6/3/2020
Today from Hiiraan Online:  _
Wararka Maanta- Khamiis, Mar 12, 2020
Dharkayn-geenyo oo caleemo saarka Garaad Mukhtaar iyo Muuqaalka guud ee goobta



Khamiis, Maarso, 12, 2020 (HOL)-Dharkayn, ama Dharkayn-geenyo waa magaalo yar laakiin mudo dheer soo jirtey, waxaana mageceedu ka soo jeeda 1920kii xiligii daraawiishi ka baxday Taleex ayay ku hakadeen waxaana la yidhaa waxaan fardo ahayn may wadan, goobtan ayay ku qasheen geenyo.

Dharkayn waxaa mara xadka dawlad degaanka Soomaalida Itoobiya oo laba u qaybiya, waxayna xadka gobolka Sool ka soo afjartaa dhinaca Buuhoodle.
 
Magaaladan dhamaadkii qarnigii tegey ayaa lagu caleenasaaray Garaad Cali Buraale Xasan Gaba'aweyte oo dhalay garaad Mukhtaarkan alle naxariistiisa hawgu dooq'e.
 
Sidoo kale waxaa lagu xasuustaa magaaladan in ay bud dhig u ahayd wadahadalo dhaera oo colaad ku dhowaad 30 sano dhex taaley laba beelood oo koonfurta iyo galbeedka degmada Laascaanood wada dega tanina qayb ka tahay maantase nabad tisqaaday ay ka hana qaaday waana ta sahashey in in caleemasaarka garaadka lagu qabto iyadoo uu ku caana shubay Garaad Jaamac Garaad Cali iyadoo madax dhaqamedkii Soomaali inta badan cidi ka joogto.
 
Madasha oo ahayd mid aad looga sheqeeyey hanti badana loo huray ayaa waxaa is dhec yaala agabkii hidaha iyo dhaqanka iyo kuwii casiriga ahaa oo isku milan indhuhuna inbadan ayay ku madhquulayaan daawashadooda.
 
Gamaanka siiba fardaha oo goobtan magac ahaan u sidato ayaa wiilal bari og duleedka madasha barbariijinayeen iyagoo mararka qaarkoodna gudaha u soo gelaayey oo salaamayey madaxda kala duwan ee halkaasi ku kulantay.
 
Madashan oo xiisa kale leh waxaa isugu yimi madax iyo madax-dhaqameed qaarna Puntland ka yimaadeen Qaarna Somaliland waayo badana aanay dhaayahoodu isqaban.
 
Haatan waxaa socda qudbadihii ay masuuliyiintu jeedinayeen oo u badan dardaaran iyo waano, waxaana ka reeban hadal siyaasadeed ama xanaf kicin kara inta lagu jiro madasha waase furantahay in laysu qoor laabo wixii ka danbeeya.
 
Seynab Cabdi Warsame
 










Click here
3/12/2020 10:04 PM EST
Khamiis, Maarso, 12, 2020 (HOL)-Raiisel wasaaraha dalka Kanada Justin Trudeau ayaa si shaqsiyan ah isku karantiilay kadib markii uu isaga shakiyay inuu qaadday coronavirus, xafiiskiisa ayaa warkaasi ku dhawaaqay.

3/12/2020 5:35 PM EST
Khamiis, Maarso, 12, 2020 (HOL) - Af-hayeenka Wasaaradda arrimaha dibadda ee dalka Shiinaha Zhao Lijian ayaa barta uu ku leeyahay Twitterka ku sheegay in ciidamahada Mareykanka ay keeneen cudurka CORONAVIRUS magaalada Wuhan....

3/12/2020 10:19 AM EST
Khamiis, Maarso, 12, 2020 (HOL)- Dowladda Soomaaliya ayaa shaaca ka qaadday in si rasmi ah loo furay garoonka diyaaradaha magaalo xeebeedka Baraawe, kaddib markii toddobaadkan uu xarigga ka jaray ra'iisul wasaaraha xukuumadda ,Xasan Cali Khayre.

3/12/2020 6:08 AM EST
Khamiis, Maarso, 12, 2020 (HOL)- Maxkamadda ciidamada qalabka sida ee Soomaaliya ayaa xukun dil ah ku ridday Maxamed Cali Maxamed oo loo haysto dilka askari ka tirsan ilaallada deegaanka Xamar.

3/12/2020 6:04 AM EST
Khamiis, Maarso, 12, 2020 (HOL)- Golaha Amniga ee Qaramada Midoobay ayaa si adag u cambaareeyay khatarta sii kordheysa ee ku wajahan nabadda iyo amniga qaaradda Afrika ee ka imanaya argaggixisannimada.

3/12/2020 3:32 AM EST
Khamiis, Maarso, 12, 2020 (HOL)- Aqalka Cad ayaa Arbacadii shaaciyey in muwaadiniinta aan Mareykanka aheyn loo ogolaan doonin inay ka safraan Yurub oo ay tagaan Mareykanka muddo 30 maalmood ah. Tilaabadaan ayaa ah isku day aan caadi aheyn oo lagu joojinayo faafitaanka coronavirus-ka cusub.

3/12/2020 2:36 AM EST
Khamiis, Maarso, 12, 2020 (BBC) - Warbaahinta Fox News ee dalka Mareykanka ayaa ku soo warrantay in xildhibaanad Ilhaan Cumar oo katirsan aqalka Kongreska ee dalka Mareykanka, lagana soo doorta Minesota ay shaacisay inay aqal gashay.

3/12/2020 2:20 AM EST
Khamiis, Maarso, 12, 2020 (HOL)- Maamulka Galmudug ayaa eedeyn ku eedeeyay Dowlad Gobolleedka ay ood-wadaagga yihiin ee Puntland in ay faragalin ku heyso arrimaha siyaasadda Galmudug.

3/12/2020 2:09 AM EST
Khamiis, Maarso, 12, 2020 (HOL)-Xoogag ka tirsan Ururka Al-shabaab ayaa xalay weerar ku bilowday madaafiic ku qaaday fariisimo ay ciidamada dowlada ku leeyihiin deegaanka Aw-dheegle ee gobolka Shabeellaha Hoose.