7/2/2020
Today from Hiiraan Online:  _
Wararka Maanta- Jimco, Jun 26, 2020
Kulan dhaqaale loogu ururinayey Isbitaalka guud ee Laascaanood oo ka dhacay hotel Safaari




Jimco, Juun 26, 2020 (HOL) - Kulankan oo looga gol lahaa sidii gaadiidka gargaarka degdega ah loogu iibin lahaa isbitaalka Laascaanood ayaa waxaa ka soo qayb galay inta badan ganacsatada, Shirkadaha, masuuliyiin iyo waxgaradba ayaa halkaasi lagaga dhawaaqay dhaqaale iyo gaadiidba.

Kulankan oo ay soo qaban qaabiyeen gudiga taakulaynta caafimaadka ayaa waxay ka warbixiyeen sababta kulankan keentay oo ay ku sheegeen markii la wayey Ambalaas qalabkeedu u dhanyahay, taas oo mudooyinkii la soo dhaafay hadal haynteedu qabsatay baraha Bulshada.

Masuulka shirkada Dahabshiil Cabdiqani Aw Daahir oo ka mid ah gudigan ayaa isagu ku yaboohay hal gaadhi in ay iibinayaan isagoo sheegay in tirada gaadiid ee gobolku u baahan yahay aanay yarayn balse qaybtooda ay ka qaadanayaan.

Yaboohida qaadhaanka gaadhi labaad ayaa ku soo gabagabawdey 19000 oo Doolar, iyadoo shirkado badan oo goobtaas masuuliyiin ka joogeen ay ku gaabsadeen in ay dib talo isugu noqonayaan doorkoodana ka qaadan doonaan.

Dhinaca kale Wasiirka Tamarta  Jaamac Xaaji Maxamuud ayaa saaka ku dhawaaqay in wasaarad ahaan ay gaadhi Ambalaas ah ay bixinayaan si loo daboolo baahida caafimaad ee gobolka maruu dhagax dhigayey xarun cusub oo solar ah.

Horey waxaa gaadhi noocan oo kale ah diray Xaaji Maxamed Jabuutaawi kaas oo la sheegay in uu haatan kusoo wajahan yahay laascaanood.

Seynab Cabdi Warsame
[email protected]
Laascaanood









Click here
6/26/2020 5:45 AM EST
Jimco, Juun 26, 2020 (HOL) - Deegaannada ay kamid ka yihiin Shaam, Yuumbis, Mubaarak iyo Tooratoorow oo dhammaan ka tirsan Gobolka Shabeellada hoose ee Koonfur galbeed Soomaaliya ayaa waxaa ka jira dhaq-dhaqaaq ay sameynayaan ciidamada dowladda faderaalka ah gaar ahaan kuwa kumaandooska ah ee DANAB.

6/26/2020 5:40 AM EST
Jimco, Juun 26, 2020 (HOL) - Madaxweynaha Maamulka Soomaaliyeed ee Hirshabeelle Maxamed Cabdi Waare ayaa waxa uu kulan la qaatay odoyaal iyo wax-garad kasoo kala jeedo beelo walaalo ah oo dhowaan ku dagaallamay xadka ay wadaagaan Gobolka Hiiraan ee Soomaaliya iyo Gobolka Shabeelle oo ah dhulka Soomaaliyeed ee Itoobiya raacsan.

6/26/2020 5:25 AM EST
Jimco, Juun 26, 2020 (HOL) - Ciidamada qalabka sida ee dowladda federaalka ah ee Soomaaliya ayaa waxay sheegeen in ay dileen sargaal sare oo ka tirsan Al-shabaab oo aan Soomaali aheyn, islamarkaana u qaabilsanaa dhinaca tababarka ciidamada , kadib dagaallo ka dhacay dhowr deegaan oo ka tirsan Gobolada dhexe sida uu baahiyahay raadiyaha Ciidamada dowladda ee SNA.

6/26/2020 4:56 AM EST
Jimco, Juun 26, 2020 (HOL) - Madaxweynaha Puntland Siciid Cabdullahi Deni, ayaa qasriga Madaxtooyada waqooyiga Gaalkacayo ku qaabilay Madaxweynaha Galmudug Axmed Cabdi Kaariye Qoorqoor iyo wafdi uu hoggaaminayo.