yidhi,’’ Waxaa maanta aniga sharaf ii ah inaanan reer Jubbaland dhaafsiisan 20 milyan oo dollar oo afka la iigu shubo, Mana jiro macno aan ka gorgortami karay.

Axmed Madoobe ayaa sidoo kale sheegay in loo hanjabay oo loogu goodiyay haddii uu xilka iskusii dhajiyo in la dilidoono loona adeegsandoono dowladdo shisheeye. Waxa uu tilmaamay in dowladda federalka dad usoo adeegsatay in sidaas loogu goodiyo.

‘’Jubbaland, culayska ugu badan aniga ayuu igu dhacayay, waxay gaartay in la idhaho lacag qaado oo meesha isaga tag. Wiilasha isiinayay amarkaas waxay ahaayeen wiilal yaryar oo aan dowladnimada waxba ka aqoonin. Waxaa intaas ii dheer hanjabaado iyo in la yiraahdo waan ku dilaynaa iyadoo la kaashanayo dowladda shisheeye,’’ ayuu yidhi Axmed Madoobe.

Axmed Madoobe wuxuu ugu baaqay madaxweyne Farmaajo inay miiska wada hadalka isugu yimaadaan oo ay ku kala baxaan dastuurka Soomaaliya. Waxaa sidoo kale uu baaq udiray dowladdaha Turkiga Ethiopia iyo Qatar isagoo ka codsaday inay joojiyaan dhaqaalaha iyo ciidamada ay tababarayaaan ee uu sheegay in lagu dhibaataynayo Jubbaland.

Abdiweli M. Sheikh, Hiiraan Online
[email protected]









Click here
3/7/2020 2:57 PM EST
Sabti, Maarso, 07, 2020 (HOL)- Golaha wasiiradda ee dowlad goboleedka Puntland oo caawo yeeshay kulan uu shir-guddoomiyey madaxweyne Deni ayaa wax iska weydiiyay arrimo ay ugu muhiimsanaayeen caabuqa Coronavirus ee adduunka faraha kulul ku haya.

3/7/2020 10:16 AM EST
Sabti, Maarso, 07, 2020 (HOL)- Mas’uuliyiinta Sucuudiga ayaa xirey seddex xubnood oo qoyska boqortooyada ah, oo uu ku jiro boqorka walaalkii iyo dhaxal-sugihii hore, kadib isku day afgambi oo la sheegay inuu socday.

3/7/2020 9:13 AM EST
Sabti, Maarso, 07, 2020 (HOL) - Xildhibbaan Cabdiqaadir Jirde oo Sheegay in Aanay Dhimanin Himiladii Shanta Soomaaliyeed “Shantii Soomaaliyeed Inagamay Dhimanin, Waxaan Filaynaa in Shantii oo Xor ahi ay Isa Soo Doontaan.”. Xildhibbaan Cabdiqaadir jirde

3/7/2020 9:06 AM EST
Sabti, Maarso, 07,2020 (HOL)–Golaha Wakiilada Somaliland ayaa soo saaray go’aan meesha looga saarayo qodobkii kootadda loogu xidhay shirkadda SOMCABLE keenista xadhiga Fiber Optic ee badda hoos mara oo sanadkii 2011-kii shirkadaasi kooto loogu xidhay.

3/7/2020 4:31 AM EST
Sabti, Maarso, 07, 2020 (HOL)- Madaxweynihii hore ee dowlad goboleedka Soomaaliyeed ee Puntland Cabdiweli Maxamed Cali Gaas ayaa maanta dib ugusoo laabtay magaalada Garowe hal sano kadib markii looga guulaystay doorashadii madaxtinimada Puntland.

3/7/2020 3:13 AM EST
Sabti, Maarso, 07, 2020 (HOL)- Wasaaradda Caafimaadka iyo Ka Hortagga (MoHAP) ayaa soo warisay 15 xaaladood oo cusub oo ah coronavirus, taasoo ka dhigeysa tirada guud ee la xaqiijiyay 45 kiis oo Coronavirusa.

3/7/2020 1:07 AM EST
Sabti, Maarso, 07, 2020 (HOL)-War ka soo baxay Dowladda Soomaaliya iyo howlgalka Mareykanka ee Africom ayaa lagu sheegay in duqeyn Mareykanku ka fuliyay gobolka Shabeellaha Hoose lagu dilay sarkaal ka tirsanaa Ururka Al-shabaab.