6/2/2020
Today from Hiiraan Online:  _
Wararka Maanta- Talaado, Mar 10, 2020
Hargeysa:Nin Ajanabi ah oo lagu qabtay xayawaanka Caasho badhida oo uu dalka ka dhoofinayey


 

Talaado, Maarso, 10,2020(HOL)–Ciidanka booliska Somaliland ayaa maanta gacanta ku soo dhigay nin Masri ah oo xayawaanka looyaqaan Caasho badhidda isagoo si qarsoodiya uga dhoofinayey madaarka Hargeysa.

Afhayeenka ciidanka Booliska Somaliland Faysal Xiis ayaa sheegay inuu talaagado uu alaab kale dusha ka saaray ku hoos gurey si uu dalka qarsoodi uga dhoofiyo, taas oo ay ogaadeen ciidanka xuuraanka ah ee boolisku.

“Ciidamada amniga ayaa gacanta ku soo dhigay sadex boqol oo midh oo Caasho badhi ah, waxana lagu soo qabtay ninkan masriga ah waxaanu ka soo urursaday bariga magaalada Hargeysa, isagoo dadkii reer miyiga ahaa lacag kaga bedelanaya si loogu soo ururiyo, waxaanu dhalinyartaasi usoo ururinayey siinayey maalintii toban dollar, isaguna waxa uu gaynayey qaarada Aasiya, sida Taylaan, Jabaan, indoonaysiya, kuwaasi oo uu sheegay inay xabadiiiba ka siisanayaan boqol dollar, muddo afar jeerba wuu dhoofiyey xayawaankan.”ayuu yidhi Faysal Xiis.

 

Afhayeenku waxaa uu sheegay inuu hada ninkaasi xidhan yahay, sharcigana la horgaynayo, isagoo dadka reer Somaliland ugu baaqay in aanay ogolaaan xayawaanka dhulkooda ku nool in dadku dhoofiyaan.

Xayawaankan caasho badhidda looyaqaan ayaa ah xayawaan dadka halis ku ah oo sida Maska oo kale ah hadii uu ku qaniinana ay u geeriyoon kartid.

Barkhad-ladiif M. Cumar, Hiiraan Online

[email protected]

Hargeysa, Somaliland. 










Click here
3/10/2020 3:30 PM EST
Talaado, Maarso, 10, 2020 (HOL)- Wasaaradda Caafimaadka iyo Daryeelka Bulshada oo maalmahana si gaar ah isha ugu haysay Caabuqo COVID-19, ayaa shaacisay inay baritaan ku hayso muwaadin Soomaaliyeed oo saarnaa diyaaradda Itoobiya ee saakey soo gaartay garoonka Aadan Cabdulle ee Muqdisho, kaasoo looga shakisan yahay inuu qabo feyraska Covid 19.

3/10/2020 12:28 PM EST
Talaado, Maarso, 10, 2020 HOL) Guddoomiyihii dhaq-dhaqaaqii loo yaqaanay NFD Suldaan Deeqoow Suldaan Macalin Sanbuul, ayaa ka dhawaajiyey in ay weli jiraan dhaq-dhaqaaqyaddii Soomaaliyeed ee goballada NFD, waxaana uu carabka ku dhuftay in duulimaadka ay dawladda Kenya....

3/10/2020 11:46 AM EST
Talaado, Maarso, 10, 2020 HOL)– Wasiirka arrimaha gudaha Somaliland iyo wakiiladda Midowga Yurub iyo Sweden ayaa kala saxeexday mashruuc dib loogu habaynayo hay’adaha garsoorka iyo Booliska.

3/10/2020 4:58 AM EST
Talaado, Maarso, 10, 2020 (HOL)- Dowladda Itoobiya ayaa la noqotay saami boqolkiiba 19% ah oo ay ku lahayd Dekadda Berbera, waxayna sheegtay toddobaadkan in mashruucaas ay si buuxda u hakiyeen.

3/10/2020 3:59 AM EST
Talaado, Maarso, 10, 2020 (HOL)- Guddiga Olombikada Talyaaniga ayaa Isniintii ku dhawaaqay in dhammaan dhacdooyinka isboorti - oo ay ku jiraan kubbadda cagta Serie A - laga joojiyay waddanka illaa iyo 3da Abriil sababo la xiriira walaac caafimaad oo la xiriira coronavirus.

3/10/2020 3:15 AM EST
Talaado, Maarso, 10, 2020 (HOL)- Culimada muslimiinta Kenya ayaa Kenya ugu baaqay in ay tixgaliso qorshaheeda ku aadan inay kala baxdo Ciidamada Difaaca Kenya ee ku sugan Soomaaliya.

3/10/2020 2:54 AM EST
Talaado, Maarso, 10, 2020 (HOL)-War ka soo baxay Taliska Howlgalka Mareykanka Africom ayaa looga hadlay duqeyn ay ka fuliyeen deegaanno hoostaga Gobolka Shabeellaha Hoose