9/19/2020
Today from Hiiraan Online:  _
Wararka Maanta- Talaado, July 14, 2020
Ra’iisul wasaare Kheyre oo maanta u safraya Dhuusamareeb


 

Talaado, Luulyo 14, 2020 (HOL) - Warar laga helayo ilo ku dhow xafiiska ra’iisul wasaare Xasan Cali Kheyre ayaa waxay HOL u xaqiijiyeen in la filayo maanta in uu u dhoofo magaalada Dhuusamareeb ra’iisul wasaaraha, isagoo aqbalay casuumaaddii ay u sameeyeen madaxda maamul Goboleedyada dalka, isaga iyo madaxweyne Farmaajo.

Madaxda maamul Goboleedyada ayaa ku sugan magaalada Dhuusamareeb, iyagoo halkaasi uu uga socday shir looga hadlayo arrimaha masiirka qaranka iyo xaaladda kala guurka ah.

Sidoo kale Wararka laga helayo Villa Somalia ayaa sheegaya in madaxweyne Maxamed Cabdullaahi Farmaajo uu isagana aqbalay inuu ka qeyb-galo shirka ka soconaya magaalada Dhuusamareeb, Wararka madaxtooyada laga helayo ayaa sidoo kale qeexaya in uu madaxweynahu u dhoofi doono magaalada Dhuusamareeb Khamiista soo socota.

Habeen hore ayaa waxay madaxda maamul Goboleedyada Soomaaliya ay soo saareen war saxaafadeed 4 Qodob ka kooban , kaas oo ah mid kamid ah qodobada uu dhigayay in ay casuumeen madaxda dowladda Soomaaliya, si ay qeyb uga noqdaan shir looga hadlayo xaaladda dalka oo ka dhacaya Dhuusamareeb.

Abdiaziz Ahmed Barrow, Hiiraan Online
[email protected]












Click here
7/14/2020 1:02 PM EST
Talaado, Luulyo 14, 2020 (HOL) - Ra'iisul Wasaaraha Soomaaliya Xasan Cali Kheyre iyo wafdi uu hoggaaminayay ayaa gaaray magaalada Dhuusamareeb, iyadoo si wadajir ah ay garoonka diyaaradaha ugu soo dhoweeyeen Madaxweynayaasha maamul-goboleedyada.

7/14/2020 9:19 AM EST
Talaado, Luulyo 14, 2020 (HOL) - Guddoomiyaha Gobolka Hiiraan Cali Jeyte Cismaan ayaa waxa uu tafaasiil ka bixiyay diyaarad sidday gargaar loogu tala-galay dadkii ay saameeyeen fatahaaddii magaalada Beledweyne oo ku dhacday Madaarka Ugaas Khaliif ee duleedka magaalada Beledweyne .

7/14/2020 8:52 AM EST
Talaado, Luulyo 14, 2020 (HOL) - Diyaarad xamuul ah ayaa ku burburtay garoonka diyaaradaha ee magaalada Baladweyne ee gobolka Hiiraan, waxaana ka badbaaday saddex qof oo isugu jiray labadii duuliyayaal iyo engineerkii dayaaradda

7/14/2020 6:05 AM EST
Talaado, Luulyo 14, 2020 (HOL) - 4 Carruur ah ayaa ku dhimatay xerada barakacayaasha ee Malable oo ku taalla deegaanka Garas baalley ee duleedka Muqdisho , kadib markii uu kusoo dumay darbi ay ka gabaadsanayeen roobab xooggan oo ka da’ay Gobolka Banaadir iyo duleedkiisa.

7/14/2020 6:00 AM EST
Talaado, Luulyo 14, 2020 (HOL) - Waxaa maanta mar kale maxkamadda Gobolka Banaadir kasoo hor muuqday Weriye Cabdicasiis Axmed Gurbiye oo ah agaasime ku xigeenka Warbaahinta Goobjoog Media Group ee magaalada Muqdisho. oo horay loogusoo jeediyay eedeyn ka dhan ah howlahiisa shaqada.

7/14/2020 2:39 AM EST
Talaado, Luulyo 14, 2020 (HOL) - Booliska Kenya ayaa qabtay laba tuhmane argagixiso oo loo maleynayo inay qorsheynayeen weerar ka dhan ah garoonka diyaaradaha ee gobolka Rift Valley ee dalkaas.

7/14/2020 2:16 AM EST
Talaado, Luulyo 14, 2020 (HOL) - Madaxweynaha Galmudug Axmed cabdi Kaariye (Qoorqoor) ayaa sheegay in wajiga labaad ee shirka Dhuusomareeb ay kasoo qeyb galidoonaan madaxda sare ee dowladda federalka Soomaaliya.

7/14/2020 1:05 AM EST
Talaado, Luulyo 14, 2020 (HOL) - Danjirihii South Afrika u fadhiyay Denmarka ayaa ku dhimatay magaalada Johannesburg, iyada oo jirta 59 sano, sida xubno kamid ah qoyskeeda u xaqiijiyeen warbaahinta dowladda ee SABC.