7/2/2020
Today from Hiiraan Online:  _
Wararka Maanta- Isniin, Jun 29, 2020
Qoyska ninkii lagu tuhmayay weerarka Glasgow oo sheegay inuu qabay xanuunka dhimirka


 

Isniin, Juun 29, 2020 (HOL) - Qoyska nin dhowaan ay toogteen booliska Glasgow ee ku hubeysnaa mindida islamarkaana la sheegay inuu dhowr qof tooriyeeyay, ayeey qoyskiisa sheegeen inuu qabay xannuunka dhimirka.

Tuhmane Badreddin Abdalla Adam oo 28 jir ahaa ayaa asal ahaan kasoo jeeday waddanka Sudan,  waxayna booliska ku eedeeyeen toogashadiisa kadib weerar mindi loo adeegsaday oo magaalada Glasgow ka dhacay Jimcadii aynu soo dhaafnay.

Xubin u hadlay Jaaliyadda Suudaan ee Glasgow ayaa sheegay in xaaladda caafimaad eedeysanaha la toogtay aysan aheyn mid wanaagsaneyd.

 “Mr Adam wuxuu qabay xanuunka maskaxda , qoyskiisana way ka xunyihiin dadkii uu mindiyeeyay” ayuu yiri Afhayeenka u hadlay Jaaliyadda Suudaan oo wareysi siiyay BBC-da .

Adam ayaa waxaa toogtay askari ka tirsan Booliska gaarka ah ee Scotland kadib markii uu lix qof mindi ku dhuftay, kuwaas oo ku sugnaa  Park Inn Hotel  oo ku yaalla waddada galbeedkaa George ee magaalada Glasgow .

28 jirka weerarka lagu tuhmayo ee la qaarajiyay ayaa deganaa qolka 91-aad, waxa uuna kamid ahaa ku dhowaad 100 qof oo magan-gelyo doon ah oo Hotel-kaas ku sugnaa tan iyo wixii ka dembeeyay markii safmarka Coronavirus uu dillaacay

Almadi oo ah ninka u hadlay jaaliyadda Suudaan ayaa mar kale BBC-da u sheegay in muddo bil ah uu Adam ku karaantiilnaa qolkiisa, kadib markii lagu arkay calaamadaha COVID-19.

“Xaqiiqdii waxa uu aad ula bukoonayay xanuunka dhimirka, weliba wuu sii darsaday markii uu hotel-ka deganaa “ ayuu hadalkiisa sii raaciyay.

Weerarrada mindiyada loo adeegsada ayaa badanaa ka dhaca waddamada reer galbeedka, waxayna galaafteen nolosha dad badan.

Abdiaziz Ahmed Barrow, Hiiraan Online
[email protected]









Click here
6/29/2020 5:42 PM EST
Isniin, Juun 29, 2020 (HOL) - Beesha caalamka ayaa bayaan ay soo saartay waxay carrabka ku adkeysay baahida joogtada ah ee loo qabo wadahadal dhameystiran oo faah-faahsan oo dhexmara madaxda DFS iyo Dowlad Goboleedyada.

6/29/2020 1:49 PM EST
Isniin, Juun 29, 2020 (HOL) - Danjiraha Soomaaliya ee Qaramada Midoobay Abukar Dahir Osman (Abukar Baalle) ayaa maanta loo doortay guddoomiye ku xigeenka golaha guud ee kal-fadhiga 75-aad ee Qaramada Midoobay.

6/29/2020 8:11 AM EST
Isniin, Juun 29, 2020 (HOL)-Waxaa maanta maxkamadda Ciidamada qalabka sida ee dowladda Soomaaliya kasoo hormuuqday askari ka tirsan ciidanka booliska Soomaaliyeed oo ku eedeysan dilkii ka dhacay Isgoyska Jubba ee magaalada Muqdisho 1-dii bishii Ramadaan ee lasoo dhaafay .

6/29/2020 8:04 AM EST
Isniin, Juun 29, 2020 (HOL) - Barlamaanka Puntland ayaa ugu baaqay madaxweyne Deni iyo xukuumadiisa in aysan ka qeyb galin shirka madaxweynaha dowlada federalka ku qabanayo Muqdisho, illaa inta laga saxayo waxay ugu yeereen xad gudubka loo geystay sharuucda iyo xeerarka doorashada.

6/29/2020 1:06 AM EST
Isniin, Juun 29, 2020 (HOL) - Safiirka Jamhuuriyadda Soomaaliya u fadhiya dalka Itoobiya Danjire Cabdixakiim Cabdullaahi Cumar ayaa waxa uu sheegay in Soomaaliya ay si buuxdo u taageersantahay biyo xireenka Itoobiya ay ka sameyneyso webiga Nile, kaas oo ay Dowladda Masar diiddantahay.

6/29/2020 12:55 AM EST
Isniin, Juun 29, 2020 (HOL) - Guddoomiyaha barlamaanka Puntland ayaa ku wargaliyay xildhibaanada Puntland inay si buuxda usoo xaadiraan kalfadhiga maanta iyagoo lagu wargaliyay in go’aan lagasoo saaridoono sharciyadii uu meel mariyay barlamaanka Soomaaliya.

6/29/2020 12:48 AM EST
Isniin, Juun 29, 2020 (HOL) - Wasaaradda caafimaadka Itoobiya waxay shaacisay 119 xaalad oo cusub oo ah COVID-19 oo laga helay waddankaasi kadib markii baaritaan lagu sameeyay 3,895 bukaan oo xanuunka looga shakiyay 24 saac ee ugu dembeeyay.

6/29/2020 12:34 AM EST
Isniin, Juun 29, 2020 (HOL) - Senator Cabdirazaq Cusman Xasan “Jurile”oo katirsan wakiilada aqalka sare ee ku matala dowlad goboleedka Puntland, ayaa ku eedeeyay madaxweyne Farmaajo iyo guddoomiyaha golaha shacabka in ay dileen rajadii laga qabay in Soomaaliya u dhaqaaqdo jihada saxda ah iyo dadaaladii lagasoo shaqeynayay.