3/29/2024
Today from Hiiraan Online:  _
Wararka Maanta- Talaado, Jan 21, 2020
Wararkii u dambeeyay ee magaalada Diridhabe
 

Talaado, Janaayo, 21, 2020 (HOL)- Wararkii u dambeeyay ee naga soo gaaraya magaalada Diridhabe ayaa sheegaya in xaalad degganaansho la'aan ah laga dareemayo xaafadaha qaar ee magaalada Diridhabe, kaddib isku dhacyo u dhaxeeyay dhalinyarta qawmiyadaha Oromada iyo Axmaarada oo ilaa shalay galinkii dambe rabshado ka sameynayay magaalada.

Haddaba maanta galinkii hore ayay rabshaduhu waxay ku xoogganaayeen dhinaca xaafadda lagu magacaabo Saciido, waxaana jiray inay gacanta isula tageen dhalinyarada qawmiyadaha Axmaarada iyo Oromada, inkastoo markii dambe uu Ciidanku soo kala dhex galay, waxaana jiray dhaawac xogaa ah oo Isbitaalada lagu dawaynayo.

Sidoo kale waxaa jirtay in hanti badan lagu burburiyay rabshadahan oo loo badinayo inay lahaayeen dad Muslimiin ah.

Isku dhacyadan ayaa sabab looga dhigayaa iyadoo maalmahan dadka kiristaanka ah ay xusayeen ciidooda, isla markaana magaalada socod ku marayeen, waxaa jirtay in waddooyinka hareeraheeda ay Axmaaradu marinayeen rinjiyo Cagaar, Huruud iyo Casaan ah, taas oo dhalinyarada Oromadu ka hor istaageen in la mariyo rinjiyadan sida xaafadda Qafiirka, taana ay sababtay isku dhacan labada qawmiyadood ee Axmaarada iyo Oromada.

Waxaa kaloo jirtay in magaalooyinka Haramaaya ee u dhaxaysa Harar iyo Diridhabe ay Oromadu gaadiidka istaajinayeen, iyagoo ka dhex raadinaya dadka Axmaarada ah.

Dhanka kale xaafadaha lagu magacaabo Ishatu ee magaalada Diridhabe ayay iyaduna cabsi ka jirtay, waxaana isu soo urursaday dhalinyar Axmaaro ahaa inkastoo Ciidanku markii dambe kala eryay.

Sannad ka hor wakhtigan oo kale iyo waliba isla ciiddan kiristaanka waxaa isku dhacay Soomaalida iyo Axmaarada wada deggan magaalada, taa oo wakhti dheer soo jiitantay, balse hadda waxa socda Soomaali kuma jirto.

Lama oga waxay ku dambayn doonto xaaladahan hadda ka soconaya magaalada Diridhabe.

Hiiraan Online













Click here
1/21/2020 4:41 PM EST
Talaado, Janaayo, 21, 2020 (HOL)- Wararka ka imaanaya magaalada Jigjiga ayaa sheegaya in maanta ay xiran yihiin waddooyinka waawayn ee magaalada Jigjiga.

1/21/2020 11:05 AM EST
Talaado, Janaayo, 20, 2020 (HOL)-Qoraal ka soo baxay madaxa Xukuumadda Galmudug Sheekh Maxamed Shaakir Cali Xassan ayaa lagu sheegay in aysan qeyb ka aheyn Doorashada madaxwynaha Galmudug ee la qabanqaabinayo.

1/21/2020 8:59 AM EST
Talaado, Janaayo, 21, 2020 (HOL)-Shirkadda Isgaarsiinta Hormuud ayaa War ka soo saartay burburin loo geystay xarun ay ku lahaayeen deegaan lagu magacaabo Jaldeyse oo ka tirsan gobolka Jubbada Hoos.

1/21/2020 8:33 AM EST
Talaado, Janaayo, 21, 2020 (HOL)-Maamulka Puntland ayaa beeniyay ciiddamo dhawaan lagusoo bandhigay magaalada Laascaano ee Somaliland inay yihiin ciiddamo Puntland ka goostay.

1/21/2020 8:06 AM EST
Talaado, Janaayo, 21, 2020 (HOL)- Wasaaradda Boostada, Isgaarsiinta iyo Tiknolojiyadda ayaa cambaareysay weerarkii lagu qaaday Xarunta Shirkadda Isgaarsiinta Hormuud ee deegaanka Jaldeys ee degmada Afmadow ee Gobolka Jubbada Hoose.

1/21/2020 4:25 AM EST
Talaado, Janaayo, 21, 2020 (HOL)- Taliska ciidanka booliiska Puntland ayaa shaqadii ka ruqseeyay 80 askari oo katirsanaa ciiddamada bilayska ee gobolka Nugaal, sida ay Hiiraan Online kasoo xigatay qoraal kasoo baxay xafiiska taliyaha ciidanka bilayska Puntland.

1/21/2020 3:51 AM EST
Talaado, Janaayo,21,2020 (HOL)-Ciidamada dowladda Soomaaliya iyo kuwa howlgalka midowga Africa AMISOM ee Itoobiya ayaa howlgal ka fuliyay qeybo ka mid ah gobolka Hiiraan gaar ahaan degmada Maxaas.

1/21/2020 1:57 AM EST
Talaado, Janaayo, 21, 2020 (HOL)- Maamulka sare ee al-Qaacida, ayaa soo saaray bayaan laba bog ah oo lagu amaanayo waxay ugu yeereen jihaadiyiinta Soomaaliya iyo Mali.

1/21/2020 1:55 AM EST
Talaado, Janaayo, 21, 2020 (HOL)-Waxaa ugu danbeyntii la soo afjaray khilaaf muddo dheer soo jiimatayay oo u dhaxeeyay madaxweynaha dowlad gobolleedka Hirshabeele Maxamed Cabdi Waare iyo Guddoomiyaha Baarlamaanka Cismaan Barre Maxamed.