7/2/2020
Today from Hiiraan Online:  _
Wararka Maanta- Axad, Jun 28, 2020
Daahir Geelle “Xildhibaannada Baarlamanka shalay waxay daaweeyeen shacabka Gobolka Banaadir”


 

Axad, Juun 28, 2020 (HOL) - Wasiirkii hore ee warfaafinta Daahir Maxamuud Geelle ayaa waxa uu si weyn usoo dhoweeyay tallaabadii shalay aqalka hoose ee Baarlamanka Soomaaliya uu ku ansixiyay in Gobolka Banaadir uu aqalka sare ee Baarlamanka dalka uu ku yeesho metalaadda 13 xubnood .

Waxa uuna tilmaamay in arrintaasi ay aheyd wax wanaagsan oo daaweyn kareysa shacabka Gobolka, isagoo intaa ku daray haddii mar Banaadir ay yeelatay matalaad siyaasadeed, in haddana loo jiheysto sidii caasimadda qaranka ay ku heli laheyd meeqaam gaar ah.

” Waxaan bogaadinayaa tallaabadii Golaha Shacabku maanta ku meel mariyeen in gobolka Banaadir loo qoondeeyo 13 senator oo uu ku yeesho aqalka sare ee dalka.

Waxay daweyneysaa tabasho ay qabeen dadka ku nool caasimadda oo aan matelaad ku lahayn Golaha Aqalka sare “ ayuu Daahir Geelle ku yiri qoraal uusoo saaray .

Isagoo mar kale ka hadlayay arrinta maqaamka Muqdisho iyo muhiimadda ay leedahay ayaa waxa uu si weyn usoo hadal qaaday in arrintaasi lasii dhaqaajiyo.

“Arrin kale oo muhiim ah waxay tahay Maqaamka caasimadda oo isaguna leh mudnaan gaar ah, taas oo aan ku imaaneyn soo dhacsasho ee ku imaaneysa ka dhaadhicin walaalaha Soomaaliyeed inay caasimadda siiyaan maqaam marka hore u adeegaya qaranka, dadka degganna siinaya waxa ay mudan yihiin”, ayuu mar kale sheegay Daahir Geelle.

Mas’uuliyiin badan ayaa illaa iyo xalay soo dhoweynayay tallaabadii shalay aqalka hoose ee Baarlamanka uu ku meel mariyay xubnaha 13 ah ee saami ahaa ku matali doona aqalka sare Gobolka Banaadir oo ah ubucda dowladda Soomaaliya ay ku shaqeyso.

Abdiaziz Ahmed Barrow, Hiiraan Online
[email protected]









Click here
6/28/2020 2:02 PM EST
Axad, Juun 28, 2020 (HOL) - Wasiirka Shaqada iyo Arrimaha Bulshada Xukuumadda Federaalka Soomaaliya, Mudane Sadiq Xirsi Warfa ayaa maanta khudbad ka jeediyay kullan deg deg ah oo aalada Fogaan-Aragga ay ku yeesheen Wasiirrada Arrimaha Bulshada ee waddamada Jaamacadda Carabta.

6/28/2020 11:37 AM EST
Axad, Juun 28, 2020 (HOL) - Barlamaanka dowlad goboleedka Puntland ayaa maanta dood culus ka yeeshay go’aankii uu barlamanka Soomaaliya meel mariyay ee ku saabsanaa in gobolka Banaadir uu helo 13 kursi oo aqalka sare ah.

6/28/2020 7:38 AM EST
Axad, Juun 28, 2020 (HOL) - Midowga Yurub, ayaa soo dhoweeyay warbixinta guddiga doorashooyinka qaran ee Soomaaliya uu ka jeediyay barlamaanka Soomaaliya, balse wuxuu sidoo kale ku adkaysaneynaa baahida loo qabo isafgarad siyaasadeed oo laga gaaro arimaha doorashada.

6/28/2020 4:46 AM EST
Axad, Juun 28, 2020 (HOL) - Xildhibaannada Golaha wakiillada Somaliland ayaa waxay saakay yeesheen kulankoodii caadiga ahaa iyagoo meel mariyay laba xubnood oo mucaaradka Somaliland usoo magacaabeen in lagu daro komishanka doorashooyinka madaxa bannaan, xubnahaas oo ay horay u diideen in ay ansixiyaan.

6/28/2020 4:40 AM EST
Axad, Juun 28, 2020 (HOL) - Madaxweynaha maamulka ku yaalla bartamaha Soomaaliya ee Galmudug Axmed Cabdi Kaariye ayaa waxaa lagu wadaa in uu gaaro magaalada Cabud-waaq oo ah degmo ku taalla waqooyiga Gobolka Galgaduud.

6/28/2020 4:05 AM EST
Axad, Juun 28, 2020 (HOL) - Ururka saxafiyiin Soomaaliland ee SOLJA, ayaa tallaabo sharci darro ah ku tilmaamay go’aankii shaqada looga joojiyay telefishinka madaxa bannan ee Universal Tv xafiiskiisa Somaliland uu ku lahaa.

6/28/2020 3:30 AM EST
Axad, Juun 28, 2020 (HOL) - Guddoomiyaha barlamaanka Soomaaliya Maxamed Mursal Cabdiraxmaan, ayaa wax laga xumaado ku tilmaamay in mid kamid ah maamul goboleedka Soomaaliya uu ku hanjabo haddii aan la joojin fadhiyada barlamaanka in aysan kasoo qeyb galidoonin shirka lskaashiga doorashada ee Muqdisho ka dhacaya Julay.

6/28/2020 2:07 AM EST
Axad, Juun 28, 2020 (HOL) - Duqa Magaalada Toronto ayaa calanka Soomaaliya ka taagay Hoolka Magaalada Toronto jimcihii lasoo dhaafay si loogu xuso Maalinta xurriyada Soomaaliyeed.