6/2/2020
Today from Hiiraan Online:  _
Wararka Maanta- Khamiis, Mar 12, 2020
$4.3 milyan oo ku baxday dhismaha iyo garoonka Baraawe oo 'kaaf iyo kala dheeri noqday'


 

Khamiis, Maarso, 12, 2020 (HOL)- Dowladda Soomaaliya ayaa shaaca ka qaadday in si rasmi ah loo furay garoonka diyaaradaha magaalo xeebeedka Baraawe, kaddib markii toddobaadkan uu xarigga ka jaray ra'iisul wasaaraha xukuumadda ,Xasan Cali Khayre.

Garoonkan ayaa waxaa la sheegay inay ku baxday 4.3 milyan oo dollar, arrintaa waxaa ay dhalisay dood, markii la soo bandhigay muuqaalka garoonka oo aan lahayen dhabbe dhisan oo ay dayuuraduhu ku ordaan sidoo kale dhismaha meesha ka muuqdaa kama wayna hal qol oo hal albaab oo laga galo leh, taaso markiiba loo arkay lacagta iyo muuqaalka dhisme inay kaaf iyo kala dheeri yihiin.

Markiiba waxaa la is waydiinayay ayaa aheyd haddii wali garoonka uu qabyo yahay oo ay wax u dhimanyihiin, balse arrintaa waxaa meesha ka saaray safiirka Midowga Yurub ee Soomaaliya,Nicolas Berlanga oo sheegay inuu garoonku dhamaystirmay kharashka ku baxayna uu sax yahay, arrintaa oo doodda xoojisay.

Waxaa kale oo warka Danjiraha ka muuqata in kharashkan oo ah deeq dibadeed ay beesha caalamku wax ka ogtahay ,maaddama xisaabtu aysan dhismaha garoonka ka muuqaan.

Ra'iisul wasaaraha Khayre, oo xoojiyay hadalka danjiraha  wuxuu dhankiisa sheegay in inta dhiman la dhammeystirayo isla markaana waddo 7 km ah oo isku xiraya garoonka iyo magaalada Baraawe ay dowladdu dhismihiisa ballanqaadeyso,balse waxaan la ogeyn in lacagtaasi tahay mid ka baxsan miisaaniyadda iminka la sheegay iyo inay ka mid tahay.

Qodobka ugu weyn ee loo cuskadday dhaqaalaha badan ee la sheegay inay ku baxday garoonka ayaa lagu sheegay in lacagaha ugu badan lagu bixiyay qalabka wax lagu dhisayay,maaddama deegaannada ku dhow Baraawe ay gacanka ugu jiraan ururka Al-Shabaab.

Ma qaabka ay xukuumadda wax u gudbinayo ayay wax ka qaldanyihiin ,mise beesha caalamka ayaa lafteedu musuqday, taasi ma kala cadda,waana midda ay wali su'aasha ka taagantahay.



Abdisalan Nur Dirie, Hiiraan online









Click here
3/12/2020 10:04 PM EST
Khamiis, Maarso, 12, 2020 (HOL)-Raiisel wasaaraha dalka Kanada Justin Trudeau ayaa si shaqsiyan ah isku karantiilay kadib markii uu isaga shakiyay inuu qaadday coronavirus, xafiiskiisa ayaa warkaasi ku dhawaaqay.

3/12/2020 5:35 PM EST
Khamiis, Maarso, 12, 2020 (HOL) - Af-hayeenka Wasaaradda arrimaha dibadda ee dalka Shiinaha Zhao Lijian ayaa barta uu ku leeyahay Twitterka ku sheegay in ciidamahada Mareykanka ay keeneen cudurka CORONAVIRUS magaalada Wuhan....

3/12/2020 9:25 AM EST
Khamiis, Maarso, 12, 2020 (HOL)-Dharkayn, ama Dharkayn-geenyo waa magaalo yar laakiin mudo dheer soo jirtey, waxaana mageceedu ka soo jeeda 1920kii xiligii daraawiishi ka baxday Taleex ayay ku hakadeen waxaana la yidhaa waxaan fardo ahayn may wadan, goobtan ayay ku qasheen geenyo.

3/12/2020 6:08 AM EST
Khamiis, Maarso, 12, 2020 (HOL)- Maxkamadda ciidamada qalabka sida ee Soomaaliya ayaa xukun dil ah ku ridday Maxamed Cali Maxamed oo loo haysto dilka askari ka tirsan ilaallada deegaanka Xamar.

3/12/2020 6:04 AM EST
Khamiis, Maarso, 12, 2020 (HOL)- Golaha Amniga ee Qaramada Midoobay ayaa si adag u cambaareeyay khatarta sii kordheysa ee ku wajahan nabadda iyo amniga qaaradda Afrika ee ka imanaya argaggixisannimada.

3/12/2020 3:32 AM EST
Khamiis, Maarso, 12, 2020 (HOL)- Aqalka Cad ayaa Arbacadii shaaciyey in muwaadiniinta aan Mareykanka aheyn loo ogolaan doonin inay ka safraan Yurub oo ay tagaan Mareykanka muddo 30 maalmood ah. Tilaabadaan ayaa ah isku day aan caadi aheyn oo lagu joojinayo faafitaanka coronavirus-ka cusub.

3/12/2020 2:36 AM EST
Khamiis, Maarso, 12, 2020 (BBC) - Warbaahinta Fox News ee dalka Mareykanka ayaa ku soo warrantay in xildhibaanad Ilhaan Cumar oo katirsan aqalka Kongreska ee dalka Mareykanka, lagana soo doorta Minesota ay shaacisay inay aqal gashay.

3/12/2020 2:20 AM EST
Khamiis, Maarso, 12, 2020 (HOL)- Maamulka Galmudug ayaa eedeyn ku eedeeyay Dowlad Gobolleedka ay ood-wadaagga yihiin ee Puntland in ay faragalin ku heyso arrimaha siyaasadda Galmudug.

3/12/2020 2:09 AM EST
Khamiis, Maarso, 12, 2020 (HOL)-Xoogag ka tirsan Ururka Al-shabaab ayaa xalay weerar ku bilowday madaafiic ku qaaday fariisimo ay ciidamada dowlada ku leeyihiin deegaanka Aw-dheegle ee gobolka Shabeellaha Hoose.