6/3/2020
Today from Hiiraan Online:  _
Wararka Maanta- Khamiis, Mar 12, 2020
Galmudug oo eedeyn u jeedisay Puntland


 

Khamiis, Maarso, 12, 2020 (HOL)- Maamulka Galmudug ayaa eedeyn ku eedeeyay Dowlad Gobolleedka ay ood-wadaagga yihiin ee Puntland in ay faragalin ku heyso arrimaha siyaasadda Galmudug.

Afhayeen u hadlay Galmudug oo lagu magacaabo Cismaan Ciise Nuur Taardhuleed oo la hadlayay warbaahinta gudaha ayaa sheegay in Puntland fara-galin ku heyso arrimaha siyaasadda Galmudug.

Wuxuu sheegay afhayeenka in maamulka Galmudug iyo biulshada ku dhaqan intaba go'aan ka qaadan doonaan Puntland haddii aysan joojin sida uu hadalka ku dhigay fara-galinta, laakiin ma uusan sheegin waxa ay tahay fara-galinta ay ku eedeynayaan Puntland.

Laakiin eedeynta ayaa imaneysa xili magaalada Garoowe ee xarunta u ah dowlad gobolleedka Puntland lagu soo dhaweeyay hoggaanka sare Ahlu Sunna Waljameeca oo markii danbe halkaa ka soo saaray warsaxaafadeed ay ku cabaareeyeen dagaalkii ka dhacay degmada Dhuusa-Mareeb ee looga itaal roonaaday. 

C/raxmaan Diini, Hiiraan Online
[email protected]
 










Click here
3/12/2020 10:04 PM EST
Khamiis, Maarso, 12, 2020 (HOL)-Raiisel wasaaraha dalka Kanada Justin Trudeau ayaa si shaqsiyan ah isku karantiilay kadib markii uu isaga shakiyay inuu qaadday coronavirus, xafiiskiisa ayaa warkaasi ku dhawaaqay.

3/12/2020 5:35 PM EST
Khamiis, Maarso, 12, 2020 (HOL) - Af-hayeenka Wasaaradda arrimaha dibadda ee dalka Shiinaha Zhao Lijian ayaa barta uu ku leeyahay Twitterka ku sheegay in ciidamahada Mareykanka ay keeneen cudurka CORONAVIRUS magaalada Wuhan....

3/12/2020 10:19 AM EST
Khamiis, Maarso, 12, 2020 (HOL)- Dowladda Soomaaliya ayaa shaaca ka qaadday in si rasmi ah loo furay garoonka diyaaradaha magaalo xeebeedka Baraawe, kaddib markii toddobaadkan uu xarigga ka jaray ra'iisul wasaaraha xukuumadda ,Xasan Cali Khayre.

3/12/2020 9:25 AM EST
Khamiis, Maarso, 12, 2020 (HOL)-Dharkayn, ama Dharkayn-geenyo waa magaalo yar laakiin mudo dheer soo jirtey, waxaana mageceedu ka soo jeeda 1920kii xiligii daraawiishi ka baxday Taleex ayay ku hakadeen waxaana la yidhaa waxaan fardo ahayn may wadan, goobtan ayay ku qasheen geenyo.

3/12/2020 6:08 AM EST
Khamiis, Maarso, 12, 2020 (HOL)- Maxkamadda ciidamada qalabka sida ee Soomaaliya ayaa xukun dil ah ku ridday Maxamed Cali Maxamed oo loo haysto dilka askari ka tirsan ilaallada deegaanka Xamar.

3/12/2020 6:04 AM EST
Khamiis, Maarso, 12, 2020 (HOL)- Golaha Amniga ee Qaramada Midoobay ayaa si adag u cambaareeyay khatarta sii kordheysa ee ku wajahan nabadda iyo amniga qaaradda Afrika ee ka imanaya argaggixisannimada.

3/12/2020 3:32 AM EST
Khamiis, Maarso, 12, 2020 (HOL)- Aqalka Cad ayaa Arbacadii shaaciyey in muwaadiniinta aan Mareykanka aheyn loo ogolaan doonin inay ka safraan Yurub oo ay tagaan Mareykanka muddo 30 maalmood ah. Tilaabadaan ayaa ah isku day aan caadi aheyn oo lagu joojinayo faafitaanka coronavirus-ka cusub.

3/12/2020 2:36 AM EST
Khamiis, Maarso, 12, 2020 (BBC) - Warbaahinta Fox News ee dalka Mareykanka ayaa ku soo warrantay in xildhibaanad Ilhaan Cumar oo katirsan aqalka Kongreska ee dalka Mareykanka, lagana soo doorta Minesota ay shaacisay inay aqal gashay.

3/12/2020 2:09 AM EST
Khamiis, Maarso, 12, 2020 (HOL)-Xoogag ka tirsan Ururka Al-shabaab ayaa xalay weerar ku bilowday madaafiic ku qaaday fariisimo ay ciidamada dowlada ku leeyihiin deegaanka Aw-dheegle ee gobolka Shabeellaha Hoose.